1 Paul cu Derbe khua leh Listra khua ah khaw a tat. acunang ahcun Timote timi zumtu pakhat, Judah zumtu numi pakhat ih tiapa, a pa zong cu Grik a imi, a om. 2 Amah cu Listra leh Ikoniam ih zumtupawl ni a thu an thluktiak Žhat ngai mi pa a ii. 3 Paul ni Timote cu amah zulh sak a daw, culeh acunangih omtu Judahmi an zate ni a pa cu Grik mi a ik an tiah ruangah a phawzim a Žhawh sak. 4 Khua pakhat hnuk pakhat an tah thah ah, Jerusalem ih om tu tirhthlahpawl leh upale ih relcatmipawl cu an zulh awk ah an sim pah miarmo. 5 Curuangah pawlpipawl cu zumnak ah tha ngahin nicang an milu an karh miarmo.

6 Asia ram sungih thu sim ding cu Thiang Thlarau ni a donkham hngai ruangah Frizia ram leh Kalati ram pal pah in an tat. 7 Misia ram ralcuan an phat tikah Bitinia ram luh an khaitia, ihmansela Jesuh ih Thlarau ni a sen hngai lo. 8 Curuangah Misia hrial in vakpah in Troas khua ah an Žum. 9 Zan ah Paul cu lansaknak a hmu: Masidonia mi pakhat dingin, amah naktiah dil reroin, “Masidonia laah man vong bawn tu hmen,” tiah a ti. 10 Lansaknak a hmuh ngah tikah, Pathian ni an hemih thuthangŽha sim dingah a man ko ti kan lung a fiang ruangah rili tanin Masidonia ih tat dingin kan zuam lohli.

11 Troas in lawng in kan tatih Samothreis kan hlan; a zingla ah Meapolis ah, 12 culeh acunang cun Masidonia ram peng pakhat ih khuapi leh Rom ih ukmi Filipi khua ah kan tat. Acunangah ni tlungpi kan caam. 13 Sabbath ni ah thlacamnak hmun pakhat a om thok tiah ruatin kotka pawn thlawng hrial ah kan tat; culeh kan to ih acunangih a khawmtiami numi le hemah thu kan sim. 14 Lidia timi nu, Pathian biatu pakhat ni cu kan thusim a ngai rero; amah cu Thiatira khuami a ii ih, puan sandup zuartu a ii. Paul ih simmi daw ngai in ngai dingah Bawipa ni a thinlung a hon piak. 15 Amah leh a innsang zate tihnim an ikngah in, “Bawipa zumtu taktak a ii ma ti taw cu khawh ka inn ah pha in caam tuhmen uh,” tiah a man torh tingteng. Culeh a man torh ngah.

16 Ni khat cu thlacamnak hmun ih kan tah fang ah, hmala thu simcianak thawngin a bawile tangka tampi ngah piak hngai tu litinthiamnak thlarau ngeimi sal nu pakhat kan tuak. 17 Paul leh kanmah a man zulh lio ah, “Hilepawl hi Cungnung Tleng Pathian ih salle, rundamnak lam tan simthantu an ii,” tiah an au ciamco. 18 Acuticun ni tlungpi a ti berbo. Ihmansela Paul cu a thin a hnaihnok ngai ih mertia in thlarau cu, “Hi nu sung in suak dingah Jesuh Khrih min in thu ka tan pia,” tiah a ti. Culeh acui caan rori ah thlarau cu a suak. 19 Ihmansela a ngeitule ni an tangka ngahthok ruahsannak a deng ti an hmuh tikah Paul leh Silas cu ponin thungeitule hmala ih zapi tuahtiaknak hmun ah an dawkta. 20 ThuŽhen bawipawl hmai ih an suahpi ngah tikah, “Hile hi kan khuapi a man hnaihnok; Judahmi an ii ih, 21 kanmah Rom-mipawl ih hman leh zulh awkah a phung a i lomi phunglampawl an simphuang ciamco,” tiah an ti. 22 Mibuur ni khaw Paul leh Silas cu an Žhua ve. ThuŽhen bawipawl ni an partlai phoih sakin teileng ih thawi dingah thu an pia. 23 Rauhpiih an thawi hnukah thawng sung ah an thla ih himte in kil hngai dingah thawngtlakiltu cu thu an pia. 24 Thupiak zulin Paul leh Silas cu a innkhaan sungtatleng ah a sia hngai ih an ke cu thing hreng a khuah hngai. 25 Zanruang hrawng ah Paul leh Silas cu Pathian hemah thlacamin hla an sa ih thawngtlale ni an ngai. 26 Rinlopi ah rauhngai in ling a hnin ruangah thawnginn cu a tawhram in a hnit; culeh sangka zate an hongtia lohli ih thawngtla poh an thirhri khuahmi an poih. 27 Thawngtlakiltu cu a Žhangtia ih thawnginn sangkapawl hongtia kiukiau in a hmuh tikah, thawngtlale an luat ah ruatin a reen a phawi ih amah leh amah thah tiak a khai. 28 Ihmansela Paul ni, “Namah le mah tuahmawh tia hlah law, icatile kan zate kan om kau,” tiah aw dakpi in a au. 29 Thawngtlakiltu pa cu mei tlet torh hngai in thawnginn sung ah a zuang lutih Paul leh Silas ke hram ah dok-awthah in a bok. 30 Cuhnukah pawnla ah a hei suahpi hngai ih, “Bawile hngai, run i dingah itu ti lang maw?” tiah a dil hngai. 31 Anmimi ni, “Bawi Jesuh zum la, nang leh na innsang in run nan i thok,” tiah an sawn. 32 Amah leh a inn sungih om tu zate hemah Pathian thu cu an sim. 33 Acui zan, acui caan siksik ah pita hngai in an maa a Žawl piak hngai; cuhnukah amah leh a innsang punpuluk nolnawkloin tihnim an i dah. 34 A inn ah pita hngai in caw a bar hngai; culeh Pathian zumtu pakhat a can cu amah leh a innsang punpuluk an lung a awi. 35 A zingla maw ah thuŽhen bawipawl ni palik thlahin, “Acule cu thlah uh,” tiah an ti. 36 Culeh thawngtlakiltu ni Paul hemah thu tiahsakin, “ThuŽhen bawipawl ni nanmah suahsak dingin anka a thlah; curuangah atu suak uh la daite in tat uh law,” tiah a ti hngai. 37 Ihmansela Paul ni, “Rom-miphun a imi keimi hi sualthuŽhen ilopi in mipi hmaiah a man thawi, cun thawng ah a man thla; culeh atu hi a athupte in maw a man thlah? Acuti cu i naisai hlah ee. Anmah pha in anmah rori ni man suah uh seh,” tiah a sawnla. 38 Acui aan cu thuŽhenbawile emah palik ni a zaksakŽhan, culeh Rom miphun an ik an zak tikah an phang, 39 curuangah pha in ngaidam an dil. Culeh an suah ih khuapi suakta dingah an dil. 40 Thawnginn an suahtak hnukah Lidia ih inn ah an tat; culeh acunangih unaupawl an hmuh leh tha an piak ngah in an pokta.