9
1 A peita thukam hman ni biaknak leh vuleila ih hmunthiang caah phungdaan a ngei ta.
2 Icatile puanthlaam sak a ii, peitleng ah mei tletnak donsang, cabuai leh Bawi Sang an om; acucu Hmun Thianghlim ti a ii.
3 A pahnihnak puanzaar dungla ah Hmun Thiangtleng timi biaknak hmun a om.
4 A sungah cun rimhmui tihnak sui pakawh leh a kapla zate sui ih khutmi thingkuang – Thukam Kuang timi a om. A sungah cun Manna siahnak sui uum, Aaron ih teileng a cerhmi leh thukhaam lungtleeppawl an om;
5 a parah cun sunlawinak lansaktu kherubim timi note 9:5 Thlangei thilnungpawl an omih velngeihnak tokheng note 9:5 Sual thlahnak hmun ti khaw a ii. timi an pheenkhum. Ahi thilpawl ih thuhla cu atu ahhin a nepnawi in kan ang kho lo.
6 Acumang tuahtimnakpawl vuakngah a ik in, tlangbawipawl cu an biakdan Žuanvopawl Žuan dingin puanthlaam raaka ahcun Žhingloin an lut.
7 Tlangbawi Saang ceu zong belte, kum khat ah voi khat ceu, puanthlaam sungtadeuh ah a lutih, amah caah leh mipawl ni khaaitiahrim loin an vuakmi sualnakpawl caah thisan piak ding a keng ta.
8 Ahi thawnghin Thiang Thlarau ni a peita puanthlaam a om rih sung poh cu hmunthiang luhnak hon a i rih lo ti a lansak.
9 Ahihi atulio san tahŽhimnak a ii, ahi lio ah hin an piakmi ahlupawl leh raihriknakpawl ni a biatupawl ih siaŽha thleidannak a thianfai kho lo,
10 caw leh tii leh thiansaknak phunphun rum ceu an pehpontia ih thilpawl hmante ih omsak caan a phat hlansung ruangpun ca-ih hnekmi daanpawl an ii.
11 Ihmansela Khrih cu a pha rommi thilŽha ca-ih Tlangbawi Saang dinhmun in a phat tikah, a kimhlangmi puanthlaam (kut ih sak lomi, acucu hi seemsuahmi ih ta a i lo tinak),
12 Hmun Thianghlim timi ah mepawl leh cawpesuanpawl ih thisan rum iloin amah ih thisan rori rum voikhatah sandaih in a lut, cuticun kan caah kumkhua tlannak a man ngah piak.
13 Icatile mepawl leh cawpetuumpawl ih thii leh cawpesuan-numi vutcam ih thehmi hi, mihnawmpawl ih tiksa thiansakding raihrik an ik ahcun,
14 Kumkhua Thlarau thawngin amah leh amah Pathian bia dingah kan siaŽha thleidannak cu athimi rianpawl sungin itluk a thiansak hlehhlo thok!
15 Ahi ruangah hin amah cu thukam thar remruattu a ii, acucu kawhmi le ni tiammi kumkhua ro an co ngahnak dingah a ii, icatile a peita thukam tangih daanbuarnak sungin tlang hngai dingah a thihnak a suak.
16 Rocah thu ahcun, a rohtatu ih thihnak thu Žhosak a Žul.
17 Icatile rocah timi cu a rohtatu a nun sung hmawh cu hmuar a ngeihlo ruangah a thih ah ceu hmuar a ngei.
18 Acuruangah a peita thukam hman thisan telloin Žhosak a ita lo.
19 Icatile Daan mangin Moses ni mipi hemah thupiak cang a sim hngai tikah cawpesuanpawl leh mepawl ih thii cu tii rum a cokih hyssopnote 9:19 Hissop timi cu thinkung tinte, kuulin kuaihkhawhmi a ii. timi thing ih a tlang parah tuhmul san puanleng Žeemcihmi in Daan laibu leh mi zapi cu a theh hngai ih,
20 “Hihi Pathian ni nanmah caah a Žhosakmi thukam ih thisan cu a ii,” tiah a ti.
21 Culeh acu mangin puanthlaam leh biaknak ih hmanmi thilripawl zate thisan in a theh hngai.
22 Angaingai ahcun, Daan mangin cu, thilzate samte hi thisan in thiansak an ii ih thisan luang loin cu sualnakpawl ngaidamnak a om lo.
23 Cuticun vancungla thilpawl cawncopmi caah himang hriraipawl hmangin thiansak an Žul ta, ihmansela vancungla thilpawl rori tu cu ahile vanin a Žhasawnmi raihriktiak pawl an Žul.
24 Icatile Khrih cu minung kut ih sakmi hmunthiang, ataktak cawncopmi theihtheih sung ah a lut lo, Pathian hmaika ah kanmah can ih suaklang dingin vancung rori sung tu ah a lut.
25 Tlangbawi Saang cu kum khat hnuk kum khat amah ih a i lomi thisan rum Hmun Thiang ih a luh mangin Khrih cu amah leh amah raihriktiak nolh dingah khaw a i lo;
26 icatile acutiin cu vulei hrambin pek in a intuar nolh a Žul thok. Ihmansela a imi mangin cu amah leh amah rai ah a hrik tiaknak thawngin sual hmatsak dingah san dengnak ahhin voikhatah sandaih in a suaklang rom.
27 Culeh a thikhomi minungpawl caah cun voikhat thi in acu hnukah thuŽhennak lairel a ii,
28 curuangah Khrih cu mitlungpi ih sualnakpawl phurta dingah voikhat lam rai ah hrik a ik rom hnuk cu, a voi hnihnak ahcun, sual rum pehpontia loin, amah lakhlahngai in a hngak tupawl rung hngai dingah a suaklang thok.