2
1 Ngai gaw Sharon pa na nam nampan,
bum kadit hkan e tu ai hka law pan sha rai nga nngai.
Lasha
2 Ju sumwum lapran hkan tu ai hka law pan zawn
nye a nja jan mung numsha ni a ka-ang e rai nga ai.
Numsha
3 Maling htinggram hpun ni a lapran tu ai ja magaw hpun langai zawn,
ngai tsaw ra dik htum ai wa mung kaga lasha ni hte shadawn dingdaw lu nga ai.
de a asi gaw nye a namchyim hta dwi nga ai rai nna,
de a shingnip hta dung nga na ngai tsaw nngai.
4 Shi gaw ngai hpe poi galaw ai shi a gawknu de woi wa nna
nye a ntsa e tsaw ra dawnghkawn sharawt da nga ai.
5 Nye a n-gun hpe sabyi si jahkraw ni hte n-gun ban ya nna;
ja magaw si ni hte ngai hpe n-gun awai ya nga a hka!
Ngai gaw tsaw ra machyi hte gawng kya nga nngai.
6 Shi a pai lata nye a baw npu e nga nga ai;
shi a hkra lata ngai hpe ahpum da nga ai.
7 Yerusalem numsha ni e, ngai hpe ga sadi jaw mi;
anhte a tsaw ra myit hpe nanhte ginjang n shawn lu myit ga,
laram ai chyahkyi hte shannga ni hta dagam da nngai.
Numsha
8 Nye a tsaw ra nja wa a nsen hpe ngai na nngai.
Shi gaw bum ni hpe kagat lai nna
kawng ni hpe shingtawt ai hte ngai kaw du sa ai.
9 Nye a tsaw ra wa gaw chyahkyi langai zawn rai nna
shan-nga kasha hte mung bung nga ai.
Yu u, shi gaw bunghku makau e tsap nga ai.
Shi gaw hkuwawt hku mada yu nhtawm
hkinchyi hku hku praw rai mada yu nga ai.
10 Nye a tsaw ra nja wa ngai hpe ga shaga nga ai.
Lasha
Nye a nja jan e, sa rit;
nye a tsaw jan e, ngai hte rau sa wa ga.
11 Nshung ta lai sai; marang mung hpawng sai;
12 nampu nampan ni pa hkan e pu nga sai.
Ndai aten gaw mahkawn kashai ai aten rai nna;
hkrudu ni tut du du ai nsen hpe pa hkan e na lu nga ai.
13 Lakum si ni mying hpang wa sai;
sabyi ru ni mung pu pu nga ai; de a manam pyaw bat gaw nbung hta mawng nga ai.
Nye a nja jan e, sa rit;
nye a tsaw ra nja jan e, ngai hte rau sa wa ga.
14 Nang gaw lungkrawp hkan makoi nga ai
hkrudu zawn rai nga ndai.
Tsaw ra mai ai na a myi man ngai mu lu n-ga;
na a ngwi ngawn ai nsen hpe na lu n-ga law.
15 Chyahkyawn ni, chyahkyawn kasha ni,
sabyi sun na pu pu nga ai sabyi ru ni hpe garai n jahten sharun kau lu yang, dai ni hpe rim kau u.
Numsha
16 Ngai tsaw ra ai wa gaw nye a matu rai nga ai, ngai mung shi a matu rai nga nngai.
Shi gaw hkalaw prang yang e shi a sagu hpung hpe
17 jahpawt bungli bung wa ai aten kaw nna nsin \q2 garai n sin ai aten du hkra shayaw da nga ai.
Nye a tsaw ra wa e, chyahkyi zawn mung,
Behtera bum ntsa na shan-nga zawn mung nhtang wa rit.