21
1 Dawi gaw hkinjawng Ahimelek nga ai Noba mare de sa wa wu ai. Ahimelek mung shi hpe hkap tau la na nga hkrit gari ai hte pru sa wa nhtawm, ?Nang chyu sha ndai shara de hpa majaw sa wa n ta?,? ngu nna hkap san wu ai. Ref 21:1-6: Mat 12:3-4; Mrk 2:25-26; Luk 6:3.
2 Dawi gaw, ?Hkawhkam wa shangun ai amu a majaw ndai de du sa ai rai nngai. Shi ngai hpe galaw shangun dat ai amu, kadai hpe mung hkum chye shangun nga nna ngai hpe htet dat ai. Ya nye a masha ni hpe chyawm gaw masat da ai shara langai hta ngai hte hkrum ga ngu nna shanhte hpe tsun dan mase ai.
3 Dai rai nna, ya nang hta kaning re ai lusha ni lu tawn n ni? Ngai hpe muk tawng manga shing n rai nang lu da ai hpa rai tim jaw e law,? ngu nna htan wu ai.
4 Dai hkinjawng wa gaw, ?Ngai kaw hkrup mara sha mai ai muk hpa mung n lu nngai, chyoi pra ai muk chyawm gaw lu nngai; na a masha ni ndai laman numsha ni hte n kanawn ai rai yang chyawm gaw dai hpe lu la mai nga myit dai,? ngu nna tsun wu ai.
5 Dawi gaw, ?Shanhte gaw teng teng sha n kanawn ma ai. Anhte a mayu sha pru hkawm ga tim pyi, nye a masha ni gaw shanhte a hkum hpe htung hte maren tut nawng jasan jaseng ma ai; shing re ai rai yang, ndai zawn lak san anhte pru hkawm ga ai aten hta gaw grau nna san seng nga ga ai n rai hka!,? ngu nna htan wu ai.
6 Dai rai nna hkinjawng wa gaw Karai Kasang hpe nawng jau ya ai muk ngu na dai chyoi pra ai muk ku hta madun da ai muk hpe chyu sha shi lu ai majaw dai chyoi pra ai muk Dawi hpe jaw wu ai; chyoi pra ai muk ku hta chyawm gaw a kahtet sha re ai muk bai mara tawn da nga ai.
7 (Dai shani e Shawlu a yam nga rem agyi, Edom masha Doeg mung dai yang e nga nga ai, hpa majaw nga yang, nawku htung hte seng ai lit hpe shi sa shatup mayu nga ai.)
8 Dawi gaw Ahimelek hpe, ?Ngai hpe jaw ya lu na ri nhtu n lu n ni? Hkawhkam wa ndai zawn tin shapun rai ngai hpe pru sa na hkang dat ai majaw nye a nhtu hte kaga laknak ni hpe hta la na aten n lu kau nngai,? ngu nna tsun wu ai.
9 Ahimelek chyawm gaw, ?Ela Kadit e nang sat kau ai Hpilisti masha Goliat a nhtu lu nngai; dai hpe sumpan hte kayawp nhtawm hpa hkai lawng a shingdu e nga nga ai. Ndai yang e laknak ngu na dai chyu sha nga ai majaw nang ra yang gaw dai hpe la lang u,? ngu nna htan wu ai.
Shaloi Dawi gaw, ?Kanang e mung dai daram kaja ai nhtu n nga sai, ngai hpe dai nhtu jaw e!,? ngu nna tsun wu ai. Ref 21:9: 1Sa 17:51.
10 Shawlu kaw na shi hprawng wa ai hte maren, Dawi pru mat wa nhtawm Gat Hkawhkam Ahkisha hpang de sa mat wa wu ai.
11 Hkawhkam wa a du salang ni gaw Ahkisha hpe, ?Ndai Dawi she shi a mungdan na hkawhkam n rai ni? Ndai masha wa a lam hpe numsha ni ka let mahkawn hkawn mu ai gaw, ?Shawlu sat kau sai hkying hkying, Dawi sat kau sai mun mun,?? ngu nna tsun dan ma ai. Ref 21:11: 1Sa 18:7; 29:5.
12 Shanhte tsun ai ga gaw Dawi hpe dik hkra myit hkra kau shangun nga ai majaw Hkawhkam Ahkisha hpe grai hkrit wu ai. Ref 21:12: Shk 56 Ga Baw.
13 Shanhte shinggrup da nga mayang, Dawi gaw mana masu nna, mana shachyoi dan let shanhte shi hpe tek jum da ai shaloi, mare chyinghka ni hta mahkret ai hte shi a nhka mun hta mayen shalwi tawn wu ai. Ref 21:13: Shk 34 Ga Baw.
14 Dai rai nna Ahkisha gaw shi a du salang ni hpe, ?Yu yu mu! Dai wa gaw mana she rai nga a hka! Ngai kaw hpa rai jashawn dat myit ta?
15 Ngai hpe wa me mana ni hpe n mu yu ai zawn nawn da mu ni? Ndai nye nta kata e nan shi a mana shachyoi ai amu hte ngai hpe masin ka-un shangun na matu hpa majaw jashawn myit ni?,? ngu nna tsun wu ai.