6
(Mat 12:1-8; Mar 2:23-28)
1 Nizarh ni khat ah Jesuh cu sangvut lo sungih a vah lio ah, a kaizulle ni sangvut vui zutpahin an kut ah an nuai, cun an aw.
2 Ihmansela Farisi-le mihrekkhat ni, “Nizarh ni ih vuak phung a i lo mi cu icaah nan vua?” tiah an ti.
3 Jesuh ni, “David ni a rualcomle rum an ŽaŽhit lio ah itu an ti ta ti nan rel rom lo maw?
4 Pathian inn sung ah lut hratin tlangbawile simlo ih awk phung a i lo mi Bawi Sang la in a aw, cun a hrekkhat a rualcomle a pia hngai hin,” tiah a sawn hngai.
5 Cuhnukah, “Mi Tiapa hi sabbath ih bawi a ii,” tiah a ti hngai.
(Mat 12:9-14; Mar 3:1-6)
6 Sabbath ni ce ah Jesuh cu sinakok ah lutin thu a zirh, culeh acunangah a kut vorhla a zengmi pa a om.
7 Daanzirhtupawl leh Farisipawl ni sabbath ni ah mi damsak leng lei maw tiin amah sual hrawl dawt ah an bawhlanglang.
8 An ruahmi cu a tiah nakauin a kut a zengmi pa cu, “Ma pha la, hinangah diing hnik,” tiah a ti. A tho ih acunang ahcun a diing.
9 Cutikah Jesuh ni, “Ka tan dil hngai. Sabbath ni ih thil Žha vuak maw harnak mipiak, nunnak runsuah maw siatsuah a phung i hmen?” tiah a ti hngai.
10 A hrialkam an zate a zoh hngai hnukah, cu pa cu, “Na kut thlam hnik,” tiah a ti. A thlamih a kut cu a damngah Žhan.
11 Ihmansela Farisipawl leh daanzirhtupawl cu hehharnak in an khatih, Jesuh khawtiih an ti thok thu pakhat leh pakhat an rontia.
(Mat 10:1-4; Mar 3:13-19a)
12 Acu lio ah Jesuh cu thlacam dingin tlaang ah a kai; culeh zan cu Pathian hemih thlacamnak in a hmang.
13 Khua a van tikah a dungzulle ko hngai in, tirhthlahle tiah khaw a kawh hngaimi hleihnih:
14 Simon, Piter tiah min a vawh mi, cun a naupa Andru, cun Jeim, Johan, Filip, Bartholomeo,
15 Matthai, Thomas, Alfias ih tiapa Jeim, Simon – Zealot tiih kawhmi,
16 Jeim ih tiapa Judah, cun leirawitu ih a cangleh tu Judas Iskariot cu a ril hngai.
(Mat 4:23-25; Mar 1:35-9; Luk 4:44)
17 Anmah rum a zong Žumih hmunrawn ah a diing; a dungzul mibuur pi leh Judea peng hmawh, Jerusalem, cun rili pangkap ih om Tai-ar leh Sidon khua in mi tlungpi khaw an om.
18 A thusim ngai ding leh an dam lonak in damsak ik dawt ah an pha; culeh thlarau thianglopawl ih buaisakmi khaw damsak an ii.
19 Cun mibuur pi lakih an zate ni amah tham an zuamtia vek, icatile a sung in huham a suakih an zate a damsak hngai.
(Mat 5:1-12)
20 Jesuh ni a kaizulle cu zoh hngai in:
“Nangmi a farah tupawl,
mithluasuak nan ii,
icatile Pathian uknak cu
nanmah ih ta a ii.
21 “Nangmi atu ih ŽaŽhi tupawl,
mithluasuak nan ii,
icatile nan khim leh thok.
“Nangmi atu ih a Žap tupawl,
mithluasuak nan ii,
icatile nan nihtia leh thok.
22 “Mi Tiapa thu ruangah mi ni an tan huat tik leh, an tan hnon, an tan nautatih, nan min an siatsak tikah mithluasuak nan ii.
23 Cui nikhua ah nan thinnuam uh la, lungawiin sokphet uh; icatile vancung ah nan ngahvo a hnem; icatile acucu an pupale ni profetpawl parih an titak micu a ii.
24 “A inain nangmi atu ih
alian mipawl cu
nan hmaka a pit,
icatile nan nangamnak
nan co rom.
25 “Nangmi atu ih
a khopkhim mi le cu
nan hmaka a pit,
icatile nan Ža Žhi leh lei.
“Nangmi atu ih a nihtialio
tule cu nan hmaka a pit,
icatile nan lung a zuur thok
ih nan Žap thok.
26 “Mi hmawhhmawh ni an tan sim Žhat tiak tikah nan hmaka a pit, icatile acucu an pupale ni ahmaan lomi profetpawl parih an ti tak mi a ii,” tiah a ti hngai.
(Mat 5:38-48; 7:12)
27 Ihmansela ka thu a ngai tule cu ka tan ti hngai, Nan ralmi daw uh la, an tan hua tule hemah thilŽha vua uh,
28 an tan camkha tule cu thluasuah uh la, an tan hmuhsit tule caah thla cam uh.
29 Mi pakhat ni na hngeisebel tan beeng taw ah khat la khaw tun rih; na angki pawnthuah a tan sut tu cu na angki khaw lat sen loin i hlah.
30 Na hem in a tan ngeen tu cang pia hngai; cun mi pakhat ni na thilpawl tan sut taw ah dil Žhan duh hlah.
31 Na parah mi ih an vuak ding na dawt mangin mi parah va vua.
32 An tan daw tupawl ceu nan dawt ahcun nan caah itu Žhatnak a om hmen? Icatile misualpawl hman ni anmah daw tule cu dawt thiam uh in.
33 Nan parih thilŽha vuatu hemah ceu thilŽha nan vuak ahcun nan caah itu Žhatnak a om hmen? Icatile misualpawl hman ni acumang cu an vua hekhawh.
34 An hemin ngahŽhan ding nan ruahsan mi le hem ih nan coih ahcun nan caah itu Žhatnak a om hmen? Misualpawl ni hman an coih zet ngah Žhan dingah misualpawl hemah an coih hena.
35 Ihmansela, nan ralmi daw uh, cun mi coih uh, itu ngah Žhan ding khaw ringtia loin. Nan ngahvo cu a pipa thok, cun Cungnungtleng ih tiale nan i thok; icatile amah cu lungawi thiam lomi leh miŽhalo hemah a thinlung a Žha.
36 Nan Pa cu phusahihngei a ik mangin phusahihngei ii uh.
(Mat 7:1-5)
37 “Siat mi thlaih hlah, culeh siatthlaih na i thok lo; Mi va hnong hlah, culeh hnon na i thok lo. Ngaidam la, ngaidam na i thok;
38 pia la piak na i thok. Òhangai tah mi, zonnammi, hlingbeengmi, liam thluathlo cu nan donnak khatin piak nan i thok; icatile nan piak zet cu nan ngahŽhanmi a i thok,” tiah a ti hngai.
39 ThuŽhim pakhat: “Mitcaw ni mitcaw a hruai kho maw? An pahnih khurawng ah an tla thok lo hmen maw?
40 Kaizul cu zirhtu cunglaah a om lo, a inain a thiamngah tu cu zirhtu mang a i kau thok.
41 Icaah namah ih mit sungih thingtum hmawh tiahthiam loin na unau mit sungih hnawmhne hmawh na hmu Žung?
42 Iklole namah ih mit sungih thingtum hman hmutia loin, na unau cu, ‘Unau, na mithnawm tan coih lang’ tiah na ti? Nang mitisaktia, peita ah namah ih mit ih thingtum phorhtia, cuhnuk ah na unau mithnawm coihpiak dingah fiangte in na hmu thiam thok,” tiah khaw a sim hngai.
(Mat 7:15-20)
43 “Thingkung Žha ni pang sia a vuang lo, thingkung sia ni khaw pang Žha a vuang lo;
44 thingkung cang cu an vuang in tiahthiam an ii. Hling kung in thei vuang lawh an i dah lo, hling buur lakin sabit khaw an lo dah lo.
45 Mi Žha ni cu a thinlung sungih thilŽha a khawlmi in thilŽha a suahsak, cun miŽhalo ni thilŽhalo a khawlmi sung in thilŽhalo a suahsak; icatile thinlung sungih a khatmi cu hmurka ni a awn-ang.
(Mat 7:21-27)
46 “Icaah ‘Bawipa, Bawipa’ ma tihratin ka tan sim hngaimi nan vua lo?
47 Kamah ma pha hratin, ka aan zain, acu parin a tekcak tu mi pakhat cu itumang a ii ti ka tan hmuh hngai thok.
48 Acu mi cu lung parah thukpi khuarin hram a ling ih inn a satu mang a ii; ti a len tikah, thlawng tii ni a inn cu a hnur nain a hninsak zo lo, icatile Žhangaiih sakmi a ii.
49 A inain a za nakauin acu parih a tekcak lo tu cu hramlin omloin khur parih inn a sa tu pa mang a ii. Thlawng tii ni a hnur tikah, avoikhatah a purzan, culeh cui inn purzan rauhzia cu!” tiah a ti.