8
1 Kan sim reromi ih thupitnak tleng zawn cu: Vancung ih Cungnung toŽhiang ih vorhla ah a to tu,
2 thikhomi minung pakhatkhat ni iloin Bawipa ni a sakmi puanthlaam ngaingai leh hmun thianghlim sungih rianŽuantu acumang Tlangbawi Saang kan ngeih tia ti hi a ii.
3 Tlangbawi Saang cang ahlupawl pia ding leh rai hri dingah thiah an ii; acu caah a ii ahi tlangbawi ni khaw piak ding itumaw a ngeih a Žulnak cu.
4 Vulei parah om sela cu tlangbawi a i hrimhrim thok lo, icatile Daan mangin ahlu pia tu tlangbawile tlungpi an om kau.
5 Anmimi cu Moses puanthlaam a sak vel thok ah, “Tlang par ih a muithlaam hmuhsak na ik mangin izongza vua teuti lei ci,” tiah ralrin piak a ik tak mangkhin, vancungla puanthlaam cawncopmi leh a thlithlam a i mi hmun thianghlim ah Pathian an bia.
6 Jesuh tu cu a Žhasawn ngaitemi rian piak a ii, icatile a Žhadeuhmi thutiampawl parih sirhsanmi, a Žhasawn ngaitemi thukam a man remruah piak.
7 Icatile thukam peita khi apalh lomi ita sela cu a pahnihnak hrawl Žul hlah hngen tur.
8 Pathian ni an palhnakpawl a hrawl hngai timi cu:
“Bawi pa ni, Israelpawl leh
Judahpawl rum thukam thar
kan vuaknak nicaanpawl
an pha leh thok.
9 Izipt ram in hruaisuak
hngai dingah ralringte in
ka hruai hngai lio ih,
anmah hringsartule rum
kan vuak takmi
thukam mang a i lo;
icatile ka thukam ah
an om peh lo,
curuangah ka siaherh
hngai lo,
tiah Bawipa ni a ti.
10 Bawipa ni, acui nipawl
hnukah Israelpawl rum
ka vuak thokmi thukam cu:
Ka Daanpawl an ruahnak
sungah ka sia hngai thokih,
an thinlung sungah
ka ngan hngai thok,
an Pathian ka i thokih,
ka mipawl an i thok.
11 Cun pakhat leh pakhat,
‘Bawipa tiah law,’ tiin
an zirh tia, iklole an simtia
thok lo,
icatile a tiintleng in
a hnemtleng tiang, an zate ni
ama tiah hngai thok.
12 Icatile an Žhat lonakpawl
parah veel ka ngei thok,
culeh an sualnakpawl
ka cingkeng ti thok lo,”
tiah a ti ahkhin a ii.
13 “Thukam Thar” thu a simnak ah a peita ih Thukam cu hlunkau a vua. Culeh a hlunmi cu a nii a luantia ih ihlet hlanah a hma leh thok.