15
1 Ulenau hngai, nan hemih ka simthanmi thuthangŽha, nangmi ni nan co sinmi leh a parih nan din Žhomi cu atu ah ka tan pherphuak hngai thok.
2 Nan hemih ka simthanmi thu nan tlaih Žho ahcun ahi thuthangŽha thawngin nangmi cu run liomi nan ii. Culo ahcun nan zum cu hoitlawi a ii.
3 Ka co ve mi thuthangŽha cu nan hemah thupi tleng a iknak in ka tan sim hngai sin: Khrih cu Lai Thianghlim mangin kan sualnakpawl caah a thi,
4 culeh vui a ii ih, a ni thumnak ahcun Lai Thianghlim mangin thawhsak leh a ita;
5 culeh Kefas hemah a lang, cuhnukah hleihnihle hemah.
6 Cuhnukah za nga van tlungsawn mi zumtupawl hemah Žum khat a lang, mihrekkhat an thi rom nain anmah lakih mitlungsawn cu an nung rih.
7 Cuhnukah Jeim hemah a lang, cuhnukah tirhthlahle zate hemah.
8 Netatleng ah, hrin za rih lo ih hringmi ka hemah khaw a lang.
9 Icatile kei cu tirhthlahle lakah a tenautleng ka ii, Pathian pawlpi ka hrem ruangah tirhthlah tiih kawh i dingah a mawi lomi ka ii.
10 Ihmansela Pathian veel thawngin ka ikmi hi ka i kausawh ih ka hemih a velngeihnak cu a tlawi a i lo. Anmah ahu vanin khaw tiakdeuhin rian ka Žuan hoi la – a inain kei iloin, ka hemih a ommi, Pathian veel ih Žuanmi tu a ii.
11 Kei ita le ing, anmah ita le uh, acucu kan simthan mi a i kau ih acucu nan zum rom kau.
12 Atu ah Khrih cu mithi lakin thawhsak a ii tiah simthan a ik ahcun, khawti in a ii nangmi mi hrekkhat ni mithi thawhŽhannak a om lo nan ti khawh?
13 Mithi thawhŽhannak a om lo ahcun Khrih khaw thawhsak a ita thok lo bol;
14 culeh Khrih thawhsak a ik lo ahcun kan simthanmi cu hoitlawi a ii ih nan zumnak khaw hoitlawi a i thok.
15 Mithipawl thawhsak an i lo timi hi a hmaan a ik ahcun, Khrih a thawhsak lo pi na ih a thawhsak tiin Pathian thu kan simphuan ruangah a sualpi in Pathian dinpitu ah hmuh hman kan ii hekhawh.
16 Icatile mithipawl thawhsak an ik lo ahcun Khrih cu thawhsak a ita thok lo.
17 Khrih thawhsak a ik tak lo ahcun nan zumnak cu hoitlawi a ii ih nangmi cu nan sualnakpawl sungah nan taang rih kau.
18 Cuticun Khrih sungih a thi rom tupawl cu an rawkral rom.
19 Icatile ahi nun sung caah ceu Khrih sungah ruahsannak kan ngeih ahcun, keimi cu mi hmawhhmawh lakah naktiah ding mi tleng kan ik cu.
20 Ihmansela a ngaingai ahcun Khrih cu mithi lakin thawhsak a ii ih, a thi tupawl lakih peitleng thlai thar a ii.
21 Icatile thihnak cu minung pakhat thawngin a phat ruangah mithi thawhŽhannak khaw minung pakhat thawngin a pha ve;
22 icatile mi hmawhhmawh Adam sungih an thih mangin, mi hmawhhmawh Khrih sungah nunsak an i leh thok.
23 Ihmansela anmah leh kalning vek te in an i thok: thlai thar Khrih, cuhnukah amah a phat tikah amah ih ta a i mipawl tiin.
24 Cuhnukah uktu cang leh thungeihnak leh huham cang a siatsuah hnukah, uknak cu Pa Pathian kut ah a ap leh thok, cuhnukah a netnak a pha thok.
25 Icatile a ral hmawhhmawh a ke tangih a siah hngai hlansung cu amah ni a uk thok.
26 Siatsuah dingmi ral netatleng cu thihnak a ii.
27 Icatile “Pathian ni thil zate a ke tangah a sia hngai.” Ihmansela, “Thil zate a ke tangah siah a ii,” ti tikah thil zate amah tangih a siah hngai tu cu a tel lo ti a fiang.
28 Thil zate amah tangih siah an ik tikah, Tiapa amah hrimhrim khaw thil zate amah tangih a siahtu pa tangah siah a i ve leh thok, cucu Pathian cu izongza ah izongza a iknak dingah a ii.
29 Acuti i hlah sela, mithi can-ah tihnim a co tupawl teh itu an ti thok hmen? Mithipawl thawhsak an ik hrimhrim lo ahcun, ituruangah mipawl cu anmah can-ah tihnim an i hmen?
30 Culeh keimi teh ituruangah kanmah leh kanmah hrulŽha lakah kan sia tia ringring hmen?
31 Nicangin ka thi! Acucu, ka ulenauhngai, Khrih Jesuh kan Bawipa sungih nanmah thu ah ka porhtiak manghin a fiang kau.
32 Minung ih ruahsannakpawl vial rum Efesa khua ih sahrangpawl ka doh hngai ahcun, acu thawngin itu ka ngah thok? Mithipawl thawhsak an ik lo ahcun,
“Aw in ding tu hu,
icatile zingla ah
kan thi thok kovawh.”Ref 15:32 Isa 22:13
33 Deuh mi i hlah uh:
“Rualcom Žhalo ni
ziaza Žha a siatsuah hngai.”
34 Nan lungkhua tiimin nan khuaruah hmaan uh, culeh sual ti hlah uh; icatile mi hrekkhat cu Pathian nan tiah lo hi. Ahihi nan ningzah nak dingah ka sim.
35 Ihmansela mi pakhat ni, “Mithipawl cu khawti in thawhsak an ii? Itumang ruangpun rum a ii an phat thok?” tiah a dil thok.
36 Miaa! Na tuhmi cu a thih lo ahcun a nung tal lo.
37 Culeh na tuh tikah ruangpun a i thokmi na tuh tal lo, sangvut maw, thlaici pace maw a ik ah, a ci faite a ii na tuh.
38 Ihmansela Pathian ni a rilcia mangin thlaici phun khat vek hemah amah ruangpun vek a pia.
39 Tiksa zate hi an sakhat lo, ninungpawl caah tiksa phun khat, hramsapawl caah a pace, vatepawl caah a pace, cun nga caah phunce tiin.
40 Vancungla ruangpunpawl leh vuleila ruangpunpawl tiin an om, vancungla ruangpun ih sunlawinak cu phun khat, vuleila ruangpun ih sunlawinak cu a pace.
41 Ni caah sunlawinak phun khat, thlapa caah sunlawinak pace, cun arsipawl caah sunlawinak pace tiin a om; angaingai ahcun arsi leh arsi cu sunlawinak ahcun an pacece.
42 Mithi thawhŽhannak cu acumang a ii. Tuhmi cu a rawkralkhomi a ii ih thawhsakmi cu a rawkralkho lomi a ii.
43 Sunglawi loin tuh a ii ih sunlawinak ah thawhsak a ii; ŽawnŽai in tuh a ii, huhamngei in thawhsak a ii.
44 Tiksa ruangpun in tuh a ii, thlarau ruangpun in thawhsak a ii. Tiksa ruangpun a om ahcun thlarau ruangpun a om ve.
45 Cuticun, “A peitatleng minung Adam cu a nung mi ah a cang,” Ref 15:45 Seem(Gen)2:7*tiin ngaan a ii; a netatleng Adam cu nunnak-piatu thlarau ah a cang.
46 Ihmansela thlaraula mi cu a peita iloin tiksala mi tu peita a ii, culeh acu hnukah thlaraula mi a ii.
47 Minung peitatleng cu vulei ih vutning in a ii, a pahnihnak minung cu vancung in a ii.
48 Vutning ih mipa mangin vutning ih mipawl cu an ii; culeh vancung mipa mangin vancung ih mipawl cu an ii.
49 Vutning ih vuakmi minung ih hmuihmel kan ken mangin vancung mipa ih hmuihmel kan keng ve leh thok.
50 Ulenau hngai, ka sim reromi cu hihi a ii: thi leh sa ni cu Pathian uknak cu ro ah a co kho lo, a rawkralkhomi ni khaw a rawkral kho lomi cu ro ah a co kho ve lo.
51 Ngai hman uh, thuthuk ka tan sim hngai thok! Kan zate hi kan thi thok lo,
52 cangkhatte sungah, mitŽhep lukkar, tawtawrawt netatleng tum tikah kan zate a thlengtiak zong cu kan thlengtia thok. Icatile tawtawrawt a awn thokih, mithipawl cu rawkral kho lomi ah thawhsak an i thok, culeh keimi cu kan thlengtia thok.
53 Icatile ahi rawkralkhomi ruangpun hi rawhral khawh lonak a sinthlai thok.
54 Ahi a rawkralkhomi ruangpun ni rawhral khawh lonak sinthlaiin, cun ahi a thikhomi ruangpun ni thihkhawh lonak a sinthlai tikah cun,
“Thihnak cu nehnak sungah
dolh a i rom.”Ref 15:54 Isa 25:8
55 “Maw, thihnak,
khawnangah ii maw
na minehnak cu?
Maw, thihnak, khawnangah
i hngeen maw na sivai cu?”Ref 15:55 Hos 13:14
tiih nganmi thu cu a kimngah thok.
56 Thihnak ih sivai cu sualnak a ii, culeh sualnak ih huham cu Daan a ii.
57 Ihmansela kan Bawi Jesuh Khrih thawngin nehnak a man piatu Pathian hemah lungawi thu kan sim.
58 Curuangah, ka dawtngaimi ulenauhngai, Bawipa sungih nan Žuan retheihmi cu hoitlawi a i lo ti nan tiah ruangah, Žho rimriam in, hnialkhawh lomi ii uh la, Bawipa ih rian cu ahleihluan in Žuan ringring kau uh.