11
(Mat 6:9-15)
1 Jesuh cu hmun pakhat ah thla a cam rero, culeh a uh tikah, a kaizul pakhat ni, “Bawipa, Johan ni a kaizulle a zirh hngai mangin thlacam man zirh tu,” tiah a ti.
2 Jesuh ni, “Thla nan cam tikah:
‘Kan Pa, na min cu
thianhlimsak ii seh.
Na uknak pha hram seh.
3 Nicang kan Žulmi caw cu
a nicang in man pia.
4 Cun kanmah hrimhrim ni
kan parih a sual tu cangte
kan ngaidam ruangah
kan sualnakpawl
man ngaidam hram.
Cun aharmi hniksaknak
caan ah man luhpi hlah’
ti uh,”
tiah a ti hngai.
(Mat 7:7-11)
5 Culeh, “Nanmah lakih pakhat ni rualpi pakhat ngei sela, cun zanruang ah a hemah pha in, ‘Ka rual, sang hlom thum ma coih hram;
6 icatile kan rualpi pakhat pha khawh a hmaka ih hlunlaak ding ituhman ka ngei lo’ ti sela.
7 Culeh a rual ni sungla in, ‘Ma hnaihnok hlah; sangka kalh a i romih, ka tiale rum ka me rom; hang thoin ituhman ka tan pia zo lo’ tiah sawn sela.
8 Ka tan sim hngai. A rualpi a ik ruangah thoin ituhman pia thok hlah sela, a dil reuri ruang tal ah cu hang thoin a Žulmi itu khaw a pia kau thok.
9 “Curuangah ka tan sim hngai, dil uh, culeh piak nan i thok; hrawl uh, cun nan hmu thok; kiing uh, cun sangka hon piak nan i thok.
10 Icatile a dil tu cangte ni an ngah, cun a hrawl tu cangte ni an hmu, cun a kiing tu cangte sangka hon piak a i thok.
11 Nanmah lakah, nan tia ni nga an tan dil tikah nga can ah rul a pia thok tu ahu om hmen cu?
12 Iklole tia ni arti a dil ah nuhmeikaang a pia thok tu teh ahu om hmen cu?
13 Nangmi, miŽhalopawl hman ni nan tiale hemih laksawng Žha piak nan tiah ahcun, van ih nan Pa ni cu amah a dil tupawl hemah Thiang Thlarau itluk in a pia hlehhlo thok!” tiah a ti hngai.
(Mat 12:22-32; Mar 3:19b-30)
14 Jesuh ni angthiamlo pa sungin khawsia a Žhawl piak; khawsia a suah ngah tikah angthiamlo a ita pa cu a ang, culeh mibuur cu an don a har.
15 Ihmansela mi hrekkhat ni, “Khawsiale uktu Beelzebul ih huham in khawsiale a Žhawlhngai,” tiah an ti.
16 Mipace ni hniksak dingah, vancungla in hmuhsaknak pakhat hmuh sak hngai dingah an ngeen reuri.
17 Ihmansela an thuruah a tiah ih, “Amah le mah kalhtia ih a Žhentiami ram poh ramŽhing a cang, culeh a Žhentiami innsang cu a purzan.
18 Satan khaw amah le mah dokalhtia ih a Žhentiak ahcun, khawti in helei a ram cu a Žho zo? Icatile Beelzebul ih huham in khawsiale a Žhawl hngai tiah nangmi ni ama ti hngai.
19 Beelzebul ih huham in khawsiale ka Žhawl hngai i na taw ah, nan khawsiaŽhawltule ni teh ahu ih huham in an Žhawl hmen? Curuangah anmah cu nanmah thuŽhentule an i leh thok.
20 Ihmansela Pathian kutzung in khawsiale ka Žhawlhngai ahcun, Pathian uknak nan hem a pha rom tinak a ii.
21 Midik pa ni hriamhrei rum thuamtia ŽhipŽhepin a inn a hualhum ahcun, a thilri cu an him.
22 A inain amah van diksawn ni amah cu vong doin a hret ahcun, a rinsan mi a hriamhrei cu sutin a thil vong rokmi cu dengin a zem hngai.
23 Kamah rum a Žangkhat lo tupoh a ma ralsantu a ii, cun kamah rum a khawmkhat lo tupoh cu a Žhekzartu a ii.
(Mat 12:43-5)
24 “Thlarau thianglo cu mi pakhat sungin a vasuah tikah cawlhngatnak hmun hrawlin ti om lonak ramcarpawl ah a lawnglengtia. A inain a hmuh lo tikah, ‘Ka suah taknak inn ah ka kirŽhan thok’ tiah a ti.
25 A phat tikah inn cu phiaktia leh Žhate ih kinkhawitia in a hmu.
26 Cutikah a tatih amah van asiava sawnmi thlarau pace pasarih a pita hngai, an lutih acunang ahcun an om; culeh a cupa ih a omdan netatleng cu a peitatleng vanin a rauhsawn,” tiah a ti hngai.
27 Hihi a sim lio ah numi pakhat ni mibuur lakin Jesuh cu, “A tan hringtu leh a tan cawmmuai tu nu cu a thluasuak,” tiah a heh.
28 Ihmansela Jesuh ni, “Pathian thu zain a zultu le cu an thluasuak sawn,” tiah a ti.
(Mat 12:28-42)
29 Mibuur an karhdeuh tikah Jesuh ni, “Hi san cu san sia pakhat a ii; hmuhsaknak mi a dil, a inain Jonah in hmuhsaknak simlo itu hmuhsaknak khaw hmuhsak an i thok lo.
30 Icatile Jonah cu Nineveh khuamipawl caah hmuhsaknak a ik mangin Mi Tiapa khaw hi san caah a i ve thok.
31 Thlangla ih siangpahrangnu cu thuŽhen tikah hi san mipawl rum tho khatin anmah khi misual a ti hngai thok, icatile Solomon ih tinnak thu ngai dingah vulei dengnak in a pha; zohhman uh, Solomon vanin pipasawnmi hinangah a om!
32 Nineveh khuamipawl cu thuŽhen tikah hi san mipawl rum hang tho lei uh khawh hi san mipawl hi misual tiah thu an Žhenpiak thok. Icatile Jonah ni thu a sim tikah an sual an rim; zohhman uh, Johan vanin pipasawnmi hinangah a om,” tiah a ti.
(Mat 6:22-23)
33 “Ahu pakhat ni khaw meiinn tlet hnukah cukong tangah an sia thah lo, acu vanin, inn sung a lut tule ni ceunak an hmuh nak dingah donsang parah an toh sawn.
34 Nan mit hi nan ruangpun caah ceunak a ii. Nan mit a damsam ahcun nan ruangpun zate cu ceunak in a khat; a inain nan mit a damsam lo ahcun nan ruangpun cu khuamaw in a khat.
35 Curuangah nan sungih ceunak ngei ah nan ruahtiakmi hi khuamaw i lo taktak dingah ralring uh.
36 Nan ruangpun zate cu ceunak in a khatih, a Žhen khawnang hman khuamaw sungih a om lo ahcun meiinn ni a tletnak in ceunak an tan piak mangin ceunak rum a khat thok,” tiah a ti hngai.
(Mat 23:1-38; Mar 12:36-40)
37 A an rero lio ah Farisi pakhat ni zanriah awk a sawm; curuangah tatin cabuai ah caw cu a uum.
38 Farisi pa ni Jesuh cu zanriah awk hlanah kut a Žawl tia peita lo ti a hmuh tikah a don a har.
39 Cutikah Bawipa ni, “Nangmi Farisi-le cu hai leh kuak a pawnla cu nan thianfai, a inain sungla ahcun duhhamnak leh Žhat lonak in nan khat.
40 Nangmi miaa hngai! A pawnla vuatu ni a sungla khaw a vua ve a i lo maw?
41 Curuangah nan hai leh nan kuak sungih thilpawl cu mifarah bonnak ah pia uh; cun zohhman uh, izongza nan caah a thiang thok.
42 A inain nangmi Farisi-le nan hmaka a pit. Icatile thakser leh putinan leh hanghnah phun zongza Žhen hra Žhen khat nan pia, a inain Pathian ih dingfelnak leh dawtnak cu nan daithlan; a pacepawl daithlan cuang loin ahipawl hi ti ding mawi nan ii.
43 Nangmi Farisi-le nan hmaka a pit! Icatile sinakokpawl ah upatnak ngah nan daw ih, dawrhmun ah mi ni upatnak in an tan dolaak nan daw.
44 Nan hmaka a pit! Icatile nangmi cu minhlinnak vuak lomi thlaan mang nan ti, mi ni a om tiah loin a par in an vak,” tiah a ti.
45 Daanthiam lakih pakhat ni, “Zirhtupa, hipawl na sim tikah keimi khaw a man hmuhsitcih hekhawh,” tiah a let.
46 Culeh Jesuh ni, “Nangmi daanthiamle khaw nan hmaka a pit ve! Icatile phurh harsami thilritpawl mi parah nan suan, culeh an phurh nuamdeuh dingah nan kutzung pakhat te hman in nan cin bawn lo.
47 Nan hmaka a pit! Icatile nan pupale ih thahtakmi profetpawl ih thlaan nan vuak piak.
48 Curuangah nangmi cu nan pupale ih thiltimi tiahpitule nan ii ih nan lungkimpi; icatile anmimi ni an that ih nangmi ni an thlaanpawl nan vua.
49 Curuangah Pathian ih Tinnak ni khaw, ‘Profet leh tirhthlahle an caah ka thlah hngai thok, a hrekkhat cu an that lei ih a hrekkhat cu an hrem thok,’
50 cuticun vulei hramŽo pek in thawhin an thisan luansak a i mi profetpawl thu ah hi san mipawl hi mawhphurhsak an i thok,
51 Abel ih thisan in thawhin, biakinn pakawh leh hmunthiang karlakih thahtuaktu Zakariah ih thisan tiang. A ii, ka tan sim hngai, acucu hi san mipawl parah mawhphurh an i thok.
52 Nangmi daanthiamlenan hmaka a pit! Icatile thutiahnak tawhtung cu la mianmi cu khawh; nanmah ngai hmawh le lut Žung hlah cu, cun a lut rero lio tupawl le nan dawn ŽungŽai,” tiah a ti.
53 Pawnla a vasuah tikah, daanzirhtupawl leh Farisipawl ni amah ralsan rori leh thil tlungpi thu ah a kalhtiazawng ih thudil an thawh,
54 pakhatkhat a sim thok mi parin amah pon ngah ding an bawhlanglang.