SHAKAWN KUNGDAWN 8
1 O Madu anhte a Madu e,
na a galu kaba ai lam hpe mungkan ting hta mu lu nga a hka!
Nang hpe shakawn ai ga ni, sumsing lamu ni de du hkra hkrang lung nga ai;
2 dai shakawn ga ni hpe ma kaji ni hte chyu chyu ai ma ngai ni mahkawn ma ai.
Nang gaw na a gumlau hpyen ni yawng a lata kaw nna, shim ai hte sim sa nga
ndai;
nang hpe ninghkap ai kadai hpe mung, nang manga kau nga ndai.Ref 8:2: Mat 21:16.
3 Nang hpan tawn da ai lamu hpe ngai mada yu ai shaloi;
nang gaw shata hte shagan ni hpe shanhte a shara ni hta tawn da
nga ndai.
4 Mungkan masha ngu ai gaw kadai wa rai nna nang myit du ya nga n ni?
Si chye ai wa sha hpe, nang hpa rai n-gaw nwai myit madun nga n ni? Ref 8:4:
Yob 7:17-18; Shk 144:3; Heb 2:6-8.
5 Rai tim, nang gaw shi hpe na a npu hprut hku hpan da nhtawm;
nang gaw shi hpe hpung shingkang hte arawng sadang ka-up ya nit dai.
6 Nang shi hpe hpan tawn da ai arai yawng mayawng a ntsa e, up hkang ai
wa tai lu na, ahkang ap ya nit dai;
nang gaw shi hpe hpan da ai arai yawng mayawng a ntsa e san da nna;
Ref 8:6: 1Ko 15:27; Ehp 1:22.
7 sagu hte dumsu, matse labye dusat ni yawng mung,
8 ntsa malen u ni, nga ni hte
panglai kata e rawng ai hkrung kanu ni yawng hte hpe mung, shi a npu hta
nang tawn da nit dai.
9 O Madu anhte a Madu e,
na a galu kaba ai lam hpe mungkan ting hta mu lu nga a hka!