SHAKAWN KUNGDAWN 27
1 Madu gaw nye a nhtoi hte hkye hkrang la ai wa rai nga ai;
kadai hpe mung ngai n hkrit na nngai.
Dai Madu gaw hkrithpa shara yawng kaw na ngai hpe makawp maga la nga ai
rai nna;
ngai galoi mung hkrit na nngai n rai.
2 N hkru ai masha ni ngai hpe gasat ai hte sat kau na matu shakut ma ai shaloi
shanhte gaw ahtu ai hte kadawng mat ma ai.
3 Hpyen luksuk ni ngai hpe wang gawan da ti mung;
ngai hkrit na nngai n rai,
gumlau hpyen ni ngai hpe gasat yang pyi
Karai Kasang hpe naw kam hpa nga na nngai.
4 Ngai gaw ngai ra sharawng ai lam langai mi hpe dai Madu kaw hpyi se ai;
dai gaw, ngai ahkrung nga dingsa dai Madu a nta hta shanu nga lu nna;
shi a mai kaja ai lam hpe dai shara hta mu lu nga ai;
shi a lam woi ai hpe hpyi lajin na matu chyu sha ngai ra nga nngai.
5 Ru tsang hkrum ai aten ni hta, shi gaw nye a shingbyi shara tai ya na ra ai;
shi gaw ngai hpe shi a Htingnu kata hta shim ai hte bau sin na ra ai hte,
tsaw ai lunghkrung ntsa e, ngai hpe shim nga shangun na ra ai.
6 Shing rai, ngai gaw ngai hpe wang shinggrup da ai nye a gumlau hpyen
ni hpe dang kau nngai;
shi a Nawku Htingnu hta kabu gara jahtau garu nhtawm shagu hkungga ni hpe nawng jau
na ring ngai.
Ngai gaw Madu hpe mahkawn mangoi let shi hpe shakawn na ring ngai.
7 Madu e, ngai nang hpe shaga yang, ngai hpe na ya e!
Matsan dum ai myit hte ngai hpe htan ya e!
8 ?Ngai hpe nawku daw jau na sa rit,? nga nna nang tsun ndai shaloi,
?Madu e, ngai sa wa na nngai,? ngu nna ngai htan ni ai.
9 ?Nang gaw ngai kaw na hkum makoi nga et!,?
Ngai hpe masin hkum pawt et;
Na a shangun ma wa hpe hkum n dang kau et;
Karai Kasang, ngai hpe hkye hkrang la ai wa e,
Nang gaw ya du hkra, ngai hpe karum la ai wa rai nga ndai majaw,
ngai hpe hkum kau da et, ngai hpe hkum kabai da nga et.
10 Nye nu yan wa ngai hpe kabai kau da ai rai tim,
Madu gaw ngai hpe lanu lahku la na ra ai.
11 Madu e, nang ngai hpe hpa galaw shangun mayu ai lam ngai hpe sharin ya e,
Ngai gaw gumlau hpyen law law lu nga nngai majaw,
shim ai lam dingyang hta ngai hpe woi lakawn wa rit.
12 Masu magaw ga ni hte jahkrit shama ai lam ni hte,
ngai hpe htim anut nga ai nye a gumlau hpyen ni a lata hta ngai hpe hkum kau
da nga et.
13 Ngai naw hkrung nga ai prat hte hta
ngai mu lu na hpe ngai chye nga nngai.
14 Madu hpe kam hpa nga u.
Kam sham nga u, myit hkum htum et;
Madu hpe kam hpa nga u.