SHAKAWN KUNGDAWN 114
1 Yaku a aru arat, Israela amyu masha ni gaw
maigan Egutu mung kaw nna pru mat wa ma ai shaloi,Ref 114:1: Pru 12:51.
2 Yuda amyu ni gaw dai Madu a chyoi pra ai amyu masha ni tai wa sai;
Israela gaw shi madu da ai amyu tai wa masai.
3 Nawng Hkyeng gaw dai hpe mu nna hprawng mat wa ai;
Yawdan hka nu mung lwi nga ai kaw nna hkring mat nga sai. Ref 114:3: Pru 14:21; Ysh 3:16.
4 Bum ni gaw bainam ni zawn gumlawt nga nna;
kawng ni gaw sagu kasha ni zawn gumlawt hkawm nga ma ai.
5 Panglai e, nang hpa majaw hprawng mat n ni?
Yawdan hka nu e, nang hpa majaw lwi nga ai kaw nna hkring mat n ni?
6 Bum ni e, nanhte hpa majaw bainam ni zawn gumlawt gumtawng nga myit ni?
Kawng ni e, nanhte hpa majaw sagu kasha ni zawn shingtawt hkawm nga myit ni?
7 Ginding aga e, dai Madu a man e mung,
Yaku a Karai Kasang a man e mung, hkrit gari nga u.
8 Shi gaw nlung bum ni hpe nawng ing, lunghkrung ni hpe lwi nga ai
hka hpawk shara ni shatai kau nu ai.Ref 114:8: Pru 17:1-7; Bhk 20:2-13.