1 Dawtnak hi nan tintah sangtleng iksak zuam uh, thlaraula laksawngpawl khaw hiar rauh uh la, culeh a hleicein profet thusim in nan sim khawh ding hi daw cuang uh. 2 Icatile aan phunce in a ang tupawl cu mi pace hemah iloin Pathian hem tu ah an ang; an aanmi cu Thlarau sungah thuthuk an aan ruangah ahuhman ni an tiahthiam lo. 3 Khat la ahcun, profetthusim in a simtu ni cu mi hemah sakŽhonak leh thapiaknak leh thinhnemnak caah an sim. 4 Aan phunce in a ang tu ni cu anmah leh anmah an saŽhotia, profetthusim in a sim tu ni zong cu pawlpi an saŽho. 5 Nan zate aan phunce ang thok uh la ka tan dawt piak hngai, ihmansela acu vanin profet thusim in nan sim ding ka daw hlehhlo. Pawlpi sakŽho a iknak dingah mi pakhat ni a lehpiak lo ahcun aan phunce ih a ang tu vanin profet thusim in a simtu cu a nasasawn. 6 Ulenau hngai, nan hemah aan phunce ang in tan pha hngai ning la, phuanlannnak pakhatkhat maw, thutiahnak in maw, profet thusimnak in maw, thuzirhnak in maw ka sim lo ahcun ii tluk ka tan Žhathnem hngai thok hmen? 7 Nunnak ngei lomi tumthilpawl – aw a suahsaktu tilawvau leh tingtang khaw acumang an ii. Aw fiangte ih an suahsak lo ahcun itu an tum ti ahu ni khawti in hilei an tiah? 8 Culeh tawtawrawt ni aw fiangte ih a suah lo ahcun, ahu hilei raldo dingih tiaritia? 9 Acumangcun nangmi khaw, ciinthiam lomi aan phunce pakhat in nan aan ahcun, itu a sim ti ahu ni khawti in hilei a tiah? Icatile huih lakih ang rero nan i thok hekhawh. 10 Vulei parah hin aan phun cece phun tampi an om kau, ituhman sullam ngei lomi an om lo. 11 Aan pakhat cu a sullam ka tiah lo ahcun, kei cu a angtu hemah tluangcemi ka i thokih, a angtu cu ka hemah tluangcemi a i thok. 12 Acumangcun nangmi khaw thlaraula laksawngpawl nan lakhlah ngai ruangah, pawlpi sakŽho nak dingah zuam hleice uh. 13 Curuangah aan phunce in a angtu ni cu a lehkhawhnak caah thla a cam awk a ii. 14 Icatile, aan phunce in ka aan ahcun, ka thlarau ni thla a cam nain ka ruahnak zong cu a tekcak lo. 15 Itu ka ti awk i ti hmen? Ka thlarau in thla ka cam thok, ka ruahnak in khaw thla ka cam kau thok; ka thlarau in thangŽhatnak hla ka sa thokih ka ruahnak in khaw thangŽhatnak hla ka sa ve kau thok. 16 Cuti a ik lo ahcun, thlarau in thluasuahnak na aanmi cu, pawnlami ni itu na aan a tiah lo ruangah, pawnla mi dinhmun in a om tu pakhat ni cu na lungawi thusimnak ah khawti in “Amen” a ti thiam thok? 17 Icatile lungawithu na sim Žha ngai kau thok, ihmansela mi pace cu sakŽho a i lo. 18 Nan zate vanin aan phunce ka aan khawh deuh ruangah Pathian hemah ka lung a awi; 19 ilamhmanah biakinn ahcun aan phunce kaa thawng hra ih aan vanin, mi pace zirhnak ahcun ka khuaruahnak rum ciinthiammi kaa nga in ka ang sawn thok. 20 Ulenau hngai, nan thuruahnak ah tepang i hlah uh; thilŽhalo ahcun nausuan i sawn uh la, thuruahnak ahcun mi ucang ii uh.

26 Ulenau hngai, itu ti awk i ti hmen? Hmunkhatih nan vongsuah tikah pakhat vek ni hla tiing khat, thuzirhawk pakhat, thuphuan awk pakhat, aan phun ce pakhat iseh, a lehnak iseh, nan ngei. Thil zate hi sakŽhotiaknak ah vuak awk an ii. 27 Mi pakhat ni aan phunce in a aan ahcun, mi pahnih ceu, iklole a tlungtleng ah pathum tiang, pakhat hnuk pakhat in sim in, mi pakhat ni let seh. 28 Ihmansela a let tu thok pakhat hman an om lo ahcun biakinn sungah daite in omin amah leh amah hem leh Pathian hemah ang seh. 29 Profet pahnih maw pathum ni maw thusim uh seh, culeh an simmi cu mi pace ni cuaithlai uh seh. 30 A hrialkam ih totu pakhat hemah thuphuan a ik ahcun, a peita tu cu daite in om seh. 31 Icatile mi zate ni an zirngah ih thazaang an ngahnak dingah nan zate ni profetthusim in nan sim kho kau. 32 Profetthusim khawhnak laksawngpawl cu profetpawl ih thu in an om, 33 icatile Pathian cu hnaihnawhnak Pathian iloin remdaihnak Pathian a ii. (Mithiangle ih pawlpi zate ah an ik mangin, 34 numipawl cu biakinn sungah daite in an om awk a ii. Icatile Daan ni khaw a ti ve mangin, anmimi cu aan sen an i lo, thungeihnak an awi-em awk tu a ii. 35 Tiah an dawtmi pakhatkhat a om ahcun, innla ah an pumahle dil uh seh. Icatile biakinn sungih thusim cu numi pakhat caah ningzakaw a ii. 36 Iklole Pathian anka cu nanmah in hram a thawh ta hmen maw? Iklole nangmi ceu hi a phatnak nan i hmen maw?) 37 Profet pakhat ii in a simtia tu, iklole thlaraula huhampawl ngei hngai in a simtia tu pakhatkhat ni, nan hemih ka nganmi hi Bawipa ih thupiak a ii ti a tiahthiam hrimhrim thok. 38 Ahihi a tiahthiam lo tu cu amah khaw tiahthiam lomi a i ve thok. 39 Curuangah ulenauhngai, profetthusim cu hiar kau uh la, cun aan phunce ih aan cu dawn hlah uh; 40 ihmansela thil hmawhhmawh cu zohmawite leh ningcangte in ti awk an ii.