3
1 Nye a yup ra ntsa e yup nga yang, lana mi a hpang lana mi hta
ngai tsaw ra ai wa hpe yup mang mu nngai;
Ngai shi hpe tam yu ti mung n mu lu nngai.
2 Ngai gaw mare hkan e mung, de a nmaw lam ni hte
lam kaji hkan e mung kahkrang hkawm nngai.
Ngai gaw ngai tsaw ra ai wa hpe tam hkawm nngai;
ngai mada yu ti mung shi hpe mu lu ai n rai.
3 Mare gawan hkawm ai sin langa ni ngai hpe mu ma ai.
Ngai gaw shanhte hpe, ?Nye a tsaw ra wa hpe mu myit ni?,? ngu nna san we ai.
4 Ngai shanhte kaw na pru mat wa ai shaloi jang, ngai shi hpe mu nngai.
Ngai shi hpe jum shingdang nna nye nu a nta hte
ngai hpe shangai ai gawk de shi hpe woi shang wa ai aten du hkra n dat hkraw nngai.
5 Yerusalem numsha ni e, ngai hpe ga sadi jaw mi;
anhte a tsaw ra myit hpe ginjang n shawn lu myit ga,
laram ai chyahkyi hte shannga ni hta dagam da mu.
Numsha
6 Mura, lawban hte hpaga ga ai ni dut ya ai
manam pyaw ai baw amyu myu gaw, wan hkut shadaw zawn
zaibru jang na pru wa ai gaw hpa rai nga a ta?
7 Shawlumon du sa wa nga ai, shi a tingnyang ntsa e dung nga ai;
Israela na kaja htum ai hpyenla kru shi gaw sin langa tai ya nga ma ai.
8 Shanhte yawng gaw nhtu hta kungkyang ma ai;
shanhte gaw majan htat ai shara de shawng majen je ai salang ni rai ma ai.
Shanhte langai hte langai gaw tinang nhtu hpye let,
shana e htim gasat na hpe hkap nga ma ai.
9 Hkawhkam Shawlumon hpe kaja htum ai hpun hte galaw ai
tingnyang hta hpai ma ai.
10 De a shadaw ni hpe gumhpraw hte sup nna;
de a ntsa aja hte maka ka ai sumpan rai nga ai.
De a dung shara ni gaw Yerusalem numsha ni shawang myit hte mani tsawm hkra da da ai
shaba pu nsam rawng ai sumpan hte nep da nga ai.
11 Ziun numsha ni e, Hkawhkam Shawlumon hpe sa yu yu mu.
Shi a hkungran poi galaw ai shani,
shi a kabu gara ai hte kabu awng sharawng ai shani hta,
shi a kanu gaw shi a baw hta shagup ya ai janmau hpe shi gup nga ai.