12
1 Keimi khaw thutiahpitule cutluk tam ih ulkimmi kan ik ruangah, thilrit poh leh kan parih abelmi sualnak cu thong le hu la, kan hmala ih siah mi zuan zuamtiaknak ahcun taimain zuang le hu.
2 Kan zumnak a thawhtu leh a tlamtlinsaktu Jesuh, ningzahhuahnak irelloin a hmala ih siah a imi lungawinak caah thinglamtah a in ih, Pathian toŽhiang vorhla ah a to tu cu thlir langlang le hu.
3 Nan tha nauin nan thin a deng lonak dingah misualpawl hemin acumang ih amah an huatralnak a ing tu khi ruat hman uh.
4 Sual nan dohnak ah nan thisan luang tiangin cu nan Žang rih lo pi.
5 Tiale nan iknak in thapiaknak ah nan hemih simmi:
“Ka tiapa, Bawipa ih
simhrinnak cu
a tenau ah ruat hlah,
iklole a tan hrem tikah
na thin deng hlah;
6 icatile Bawipa ni
a dawtmi le cu
a simhring hngai ih,
a cosanmi tia poh cu
nun a sim,”Ref 12:5-6 Aan 3:11-12
timi khi nan palhtiak rom tu.
7 Tuarnakpawl hi simhrinnak caah in kau uh, Pathian ni tiale mangin an tan tinak a ii; icatile nulepa ih simhrin lomi tia cu itumang a i hmen?
8 Tiale ih Žomtiakmi simhrinnak nan tuar ve lo ahcun ziltia nan ii ih a tiale nan i lo cu tang.
9 Cuhleiah, a man simhring tu dingah minung iknak in nulepa kan ngei hngai ih kan upat hngai, thlaraupawl ih pa cu a thu zulih nung dingah dawt awk sinsin hman kan mawi lo maw?
10 Icatile minung nulepapawl ni cu Žhatleng ih an ruah mangin, cangkhatte sung a man simhring, Ani tu ni cu a thianhlimnak kan Žom nak dingah kan Žhatnak caah a man simhring.
11 Simhrinnak timi cu tuar lio ahcun a nuamla vanin titiak mang a ti ringring, hnukdeuh ah zong acu thawngin zirh a i rom mipawl hemah cun a remdaimi dingfelnak ih vuang a suahpi leh.
12 Curuangah a zeemi nan kutpawl hlir uh la a ŽawnŽaimi nan khukpawl cu an tha dik dingin vua uh.
13 Culeh ke zawng cu a hlikhlok pelh loin damsak an ik hoi nak dingah, nan kepawl caah a dangmi lam vuak uh.
14 Micang rum remte ih om leh amah loin Pathian hmuh khawh a i lomi thianhlimnak ih nun zuam uh.
15 Ahuhman ni Pathian veel co tlolh lo dingah; hram kha hang cerh in harnak a suahsakih, cun acu thawngin mitlungpi mihnawmtam an can lonak dingah ralring uh.
16 Ahuhman ni, ziaza Žhalo, cun Pathian Žihzah lo pa, a tia upa iknak caw voikhat awk ah a zuar tu Esau mang i lo dingah ralring uh.
17 Hnukdeuh ih thluasuah roco a dawt tikah hnon a ita, icatile thluasuah cu mitthli rum hrawl hmansela, Žhintiaknak caan Žha a hmu lo.
18 Nangmi cu thamkhawhmi thil itumaw, ahliomi mei, khuamaw, khuadur, ruah leh huih sia,
19 cun tawtawrawt leh, a za tule ni an hemah ang Žhan lo dingih naktiah an dilmi aw tipawl omnak tlang khi nan pha a i lo.
20 Icatile, “Hramsa pakhat hman ni tlaang tongnote 12:20 ‘Tong’ hi ‘Žhiing’ a ti tu kan om. pang taw ah, lungphon in thah thok a ii,” tiih piaktakmi thupiak khi an in zo lo.
21 An hmuhmi cu ŽihŽha tuk a ik ruangah Moses ni, “Žih in ama dok-aw,” tiah a ti.
22 Zion Tlang leh anungmi Pathian khualipi, siarhanglo vanmipawl ih khawmpi,
23 cun vancung ih minkhum a imi a peitleng tiale ih khawmpi, cun mizate thuŽhentu Pathian hem, cun tlamtlinsak a i mi mithiangpawl ih thlaraupawl,
24 cun thukam thar remruattu leh Abel ih thisan vanin a Žhasawnmi thu a simtu thehmi thisan ah nan pha.
25 Thu a sim rero tu cu al lo dingin ralring uh; icatile vulei cungah ralrinnak a pia hngai tu an al ahkhin an luat ta lo a ik ahcun, vancung in ralrinnak a man piatu kan hnon ah ii tlukin kan luat lo hlehhlo thok!
26 Acui caan ah a aw ni vulei a hniit ta, ihmansela atu cu, “Voikhat lam cu vulei ceu iloin vancung khaw ka hniit rih thok,” tiah thu a tiam.
27 Ahi, “voikhat lam rih” timi aantabuur hi ni hninmi – acucu seemsuahmi tican – cu thawn an i thok, acucu hnin khawh lomi cu an hmun nak dingah a ii – ti a lansak.
28 Curuangah, hninkhawh lomi uknak kan co ii khawh, lungawi thu sim le hu, acu thawng cun upatnak leh Žihzahnak rum, dotlain Pathian kan bia;
29 icatile kan Pathian cu mikaangciam-khomi mei a ii.