13
1 Unau nan iknak in pakhat leh pakhat dawttiak pehzulh uh.
2 Khualpapawl parih khualŽhatnak lansak ding daithlang hlah uh, icatile acucu an tinak thawngin mihrekkhat cu an tiahloin vanmipawl an khualpat ngah.
3 Anmah rum thawng tla ve uh la mangin thawng ah a tla mipawl khi, cun nanmah tisiat ii uh la mangin tisiat tuarmipawl khi, mang hngai uh.
4 Nupit, pumah ngeih cu mizate ni upat awk a ii ih, nupaatnak ihkhun khaw hnomtamsak i hlah seh; icatile numipami sualkhat tupawl leh nuriimpariim tupawl cu Pathian ni thu a Žhen hngai thok.
5 Tangka dawt tuknak ngei hlah uh la, nan ngeihmi ah nan lung kim uh; icatile, “Ka tan mata hngai dah thok lo, a zam khaw ka tan zamta hngai dah thok lo,” tiah a ti.
6 Curuangah lunglumnak rum,
“Bawipa cu ama bawntu a ii,
ka Žih thok lo.
Ahu ni itu ma ti kho zat lei uh?”
tiah kan ti kho.
7 Pathian thu an tan simta tu, hmasa ih nan hruaitule khi mang uh la; an nundan in a vasuakmi ruatin, cun an zumnak cawng uh.
8 Jesuh Khrih cu rangan, nihin leh a kumza in amah siksik a ii.
9 A phuncemi zirhnakpawl a phunphun ih pialsualsakmi i hlah uh; icatile a zultule hman a Žhathnem hngai lo tu awkdin thuhla daanpawl thawngin iloin, velngeihnak thawngin thinlung thazaang ngah ah a Žha.
10 Keimi cu puanthlaam ih raihrik rian a Žuantu tlangbawile ih awknak thu an ngeih lonak pakawh kan ngei.
11 Icatile sual thlahnak caah raihriknak dingin Tlangbawi Saang ni hmunthiang ah an thisan a luhpi mi sumhnampawl ih ruangpunpawl cu hnarpawn ah mei in tih an ii.
12 Curuangah amah rori ih thisan in mipawl thiansak hngai dingah Jesuh ni khaw khualipi hnar pawnla ah a in.
13 Curuangah riahbuk pawnla amah hemah tatin a inmi ningzah mualphonak cu phur le hu.
14 Icatile hinangah hin cu a hmunmi khualipi kan ngei lo, a pha leimi khualipi tu kan hrawl rero.
15 Curuangah amah thawngin Pathian hemah thangŽhatnak raihrik pehzulh le hu, acucu, a min kan phuannak hmurka ih vuang cu a ii.
16 ThilŽha ti leh nan ngeihmi mihlawm cu dungtun hlah uh, icatile acumang raihrikpawl cu Pathian lunghmui zawng an ii.
17 Nan hruaitule cu an thu zul uh la awi-eem uh, icatile nan nunkhua an kilkhawiih a cui thuhla cu Pathian hemah an sim leh thok. Acucu lungawinak rum Žuan uh seh; ngaihsiatnak rum cu Žuan hlah uh seh, icatile acucu nan caah a Žhahnem lomi a ii.
18 Kan caah thlacam uh; kan siaŽhathleidannak a thiang kau, thil zongza ah upattlak ih tehcah kan daw, ti kan fiangtia.
19 Thla cam uh ti hi ka tan torh hngai hlehhlo, cuticun nan hemah ihlet hlante ah a kirŽhan taw ing.
20 Kumkhua thukam thisan thawngin tuupawl Khaltu pipa kan Bawipa Jesuh mithi hemin a thawhsaktu remdaihnak Pathian ni,
21 Jesuh Khrih thawngin a dawtzawng nan Žuanih, a hmuhhngan ah a lunghmui zawng kan lakih nan Žuan khawhnak dingah aŽhami izongza ah tlamtlingin tan vua uh seh; Jesuh Khrih hemah cun sunparnak cu kumkhua in kumkhua om kau seh. Amen.
22 Ulenau hngai, tha ka tan piak hngai hi ma ing kau uh tiah ka tan ngeen hngai, icatile nan hemah tawite in ka ngan.
23 Kan naupa Timote cu suah a i rom ti nan tiah ding ka tan dawt piak hngai; a tikcu kheel in a phat ahcun ka tan tuah hngai tikah kei rum i leh lei.
24 Nan hruaitule an zate leh mithiang zate ma biakson piak uh. Italy ram ih mipawl ni biaksonnak an tan kuat hngai.
25 Nan zate hemah veel om kau seh.