23
(Mrk 12:38-39; Luk 11:43,46; 20:45-46)
1 Dai hpang Yesu gaw shawa masha ni hte shi a sape ni hpe tsun mu ai gaw,
2 ?Tara sara ni hte Hparishe ni gaw Mawshe a jep ai Tara hpe lachyum htai dan na ahkaw ahkang lu da ai ni rai ma ai.
3 Dai re ai majaw, nanhte hpe shanhte tsun ai lam shagu madat mara nna hkan galaw shatup nga mu. Rai ti mung shanhte galaw ai lam ni hpe len hkum la myit, hpa majaw nga yang, shanhte hkaw tsun ai hpe shanhte n hkan galaw ma ai.
4 Shanhte gaw li la ai hte hpai yak ai lit hpe masha shingma hta gyit shakap mara da nhtawm, shanhte gaw tinang a yunghkyi hte sha pyi n kam mala sharawt karum mayu ma ai.
5 Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.
6 Poi hkan na grau reng ai dung shara ni hte tara jawng ni hta grau reng ai tingnyang ni hta dung mayu ma ai. Ref 23:6: Mrk 12:38-39; Luk 11:43.*
7 Gat hkan e hkungga lara di shachyen ai hte, masha ni e, ?Sara? ngu nna shamying na hpe shanhte sharawng la ma ai.
8 Nanhte mahtang ?Sara e? ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.
9 Nanhte gaw ndai ga ntsa e kadai hpe mung, ?Wa e? hkum nga myit, hpa majaw nga yang, nanhte hta sumsing lamu na Kawa langai hkrai sha lu myit dai.
10 Bai, ?Ningbaw? ngu nna shamying na hpe hkum ra myit: hpa majaw nga yang, nanhte a langai sha rai nga ai ningbaw wa gaw Meshia ngu ai wa sha rai nga ai.
11 Nanhte hta na grau kaba ai wa gaw nanhte a ali ama tai u ga. Ref 23:11: Mat 20:26-27.*
12 Kadai rai ti mung, tinang hkum hpe shagrau ai wa gaw, grit nem mat wa na ra ai, tinang hkum hpe shagrit ai wa chyawm gaw, shagrau shatsaw ai hkrum na ra ai. Ref 23:12: Luk 14:11; Yak 4:6.*
(Mrk 12:40; Luk 11:39-42,44,52; 20:47)
13 ?Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.
14 (Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw gaida jan ni hpe dang sha nna shanhte a dum nta ni hpe hpya sha nhtawm, masha e yu yang tsawm na hku hpyi hpun ai hku galu galang akyu hpyi myit dai. Dai lam a majaw nanhte gaw grau nna kaba ai ari hkrum na marin dai.)d 23:13: Manuscripts nkau mi hta ndai daw kaji 14 bang shalawm da ma ai. Nkau mi hta n shalawm ma ai.*
15 Hpyi hpun ai tara sara ni hte Hparishe ni e, nanhte dingnye lu myit dai; sape langai mi shatai la na matu nanhte gaw nammukdara hte hkarang hpe htinglet kahkrang hkawm myit dai, rai ti mung, sape shatai la ngut jang, shi hpe nanhte hta htam lahkawng grau hkra, ngarai mung hta hkrat bang na ging dan ai wa shatai myit dai.
16 Myi kyaw let lam madun ai ni e, nanhte dingnye lu myit dai! ?Kadai rai ti mung, Nawku Htingnu mying gang nna dagam yang gaw, dai ga hpe shi n hkan shatup ra ai. Rai ti mung dai Nawku Htingnu na ja hpe lakap nna dagam ai wa gaw, shi a dagam da ai ga n shatup n mai rai na rai nga ai, nga nna nanhte sharin myit dai.
17 Angawk nna myi kyaw ai ni e, ndai aja hpe shachyoi shapra ai Nawku Htingnu hte dai aja yan hta gara wa mahtang grau ahkyak kaba rai nga a ta?
18 Bai nna nanhte gaw, ?Kadai rai ti mung, dai hkungri hpe lakap nna dagam yang, dai dagam da ai ga hte maren n shatup ti mung hpa n ra ai. Rai ti mung, hkungri ntsa na kumhpa hpe lakap nna dagam yang gaw, dai hpe shi n hkan shatup n mai rai na rai nga ai,? nga nna sharin myit dai.
19 Myi kyaw ai ni e, dai kumhpa hpe shachyoi shapra ai hkungri hte dai kumhpa gaw gara mahtang grau ahkyak kaba rai nga a ta?
20 Dai re ai majaw, masha langai mi dai hkungri hpe lakap nna dagam ai shaloi, dai hte de a ntsa na kumhpa ni yawng hte hte dagam nu ai rai nga ai.
21 Dai Nawku Htingnu a mying gang nna dagam ai wa mung, dai hte dai hta shanu nga ai Karai Kasang a mying hte dagam nu ai, rai nga ai
22 Marai langai ngai sumsing lamu mying gang nna dagam a yang mung, Karai Kasang a Nawku Htingnu hte dai hta e dung nga ai wa a mying hte dagam nu ai, rai nga ai. Ref 23:22: Mat 5:34; Shk 11:4; Kas 7:49.*
23 ?Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw shingtawn pan, pan soi, hpakkyi tum, re ai ni hta na, htam shi hta na htam mi, Karai Kasang kaw sak nawng myit ti mung, dai jep ai Tara a kaja wa nan grau ahkyak ai sharin shaga ai lam ni rai nga ai tara rap ra ai, matsan dum ai hte kam sham ai lam hte hpe nanhte n madat n mara hprai kau myit dai. Nanhte gaw htam shi alu jaw ai hpe mung, dai jep ai Tara a sharin shaga ai lam hpe mung, n hprai ai sha hkan shadik na mai nga ai.Ref 23:23: Hos 6:6; Mik 6:8; Luk 11:42.*
24 Myi kyaw let lam madun ai ni e, nanhte gaw jinu hpe n mayu kau hkrup na matu hka hpe jen nna lu myit dai; rai ti mung gawla-uk hpe gaw mayu kau myit dai.
25 ?Hpyi hpun ai Tara sara ni hte Hparishe ni e, nanhte dingnye lu myit dai! Nanhte gaw nanhte a gawm hte shat wan re ai ni a shinggan maga hpe jasan jaseng mu ti mung, nanhte a myit kata de gaw kashun kashe hte tinang a akyu tam ai n tara ai hte hpring chyat rai nga malit dai.
26 Myi kyaw ai Hparishe ni e! gawm hte shat wan ni a kata maga hpe shawng jasan jaseng mu, shing rai yang shinggan maga mung san seng wa na ra ai.
27 ?Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw namhtun hpraw chya ai lup hte bung nga myit dai; dai ni gaw shinggan de tsawm dam ti mung, kata de n ra hte mang chyayat ni hte hpring nga ai.
28 Dai hte maren, nanhte gaw shinggan hkrang nsam hku nna masha ni a man e ai re ni zawn rai nga myit ti mung, kata de gaw sawt ai hte yubak mara ni hte hpring chyat nga myit dai.
(Luk 11:47-51)
29 ?Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw myihtoi ni a lup ni hpe gaw shatsawm da mu ai hte ding hpring ai ni a lup jarawp ni hpe mawn ya nhtawm,
30 ?Anhte gaw ji wa ni a lakhtak hta lama paw pru ga taw gaw, shanhte galaw ai amu hte myihtoi ni hpe sat ai amu hta lawm na ga ai n rai,? nga nna tsun myit dai.
31 Shing nga ti mung, myihtoi ni hpe sat kau ai ni a kashu kasha ni rai nga myit dai gaw, nanhte nan sakse hkam yin la nga myit dai.
32 Dai rai nna nanhte mung, nji nwa ni tawt lai hpang da sai mara a hpunda hpe dep hkra matut galaw sa wa masu!
33 Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta? Ref 23:33: Mat 12:34.*
34 Dai rai nna, nanhte hpe ngai tsun made ai gaw, myihtoi ni, hpaji rawng ai ni hte tara sara ni hpe nanhte hpang de ngai shangun dat na mawe ai rai nna, shanhte hta na nkau mi hpe sat kau na ma ai, nkau mi hpe wudang hta jen da na hte, nkau mi hpe tara jawng ni hta anu kayat di nna mare mi hte mare mi de hkan shachyut rim zingri na maru ai.
35 Shing re ai a majaw, mara n kap ai Abela a asai kaw nna, dai Nawku Htingnu hte tawn hkungri lapran e nanhte sat kau ai Barahkia a kasha Zehkaria a asai du hkra nanhte bunglat ari hkrum na marin dai. Ref 23:35: Nin 4:8; 2Hl 24:20-21; Shr 18:24.*
36 Nanhte hpe ngai kaja wa tsun made ga, dai masha sat ai lam ni yawng a matu ndai prat na masha ni a ntsa e ari du na ra ai!
(Luk 13:34-35)
37 ?Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.
38 Dai majaw, na a Nawku Htingnu hpe Karai Kasang e katsi katsang di nna kabai shakram kau na ra ai.
39 Ngai nanhte hpe kaja wa tsun made ga, ?Dai Madu a mying hte du sa ai wa gaw a nga ai law! nga nna nanhte nan n tsun tsun gaw, ya kaw nna ngai hpe n mu lu na manit dai,?? ngu mu ai. Ref 23:39: Mat 21:9; Shk 118:26.*