19
(Mrk 10:1-12)
1 Ya Yesu gaw ndai lam ni tsun ngut jang, shi Galile mung na pru wa nhtawm Yawdan hka wora
hkran Yuda mung de sa du ai.
2 Masha wunawng wuwa kaba shi kaw hkan nang ma ai rai nna shi dai yang e shanhte hpe shamai shatsai ya mu ai.
3 Hparishe nkau mi Yesu kaw sa du nna shi hpe mara rim na matu mahkam hkam ai hku maw let,
?Hpa mara a majaw mi rai rai, masha langai mi
tinang a madu jan hpe jahka kau na anhte a tara
hta ahkang jaw da nga a ni?,? ngu nna san yu mu ai.
4 Yesu gaw, ?Shawng ningpawt e hpan da ai Wa gaw, lasha yan numsha hpe hpan da nu ai.
Ref 19:4: Nin 1:27; 5:2; Mal 2:15.
5 ?De a majaw lasha gaw shi a kanu yan kawa hpe kau da nhtawm madu jan hte kanawn nna, shan
lahkawng gaw hkum shan langai sha tai lu na
mara ai,? nga nna Karai Kasang tsun ai hpe
Chyum Laika hta n hti yu myit ni?
Ref 19:5: 1Ko 6:16; 7:2; Ehp 5:31.
6 Dai majaw shan gaw lahkawng rai nga ma ai n rai, hkum shan langai sha rai nga ma ai.
Dai rai nna Karai Kasang matut da nu ai
hpe masha gaw n jahka kau u ga,? ngu nna
htan mu ai.
7 Hparishe ni gaw, ?Dai rai yang gaw, jahka ai laika jaw nna shi hpe shabawn kau lu na,
nga nna Mawshe hpa majaw hkang da nga a
hka?,? ngu mu ai. Ref 19:7: Mat 5:31; Trj 24:1-4.
8 Yesu gaw, ?Nanhte hpe sharin shaga na matu myit ja ai hte yak la nga myit dai majaw,
tinang a madu jan hpe jahka kau na ahkang,
Mawshe nanhte hpe jaw da manit dai rai nga ai.
Rai ti mung shawng ningpawt e hpan da ai aten
hta shing n nga ai.
9 Nanhte hpe ngai tsun made ga, tinang a madu jan hpe, sadi n dung nna arawn alai hten run
mat ai mara hta lai nna, kaga hpa baw mara a
majaw mung jahka kau nhtawm, num kaga hpe
hkungran la ai wa kadai mung, num shaw ai wa
rai nga ai,? ngu nna shanhte hpe tsun mu
ai. Ref 19:9: Mat 5:22; Mrk 10:11; Luk 16:18; 1Ko 7:10-11.
10 Dai rai nna shi a sape ni gaw, ?Tinang a madu jan hte madu wa a lapran dai hku rai nga yang
gaw, n hkungran yang mahtang grau mai nga ai,?
ngu mu ai.
11 Yesu shanhte hpe htan mu ai gaw, ?Ndai sharin shaga ai lam gaw, masha shagu hta akyu jashawn
lu nga ai n rai, rai ti mung Karai Kasang kaw na
karum ai lam lu la ai ni sha n hkungran ai hkam
nga lu ma ai.
12 Hpa majaw nga yang, masha nkau mi gaw kanu a hkritung nna la jasi tai mat ma ai; nkau mi gaw masha a lata hte la jasi tai mat ma ai;
bai nkau mi gaw sumsing Mungdan a akyu hpe
tau nna dinghku n de ma ai.?
(Mrk 10:13-16; Luk 18:15-17)
13 Masha nkau mi gaw, ma kaji ni a ntsa e lata mara da nna akyu hpyi ya mu ga nga nna, Yesu
hpang de shanhte hpe woi sa mu ai. Sape ni
mahtang shanhte hpe hkap daru kau mu ai.
14 Yesu chyawm gaw, ?Ma ni ngai hpang de sa maru ga, shanhte hpe hkum ban shadang myit,
hpa majaw nga yang, sumsing lamu a Mungdan
gaw dai zawn re ai ma ni a Mungdan rai nga
ai,? ngu mu ai.
15 Shaloi shanhte a ntsa e shi a lata mara ya nhtawm, dai shara na pru mat wa ma ai.
(Mrk 10:17-31; Luk 18:18-30)
16 Kalang mi na masha langai mi Yesu hpang de sa du nna, ?Sara e, nhtum nwai asak lu la hkra
kaja ai hpa baw ngai galaw ra na rai ta?,?
ngu nna san yu wu ai.
17 Yesu gaw, ?Nang gaw mai kaja ai amu hte seng ai lam, hpa rai ngai hpe san yu n ta?
Kaja ai wa Langai mi sha nga ai. Nang nan
asak hkrung ai de shang mayu n yang gaw jep
ai tara hpe hkan sa u,? ngu nna shi tsun
wu ai.
18 ?Dai wa gaw gara tara hpe mahtang rai ta?,? ngu wu ai.
Yesu gaw, ?Masha hkum sat, masha num hkum shaw, hkum lagu, n teng n man ai
sakse hkum hkam; Ref 19:18: Pru 20:13; Trj 5:17.
19 na nnu yan nwa hpe hkungga lara di u; na a htingbu wa hpe na a hkum hte maren tsaw ra
nga u,? ngu wu ai. Ref 19:19: Pru 20:12;
Trj 5:16; Jaw 19:18; Rom 13:9; Gal 5:14; Yak 2:8.
20 Dai shabrang wa gaw, ?Dai yawng mayawng hte hpe ngai naw kaji ai ten kaw nna pyi
hkan shatup se ai; hpa mahtang ngai naw
ra nga a ta?,? ngu nna shi hpe htan wu ai.
21 Shaloi Yesu gaw, ?Nang ding hpring mayu n yang gaw, wa su, nang lu ai arai ni
mahkra dut kau nna, matsan mayan ni hpe
garan jaw u; shing rai jang sumsing lamu
ntsa e sutgan ni lu na rin dai; ngai kaw
mung sa nna hkan nang rit,? ngu nna shi
hpe tsun wu ai.
22 Dai shabrang wa gaw dai ga na jang, myit yawn let byawn hprang rai wa mat
ai; hpa majaw nga yang, shi arai law
law lu su ai wa rai nga ai.
23 Dai rai nna Yesu gaw shi a sape ni hpe, ?Ngai nanhte hpe teng teng tsun made
ga, lu su ai masha ni a matu sumsing
lamu a Mungdan hta shang na nachying
wa yak la nga ai.
24 Bai, ngai nanhte hpe tsun made ga, samyit na hku gawla-uk gale na gaw naw loi na re,
sutgan lu su ai wa Karai Kasang a Mungdan
hta shang na mahtang grau yak la nga ai,?
ngu tsun wu ai.
25 Sape ni dai ga na ma yang, nachying myit mau mat ma ai hte, ?Dai rai yang gaw, kadai wa
mi hkye hkrang la hkrum lu a ta?,? ngu nna
san mu ai.
26 Yesu shanhte hpe azi mada yu nna, ?Masha a atsam hte kadai wa hpe mung hkye hkrang la na
matu dang di lu ai n rai; Karai Kasang mahtang
gaw yawng mayawng hpe dang di lu nga ai,?
ngu wu ai.
27 Shaloi Petru htan nna, ?Yu u, anhte gaw, arai yawng mayawng hpe kau da nna, nang
kaw hkan saga ai, dai rai nna anhte hpa
lu la na rai nga ga ta?,? ngu wu ai.
28 Yesu gaw, ?Ngai nanhte hpe teng teng tsun made ga, Mungkan Ga Ningnan bai shangai ai
ban prat e, dai Masha Kasha gaw shi a hpung
shingkang a tingnyang hta dung nga ai shaloi
nanhte nye a sape ni shi lahkawng mung,
tingnyang shi lahkawng hta dung lawm nna,
Israela amyu shi lahkawng hpe up nga lu na
marin dai. Ref 19:28: Mat 20:21; Luk 22:28,30; 1Ko 6:2-3; Shr 2:16.
29 Nye a majaw nta ni, kahpu kanau ni, kajan ni, kanu kawa, kashu kasha ni hte yi hkauna ni hpe
kau da ai wa kadai rai ti mung, htam latsa n ga
akyu lu la nna htani htana asak a sali wunli
hkam la na ru ai.
30 Rai ti mung ya shawng nga ai ni law law wa hpang hkrat na mara ai; ya hpang hkrat nga ai
ni law law wa shawng na mara ai. Ref 19:30:
Mat 20:16; Mrk 10:31; Luk 13:30.