21
(Mrk 11:1-11; Luk 19:28-40; Yhn 12:12-19)
1 Ya shanhte gaw Yerusalem de ni wa nna Tsanlun Bum makau na Bethpage kahtawng de
du wa ma ai. Dai kaw nna Yesu gaw sape
lahkawng hpe shanhte a shawng de shangun
dat nna,
2 ?Nan a shawng de na kahtawng de shang masu, kalang ta nan gaw dun tawn da ai lawze kanu
hte de a makau e kasha hpe nan mu na myit dai;
dai yan hpe raw nhtawm, ngai hpang de dun
wa marit.
3 Masha langai ngai nan hpe lama ma tsun a yang gaw, ?Dai Madu ndai yan hpe lang ra ai da!,? ngu nna
shi hpe htan mu; shaloi dai yan hpe kalang ta
ya dat na mara ai,? ngu nna shan hpe
tsun dat mu ai.
4 Ndai lam gaw, myihtoi wa tsun da ai ga dik wa u ga majaw byin wa ai rai nga ai.
5 Myihtoi gaw, ?Ziun mare hpe tsun mu:
Yu u, nanhte a hkawhkam wa gaw nanhte hpang de du sa wa ra ai!
Shi gaw shagrit shanem ai myit hte, lawze kanu a kasha a ntsa e jawn nga ai;
rai sa, lawze kanu a kasha ntsa e jawn nga ai,? nga ai. Ref 21:5: Esa 62:11; Zeh 9:9; Yhn 12:15.
6 Shing rai dai sape yan sa nhtawm, Yesu shan hpe hkang dat mu ai hte maren galaw ma ai rai nna,
7 shan gaw lawze kanu hte kasha hpe dun wa ma ai; dai yan a ntsa e tinang a hpun nba ni hpe mara nna, Yesu gaw de a ntsa e jawn wu ai.
8 Dai masha wunawng kaba ni gaw, shanhte a hpun nba ni hpe dai lam ntsa e hpyan nep da ma ai; kaga hte gaw, hpun lakung lakying ni kran
la nna dai lam hkan nep ma ai.
9 Yesu a shawng e sa wa ai ni hte hpang e hkan nang ai masha wunawng ni gaw, ?Dawi a Kasha a
hpung shingkang hpe shakawn mu! Madu a mying
nsang hte du sa ai wa gaw a nga ai law! Karai
Kasang a hpung shingkang hpe shakawn kungdawn
nga mu law!,? nga nna jahtau garu ma
ai. Ref 21:9: Mat 23:39; Shk 118:25-26.
10 Yerusalem mare hta shang bang wa yang, mare ting kabring kabrawng rai wa nna,
?Ndai wa gaw kadai rai nga a ta?,? nga
nna san shajang ma ai.
11 Shawa masha ni mahtang, ?Ndai wa gaw, Galile mung Nazaret mare na Yesu ngu ai
myihtoi wa rai nga ai,? nga nna htan ma
ai.
(Mrk 11:15-19; Luk 19:45-48; Yhn 2:13-22)
12 Yesu gaw Nawku Htingnu de shang nna, dai Nawku Htingnu kata e rai dut rai mari rai nga ai ni yawng hpe shaden shapraw kau mu ai
rai nna, gumhpraw galai byan ya ai ni a
ku ni hte hkrudu dut ai ni a punghkum ni
hpe kanawng kadawng shagum kau ya
nhtawm,
13 ?Nye a nta hpe akyu hpyi ai nta ngu na mu ai, nga nna Karai Kasang tsun ai hpe
Chyum Laika ni hta ka da nga ai. Rai ti mung
nanhte gaw, dai hpe damya lungpu shatai nga
myit dai,? ngu nna shanhte hpe tsun mu
ai. Ref 21:13: Esa 56:7; Yer 7:11; Mrk 11:17; Luk 19:46.
14 Myi kyaw ai ni hte lagaw hten ai ni gaw, dai htingnu kata de shi kaw du ma ai rai nna, shi
shanhte hpe shamai shatsai ya mu ai.
15 Hkinjawng agyi ni hte Tara sara ni chyawm gaw, shi galaw ai mauhpa amu ni hte, ?Dawi a Kasha hpe shakawn kungdawn mu law!,? nga nna Nawku Htingnu kata hta jahtau ai ma ni hpe mu mu yang,
shanhte masin pawt ma ai.
16 Shing rai shanhte gaw Yesu hpe, ?Ndai ni hpa tsun nga ai hpe nang na da wu ni?,? ngu
nna san mu ai.
Yesu gaw, ?Ngai na nga nngai, Dai Madu gaw ?Ma ni hte chyu chyu ai ma chyangai ni
hpe mahkawn shakawn ga majing hte daw jau
na matu sharin ya da nu ai, nga ai ga
Chyum Laika hta nanhte galoi mung n hti yu
myit ni?,? ngu nna shanhte hpe tsun mu ai. Ref 21:16 Shk 8:2.
17 Yesu gaw, shanhte hpe kau da nna, dai mare na pru wa nhtawm, Behtani kahtawng de
sa du nna, dai yang e, lani mi hkring manam
kau da wu ai.
(Mrk 11:12-14,20-24)
18 Ya hpang jahpawt e, dai mare de bai wa yang, shi kawsi nga ai.
19 Shaloi lam makau e tu ai maihpang hpun langai mi hpe mu wu yang, dai de shi sa wu ai,
rai ti mung dai hpun hta lap ni hta kaga hpa
n mu wu ai. Dai majaw shi gaw, ?Ya kaw nna
prat dingsa e, nang hta asi bai n si n ga!,?
ngu nna dai hpun hpe tsun wu ai. Maihpang hpun
mung kalang ta shaloi jang hkraw nyip mat wa ai.
20 Sape ni dai hpe mu jang, mau mat ma ai rai nna, ?Dai maihpang hpun gaw kaning rai nna jahkring sha hkraw nyip mat wa a hka?,? ngu nna san mu
ai.
21 Yesu gaw, ?Ngai nanhte hpe teng teng tsun made ga, nanhte hta kam shut ai myit n lawm
ai sha kam sham myit yang gaw, ndai maihpang
hpun hpe ngai galaw ai zawn nanhte galaw lu
na myit dai. Dai hta n ga, ndai bum hpe,
?Nang baw mat nna, nawng hta e htawt bang
mat u,? ngu nna nanhte tsun mu yang dai byin
na ra ai. Ref 21:21: Mat 17:20; Luk 17:6;
1Ko 13:2.
22 Nanhte gaw kam sham ai myit hte akyu hpyi myit yang, nanhte hpyi mahpyi mahkra lu
la na marin dai,? ngu nna shanhte hpe tsun mu ai.
(Mrk 11:27-33; Luk 20:1-8)
23 Yesu gaw Nawku Htingnu de bai du wa nna sharin shaga nga yang, hkinjawng agyi ni hte, mung masha ni a agyi salang ni, shi kaw sit
sa nna, ?Nang gaw hpa ahkang hte ndai hte
hpe galaw nga n ta? Ndai ahkang nang hpe
kadai jaw a ta?,? ngu mu ai.
24 Yesu gaw, ?Nanhte hpe ngai ga san langai mi san yu made ga, dai ga san hpe nanhte mahtai
jaw myit yang gaw, hpa ahkang hte ndai hte hpe
ngai galaw nga nngai ngu ai lam, nanhte hpe
tsun dan na made ai.
25 Yawhan hkalup jaw ai ahkang aya gaw Karai Kasang kaw na rai ni? Masha kaw na rai ni?,?
ngu nna san mu ai.
Shanhte mahtang shada da bawng nna, ?Anhte kaning ngu tsun na rai ta? ?Karai
Kasang kaw na re,? ngu nna anhte tsun gaw
yang, shi anhte hpe, ?Dai rai yang, nanhte
Yawhan hpe hpa rai n kam myit ta?,? nga
nna htan na ra ai.
26 Bai, ?Masha kaw na re,? ngu yang, mung masha ni hpe anhte hkrit shara nga ga ai,
hpa majaw nga yang, Yawhan myihtoi rai nga
ai hpe yawng hte kam nga ma ai,? nga shajang
ma ai.
27 Dai rai nna, shanhte Yesu hpe, ?Anhte n chye ga ai,? ngu nna htan mu ai.
Shi mung, ?Ndai amu ni hpe hpa ahkang hte galaw nngai gaw, ngai mung nanhte hpe n tsun
dan na nngai,? ngu nna shanhte hpe tsun mu ai.
28 ?Ya, nanhte kaning ngu myit da mu ta? Kalang mi na masha langai mi shadang sha lahkawng
lu ai. Kasha alat hpang de shi sa nna,
?Sha e, dai ni sabyi sun de bungli
sa galaw su,? ngu wu ai.
29 Kasha alat wa gaw, ?Ngai n sa mayu nngai,? nga ai rai ti mung myit bai galai nna, ?Ngai
sa na nngai,? nga nna sabyi sun de sa wa ai.
30 Dai hpang kawa gaw kasha shadoi wa kaw sa nna dai hte maren tsun wu ai. Shi gaw, ?Rai
sa, ngai sa na nngai,? nga ai, rai ti mung,
shi n sa mat ai.
31 Dai yan hta na kadai wa mahtang kawa a ra ai lam hpe hkan galaw ma ta?,? ngu nna san mu ai.
Shanhte gaw, ?Kasha kaba ai wa rai nga ai,? ngu mu ai.
Dai rai nna Yesu gaw, ?Ngai nanhte hpe teng teng tsun made ga, kang hta ai ni hte shawa
num ni, nanhte a shawng e, Karai Kasang a
Mungdan hta shang ma ai.
32 Hpa majaw nga yang, hkalup sara Yawhan gaw nanhte kaw sa nna teng man ai lam hpe hkap la
na matu madun dan nga ai hpe nanhte n kam
sham myit dai, rai ti mung kang hta ai ni hte
shawa num ni chyawm gaw shi hpe kam sham ma ai.
(Mrk 12:1-12; Luk 20:9-19)
33 ?Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a
grup yin e nhpan kum da ai hte, dai hta e
sabyi shup na htung htu da nhtawm, langchyi
langai mi mung gap da nu ai. Dai hpang, sun
galaw sha ai masha ni hpe shap ya nna kaga
mungdan de bu hkawm sa mat wa ai. Ref 21:33:
Esa 5:1; Yer 2:21; Mrk 12:1; Kas 20:9.
34 Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai
ni hpang de, shi mayam ni hpe shangun dat mu ai.
35 Sun galaw ai ni mahtang shi a mayam ni hpe rim la nna, langai mi hpe anu kayat, langai
mi hpe sat kau mu ai hte langai mi hpe nlung
hte kabai sat kau mu ai.
36 Bai, Shawng na hta grau law hkra mayam kaga ni hpe shangun dat mu ti mung, shanhte gaw
shawng na hte maren dai ni hpe di mu ai.
37 Yawng a hpang jahtum, ?Ngai sha hpe mahtang shanhte hkungga na ma ai,? nga nna shi a kasha
hpe shanhte hpang de shangun dat wu ai.
38 Rai ti mung, sun galaw ai ni dai kasha hpe hkap mu jang, ?Ndai wa gaw sun madu a kasha rai
nna sali wunli dagraw na wa rai nga ai, sa
marit shi hpe sat kau nna shi a sali wunli
anhte la kau ya gaw,? nga nna shada da
bawng dup la ma ai.
39 Shing rai shanhte shi hpe rim la nna, sun shinggan de shapraw nhtawm, sat kau mu
ai.
40 ?Dai rai nna sun madu wa bai du wa yang, ndai sun galaw ai ni hpe shi kaning di na
mu ta?,? ngu nna san mu ai.
41 Shanhte gaw, ?Dai n hkru ai masha ni hpe shi teng teng sat kau na mu ai rai nna, sabyi
mangai aten hta jaw ra ai asi hkrak hkrak jaw
lu ai sun galaw masha kaga ni hpe, dai sun
htawt shap ya na ru ai,? ngu nna shi hpe htan
mu ai.
42 Yesu shanhte hpe tsun mu ai gaw,
?Wahpang galaw ai ni akyu n rawng ai ngu nna lata kau ai nlung gaw,
ningjut jahtum na ahkyak dik ai nlung tai wa sai.
Dai gaw, Madu a majaw byin wa sai rai nna,
anhte a man e mauhpa amu nan rai nga ai, nga ai ga hpe, nanhte dai laika hta
lang mi pyi n hti yu myit ni?
43 ?Dai rai nna ngai nanhte hpe tsun made ga, Karai Kasang a Mungdan hpe nanhte
kaw na shaw la kau nna asi atsawm sha shapraw
ya lu ai amyu hpe jaw kau na ru ai.?
44 (Dai nlung hta hkrat ai wa gaw achyen achya rai mat hkra daw hten na ra ai; gade a ntsa
e mung dai nlung hkrat bun yang gaw dai wa
gaw ayun ayaw mani mat na ra ai, ngu wu
ai.)c 21:43: Shawng nnan lata hte ka da ai
laika ni (Ancient manuscripts) nkau mi hta
ndai 21:44 hpe n shalawm ma ai. Scholar nkau
mi Luk 20:18 hte shabung nna hta bang da ma ai.
45 Hkinjawng agyi ni hte Hparishe ni chyawm gaw shi a ga shadawn ni hpe na mu yang, shi shanhte
a lam tsun nga ai ngu ai hpe shanhte chye na
mu ai.
46 Dai majaw shanhte gaw, shi hpe rim la na lam tam ma ai. Rai ti mung Yesu hpe myihtoi rai nga
ai ngu nna kam nga ai shawa masha ni hpe hkrit
da mu ai.