27
1 Ndai gaw Israela dinghku a ningbaw ni, amyu lakung ningbaw ni, mungdan a magam bungli hpe woi up hkang ai shanhte a du salang ni a mying jahpan rai nga ai. Shaning ting ngu na shata shagu hta dai shata hta up hkang ang ai wa a npu hta masha mun lahkawng hkying mali hte gaw shata hte shata hpung hte hpung shang galaw ra nga ai.
2-15 Ndai ni gaw shata shagu lit la woi up hkang ai ni rai nga ai.
Shata Langai: Zabadiela a kasha Yashobeam
(Shi gaw Yuda amyu bawsang mi rai nga ai
Peret amyu lakung na
masha rai nga ai.)
Shata Lahkawng: Ahohi amyu matu na Dodai rai
nga ai. (Miklot gaw shi a lawu na
up hkang du rai nga ai.)
Shata Masum: Hkinjawng Yehoiada a kasha
Benaia; shi gaw ?Marai Sumshi? a ningbaw
rai nga ai (shi a kasha Amizaba gaw shi a hkang hta ndai hpung hpe up hkang nga ai.
Shata Mali: Yoab a kanau Asahela
(shi a kasha Zebadia gaw shi a hkang hta
up hkang nga ai.)
Shata Manga: Izhara amyu matu na
Shamhut
Shata Kru: Tekoa mare na
Ikesha a kasha Ira
Shata sanit: Pelon mare na
Ehprim amyu masha Helet
Shata Matsat: Husha kaw na Sibehkai
(shi gaw Yuda amyu bawsang mi rai nga ai Zera amyu lakung hta na rai nga ai.)
Shata Jahku: Benyamin amyu bawsang a lamu ga
Anahtot mare na Abieza rai nga ai.
Shata Shi: Nehtohpa mare na Maharai
(shi gaw Zera amyu lakung na rai nga ai.)
Shata Shi Langai: Ehprim amyu bawsang a lamu ga Pirahton mare na Benaia rai nga ai.
Shata Shi Lahkawng: Nehtohpa mare na
Heldai, (shi gaw Otniela
amyu matu rai nga ai.)
16-22 Ndai gaw Israela amyu bawsang ni hpe up hkang ai du ni a jahpan rai nga ai:
23 Israela amyu masha ni hpe sumsing lamu na shagan ni zawn shalaw jahtam na ngu ai dai Madu a ga sadi majaw, Hkawhkam Dawi gaw asak hkun ning n du ai amyu masha ni hpe yuptung jahpan n hta shalawm la nga ai. Ref 27:23: Nin 15:5; 22:17; 26:4.
24 Kanu Zeruia a kasha Yoab gaw dai yuptung jahpan la hpang wu ti mung, dai amu hpe shi n jahkum shatsup da lu nga ai. Dai yuptung jahpan hta ai majaw Israela hpe Karai Kasang ari jaw sai. Dai re ai majaw Hkawhkam Dawi a tara shang labau laika ni hta hpang jahtum na numbat hpe galoi mung n ka matsing da nga ai. Ref 27:24: 2Sa 24:1-15; 1Hl 21:1-14.
25-31 Ndai gaw hkawhkam sut gan hpe up hkang nga ai ni a jahpan rai nga ai:
Hkawhkam sut rai tawn ai gawk ni: Adiela a
kasha Azmawet
Buga sut rai tawn ai gawk ni: Uzia a
kasha Yonahtan
Yi hkauna magam ni: Hkelub a
kasha Ezri
Sabyi sun ni:
Rama mare na Shime
Sabyi ntsin tawn da ai nhkun ni: Shehpam
mare na Zabdi
(Sinna maga na bum lagaw hkan)
tu ai tsanlun hte lakum hpun ni: Gedera
mare na Bala Hanan
Tsanlun sau dum: Yoasha
Sharon pa layang na yam nga
hpung ni: Sharon mare na
Shitrai
Kadit hkan na yam nga hpung ni:
Adlai a kasha Shahpat
Gawla-uk hpung ni: Ishmaela masha
Obila
Lawze hpung ni: Meronot mare na Yedea
Sagu, bainam hpung ni: Hagari
masha Yazi
32 Hkawhkam Dawi a kawa di Yonahtan gaw kung kyang ai hpaji jaw masha hte hpaji ninghkrin wa rai nga ai. Shi hte Hakmoni a kasha Yehiela yan gaw hkawhkam kasha ni hpe hpaji shakung shalet ya ai hta woi awn ma ai.
33 Ahihtohpela gaw hkawhkam wa hpe hpaji jaw ai wa rai nna, Arhki masha Hushai gaw hkawhkam wa a jinghku hte hpaji jaw salang rai nga ai.
34 Ahihtohpela si mat ai hpang, Benaia a kasha Yehoiada hte Abiahta yan hpaji jaw ninghkrin tai wa masai. Yoab chyawm gaw hkawhkam hpyen luksuk hpe up hkang ai du rai nga ai.