18
(Mrk 9:33-37; Luk 9:46-48)
1 Dai ahkying hta sape ni gaw Yesu hpang de sa du nna, ?Sumsing lamu a Mungdan hta kadai wa mahtang grau kaba nga a ta?,? ngu nna san mu ai. Ref 18:1: Mrk 9:33; Luk 9:46.
2 Dai rai nna shi gaw ma kaji langai mi hpe shaga la nna, shanhte a ka-ang e shatsap tawn nhtawm,
3 ?Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai. Ref 18:3: Mat 19:14; Mrk 10:15; Luk 18:17; 1Ko 14:20.
4 Ndai ma kaji zawn tinang a myit shanem ai wa kadai rai ti mung sumsing lamu a Mungdan hta grau kaba ai wa tai na ra ai.
5 Ndai ma kaji zawn re ai wa langai mi hpe, nye a mying hpe tau nna hkap la ai wa kadai mung, ngai hpe hkap la nga ai.
(Mrk 9:42-48; Luk 17:1-2)
6 ?Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.
7 Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.
8 ?Na a lata, shing n rai, na a lagaw nang hpe makam masham hta myit kataw shangun n yang gaw, dai hpe kahtam dut kabai kau u! Lagaw lata hkum hkum re ai hte htani htana wan hta jahkrat kau ai hkrum na hta, lagaw shing n rai, lata n lawm ai sha asak hkrung ai de shang na gaw, grau mai nga ai. Ref 18:8: Mat 5:30; Mrk 9:43.
9 Na a myi nang hpe makam masham myit kataw shangun n yang gaw, dai hpe malawk kabai kau u! Myi lahkawng maga hkum ai hte, ngarai mung na wan hta jahkrat kau na hta, myi maga mi sha hte asak hkrung ai de shang na gaw grau mai nga ai. Ref 18:9: Mat 17:28; Mrk 9:47.
(Luk 15:3-7)
10 ?Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai. Ref 18:10: Zeh 13:7; Luk 1:19; Heb 1:14.
11 Dai Masha Kasha gaw mat mat ai ni hpe hkye la na matu du sa ai rai nga ai.b 18:10: Yawng a shawng e lata hte ka da ai laika ni (Ancient manuscripts) hta ndai (Mat 18:11) hpe shalawm da ma ai, (Luk 19:10 hpe yu u.) Nkau mi hta di kau ma ai. Ref 18:11: Luk 9:56; Luk 19:10; Yhn 3:17; 12:47.
12 ?Nanhte kaning ngu myit da mu ta? Masha langai mi sagu latsa lu nna, dai hta na langai mi dam mat yang, dai jahku shi jahku hpe kawng marawn wudat shara hkan e tawn da nhtawm, dam mat ai sagu hpe sa tam na ra ai.
13 Dai hpe mu hkrup jang, ngai teng teng nanhte hpe tsun made ga, n dam ai sagu jahku shi jahku a matu kabu gara ai hta, dai langai sha a matu grau nna kabu gara nga ai.
14 Dai hte maren, ndai ma kaji langai mi hpe pyi jahten kau ai hkrum na gaw, sumsing lamu hta nga ai nye wa gaw, n hkraw nga ai.
15 ?Na nhpu nnau wa nang hpe shut hpyit kau yang gaw, shi hpang de sa nhtawm shi a mara hpe madun u. Rai ti mung nan lahkawng hkrai chyaw rai nna jahkrum kau u. Na a ga hpe madat la yang gaw na a nhpu nnau wa hpe nang mawai la lu nit dai. Ref 18:15: Jaw 19:17; Luk 17:3; Gal 6:12; Yak 5:19: 1Pe 3:1.
16 Na a ga hpe n madat la yang gaw, marai langai lahkawng hpe naw shaga la nna hpa hku hpa lam rai ti mung nang mara madun ai lam teng nga ai lam dai Chyum Laika hta tsun da nga ai hte maren, sakse lahkawng masum a n-gup ga hte daw dan ya mu. Ref 18:16: Trj 19:15; Yhn 8:17; 2Ko 13:1; 1Tm 5:19.
17 Shanhte a ga hpe shi n madat hkraw a yang gaw, dai lam yawng mayawng dai hpung hpe sa shana ya mu. Hpang jahtum dai hpung hpe mung n madat hkraw a yang gaw, tara maigan wa shing n rai, kang hta ai wa hpe zawn na a man e shi rai u ga.
18 ?Ngai nanhte hpe teng teng tsun made ga, dinghta ga hta nanhte hkum da mada gaw, sumsing lamu hta mung hkum da ai hkrum na mara ai. Dinghta ga hta nanhte ahkang jaw majaw gaw, sumsing lamu hta mung ahkang jaw ai hkrum na mara ai. Ref 18:18: Mat 16:19; Yhn 20:23.
19 Bai ngai nanhte hpe naw tsun made ga, nanhte hta na marai lahkawng dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw shan a matu dai hpe shatup ya na mu ai.
20 Hpa majaw nga yang marai lahkawng masum nye a mying hpe gang nna zuphpawng nga ma yang gaw, dai yang shanhte a ka-ang e ngai mung lawm nga nngai,? ngu mu ai.
21 Shaloi Petru gaw Yesu kaw sit sa nna, ?Madu e, nye a hpu nau wa ngai hpe bai shut shut rai yang gaw, ngai gade lang shi a mara hpe raw kau nga lu na rai ta? Sanit lang du hkra rai ni?,? ngu wu ai.
22 Yesu gaw, ?Ngai nang hpe tsun de ga, sanit lang du hkra sha n rai, sanit shi e htam sanit lang du hkra mai rai nga ai,? ngu wu ai. Ref 18:22: Mat 6:14; Mrk 11:25; Kol 3:13.
23 Dai rai nna sumsing lamu a Mungdan gaw, shi a mayam ni hpe jahpan jep san mayu ai hkawhkam wa langai mi hte bung nga ai.
24 Shi gaw jahpan jep san hpang wa yang, gumhpraw lap sen law law hka kap ai masha langai mi hpe shi kaw woi sa mu ai.
25 Dai shangun ma wa gaw hka wa na hpa mung n lu ai majaw, mayam hpe zawn shi hte rau shi a madu jan, shi a kasha ni hte shi lu malu yawng hte hpe dut kau nna hka wa u ga, ngu nna hkawhkam wa hkang da wu ai.
26 Dai majaw shangun ma wa gaw lahput hput di nna shi hpe nawku let, ?Ngai hpe matsan naw dum la e law, ngai mahkra nang hpe bai wa na de ai,? ngu wu ai.
27 Dai rai nna, hkawhkam wa gaw shi hpe matsan dum nna, shi hka raw kau ya nna dat dat wu ai.
28 ?Shaloi shangun ma dai wa nan pru hkawm nna shi kaw pyeksan latsa hka kap ai mayam manang langai mi hpe hkrum jang, shi hpe magra dun la nna du manat da ya let, ?Ngai hpe jaw ra ai hka wa rit!,? ngu wu ai.
29 Shi a shangun ma manang wa gaw kadawng taw nna lahput hput di let, ?Ngai hpe matsan dum la rit, ngai nang hpe wa na de ai!,? ngu nna hpyi nem wu ai.
30 Rai ti mung shi n hkraw wu ai hta n ga, hka wa kau ai ten du hkra htawng hta e shi hpe jahkrat da wu ai.
31 Shi a shangun ma manang ni dai hpe mu hkrup mu yang, shanhte nachying myit yu machyi ya mu ai rai nna, dai byin mabyin a lam shanhte a hkawhkam wa hpe shana dan mu ai.
32 Shaloi jang shi gaw dai shangun ma hpe shaga la nna, ?Akyu n rawng ai yamti, nang ngai hpe hpyi nem ai shaloi nang kap ai hka yawng ngai raw kau ya sade ai.
33 Ngai nang hpe matsan dum de ai hte maren, na a mayam manang wa hpe mung, nang matsan mai dum ndai n rai ni?,? ngu wu ai.
34 Hkawhkam wa mung masin pawt nna, shi hka wa ma ai ten du hkra ari jaw na matu htawng hta e bang da wu ai.?
35 ?Shing rai nanhte hta na kadai wa rai ti mung, tinang a hpu nau wa a mara hpe myit masin yawng hte n raw dat kau ya myit yang gaw, sumsing lamu na nye Wa mung, nanhte hpe tai htang na marin dai,? ngu wu ai.