1 “Nan thinhar hlah seh. Pathian zum uh la, kei khaw ma zum uh. 2 Ka Pa ih inn sungah omnak hmun tlungpi an om. Nan caah hmun tuahsi dingah ka tat thok. Acu tiin i hlah sela nan caah hmun tuahsi dingah ka tat thok tiah ka tan sim ta hngai thok hmen maw? 3 Culeh, tatin nan caah hmun ka tuahsit ahcun, ka omnak ih nan om ve nak dingah ka pha Žhan thokih ka hemah ka tan la hngai thok. 4 Ka tah nak thok hmun vahnak lam cu nan tiah kau,” tiah Jesuh ni a ti hngai. 5 Thomas ni, “Bawipa, khawnang ih na tah thok tal kan tiah lo. Khawti in a lam cu kan tiah thok hmen?” tiah a ti. 6 Jesuh ni, “Kei cu lam, thutak leh nunnak ka ii. Kamah thawngin simlo ahuhman Pa hem a pha zo lo. 7 Ma tiah uh la cu ka Pa khaw tiah hngen tur cu! Atu hin cu amah nan tiah in nan hmu rom,” tiah a ti. 8 Filip ni, “Bawipa, Pa cu man hmuh la kan lungkim tur ee,” tiah a ti. 9 Jesuh ni, “Filip aw, ahi hlet liangluang nan hemah ka om rom nain a ma tiah rih lo maw? Ama hmu rom tupoh ni cu Pa an hmu rom. Khawti in, ‘Pa cu man hmuh’ na ti thiam? 10 Kei hi Pa sungah ka omih, Pa cu ka sungah a om ti hi na zum lo maw? Nan hemih ka aanmi aankapawl hi kamah thu in ka ang hngai lo; ka sungih a ommi Pa ni amah ih rian a Žuan. 11 Kei hi Pa sungah ka om ih Pa cu kamah sungah a om ti hi zum uh; a inain nan zum lo ahcun ka thiltipawl ruang tal ah cu ma zum uh. 12 Thungaite in ka tan sim hngai, kamah a ma zum tu ni cu ka vuakmi thilpawl a vua ve thokih, Pa hemih ka tah thok ruangah a hipawl van nasasawn mi hman a vua thok. 13 Pa cu Tiapa sungah sunparsak a iknak dingah ka min in nan dilmi poh ka tan vuak piak hngai thok. 14 Ka min in thil pakhatkhat, nan dil ahcun, ka vua kau thok.

15 “Ama dawt hngai ahcun, ka thupiakpawl nan zul thok. 16 Culeh Pa hemah ka dil lei ih, nanmah hemih kumkhua om dingah Khunsatu h Khunsatu ticu ompi ringring tu: bawntu, hneemtu, thapiatu, Žanpitu, zokhentu timi a huap. pace a tan pia hngai thok. 17 Ahihi vulei mi ni cu an hmuh lo leh an tiah lo ruangih an co khawh lo mi thutak Thlarau a ii. Nangmi ni tu cu, nan hemah a hmunih, nan sungih a om thok ruangah nan tiah. 18 “NgakŽah in ka tan mata hngai thok lo; ka tan pha hngai sei thok. 19 Ihlet hlanah vulei mi ni cu amah hmu hngai ti thok lo, a inain, nangmi ni cu ama hmu hngai kau thok; ka nun ruangah nan nung ve thok. 20 Cui ni ahcun kei cu Pa sungih ka om, cun nangmi cu ka sungih nan om leh kei nan sungih ka om nan tiah leh thok. 21 Ka thupiakpawl ngai ih a zul tupawl cu ama daw tupawl an ii; culeh ama daw tupawl cu ka Pa ni a daw hngai thok, cun kei ni daw hngai in an hemah ka phuanglang tia thok,” tiah a ti. 22 Judas (Iskariot a i lo mi) ni, “Bawipa, vulei mi hemah cu i loin kan hemih na phuanlan tiak thok cu khawti in a ii?” tiah a ti. 23 Jesuh ni, “Ama daw tupawl ni ka thu an zul thok, culeh ka Pa ni a daw hngai thokih, an hemah kan pha thok, cun an hemah hmun kan khuar thok. 24 Ama daw lo tupoh ni cu ka thupawl an zul lo. Ka aan nan zakmi hi kamah ih a i lo, a ma thlahtu Pa hemin a ii. 25 “Hi thilpawl hi nan hem ka om rih lio ah ka ang hngai. 26 A inain Khunsatu pace, Thiang Thlarau, Pa ni ka can-ai ih a thlah thok mi ni cu izongza a tan zirh hngai lei ih, nan hemih ka simtakmi hmawhhmawh a tan pherphuakh cinkensakŽhan, vonmangŽhan ih vuak tican a ii; phualphuak ti kan om. thok. 27 Nangamnak ka tan matta hngai; ka nangamnak ka tan pia hngai. Vulei mi ih piak mangin ka tan pia hngai lo. Nan sivang hlah uh; cun hrul hlah uh. 28 ‘Ka tat mianmi thok, cun ka tan pha hngai thok’ tiah nan hemah tiin ama za hngai. Ama dawt hngai ahcun, Pa cu kei van a hnemsawn ruangah Pa hem ka tah thok cu nan tha a nuam thok. 29 A can tikih nan zum nak dingah ahihi a can hlan atu ah ka tan sim hngai rom. 30 Thu tampi ka tan thluk hngai ti thok lo, icatile hi vuleipi uktu a pha lio. Ka parah cu thu a ngei zo lo; 31 a inain vulei mi ni Pa ka daw ti an tiahnak dingah Pa ni thu ama piak mangin ka vua. Tho uh, hi hmun hin tat le hu,” tiah a sawn.