12
(Mrk 2:23-28; Luk 6:1-5)
1 Dai hpang gade n na yang, Yesu gaw Bansa Nhtoi e hkaulan mam yi hku ga lai hkawm wa ai. Shi a sape ni gaw, kawsi hkrum ma ai rai nna mam
nsi di la nhtawm, kayup sha ma ai. Ref 12:1: Trj 23:25; Mrk 2:23-28; Luk 6:1-5.
2 Hparishe ni dai hpe mu jang, shanhte gaw, ?Yu mu, Bansa Nhtoi e n mai galaw ai amu, na a sape
ni galaw ma ai!,? ngu nna Yesu hpe tsun mu
ai.
3 Yesu gaw, ?Dawi gaw shi kaw hkan nang ai ni hte rau kawsi hkrum ma yang, hpa galaw ma ai
lam kalang mi mung n hti yu myit ni? Ref 12:3: 1Sa 21:1-6.
4 Shi gaw Karai Kasang a nta de shang nna hkinjawng ni hta lai nna kadai mung n mai sha ai madun da ai muk ni hpe, tara hte n htan shai rai tim shi hte shi a masha ni la sha manu ai. Ref 12:4: Pru 25:30; Jaw 8:31; 24:5,9.
5 Bai Bansa Nhtoi shagu dai Nawku Htingnu hta nga ai hkinjawng ni gaw, Bansa Nhtoi hte seng ai tara hpe tawt lai ma ti mung, mara n nga ai
lam Mawshe a Tara laika hta nanhte n hti
yu myit ni? Ref 12:5: Bhk 28:9-10; Yhn 7:22.
6 Ngai nanhte hpe tsun made ai gaw, dai Nawku Htingnu hta grau kaba ai wa mahtang gaw, nang e rai nga ai.
7 ?Dusat hkungga jaw ai lam n rai, matsan dum ai lam hpe sha ngai ra nngai,? nga nna Chyum
laika hta ka da ai ga a lachyum hpe nanhte kaja
wa chye mu taw gaw, mara n kap ai ni hpe
nanhte mara shagun na myit dai n rai. Ref 12:7: Mat 9:13; Hos 6:6; Mik 6:6-8.
8 Hpa majaw nga yang, dai Masha Kasha gaw, Bansa Nhtoi a Madu rai nga ai, ngu mu ai.
(Mrk 3:1-6; Luk 6:6-11)
9 Yesu gaw dai shara kaw nna pru hkawm mat wa nhtawm, tara jawng langai mi hta shang wu
ai.
10 Ya dai tara jawng hta lata katsing si ai masha langai mi nga ai. Dai kaw masha nkau
mi mung nga ma ai rai nna, shanhte gaw
Yesu hpe mara shagun mayu mu ai majaw,
Bansa Nhtoi hta e mai shamai ya a ni? ngu
nna shi hpe san mu ai.
11 Yesu gaw, ?Nanhte hta sagu langai mi lu ai masha lawm nna, dai sagu gaw Bansa Nhtoi e
nhkun hta hkrat yang, dai hpe n dun shaw la
ai wa langai mi nga na a ni? Ref 12:11: Pru 23:4-5; Trj 22:4.
12 Masha gaw sagu langai mi hta grau hpu nga ai n rai ni? Dai rai nna, Bansa Nhtoi hta amu
kaja galaw na sut nga ai, ngu mu ai.
13 Shaloi shi gaw dai wa hpe, ?Na lata ladawn u,? ngu wu ai. Dai wa gaw lata hpe
ladawn dat wu yang, maga mi na zawn majing
rai mai mat lu ai.
14 Hparishe ni chyawm gaw tara jawng na pru mat wa nna, shi hpe kaning di sat kau lu na
lam bawng nga ma ai.
15 Yesu dai hpe chye jang, kaga de htawt mat wa ai; Masha law law mung shi kaw hkan nang ma
ai. Machyi makaw hkrum ai ni yawng hpe shi
shamai ya mu ai.
16 Rai ti mung, shi a lam n tsun shabrawng dat mu ga, shanhte hpe shi hkang dat mu ai.
17 Ndai hku hkang da ra ai lam gaw, myihtoi Esaia a n-gup hku nna Karai Kasang tsun
ai ga dik wa na matu rai nga ai. Dai gaw;
18 ?Ngai lata la ai, nye a shangun ma,
ngai tsaw ra ai hte sharawng awng ai wa hpe yu mu.
Nye a Wenyi shi a ntsa e ngai bang da ya nna,
shi gaw nye a daw dan ai lam hpe masha amyu ni hpang de tsun dan na wu ai.
Ref 12:18: Mat 17:5; Esa 42:1-4.
19 Shi gaw tsun dangrang ai lam, shing n rai, jahtau ai lam galaw na ra ai n rai.
Shi a nsen hpe lam hkan e kadai mung na lu na mu ai n rai.
20 Shi gaw kadang taw nga sai mai-aw hpe shadaw na ra ai n rai;
Kachyi mi sha tu gala nga ai wan kawk hpe gawut sat kau na ra ai n rai.
Shi gaw teng man rap ra ai hte awng padang hkam la lu ai aten du hkra,
shakut shaja na ra ai.
21 Masha amyu ni yawng mung, shi hta myit mada shara lu la na mara ai,? nga ai rai nga ai.
(Mrk 3:20-30; Luk 11:14-23)
22 Dai shaloi jang, myi kyaw ai hte n chye shaga ai nat kap ai wa langai mi hpe shi kaw woi
bang mu ai. Yesu gaw dai wa hpe shamai ya
wu ai rai nna, n chye shaga ai wa gaw shaga
lu ai hte myi mu lu nu ai.
23 Dai majaw shawa masha ni mau mahka nna, ?Ndai wa gaw Dawi a Kasha rai nga a hka!,? nga nna tsun shajang ma ai.
24 Hparishe ni dai hpe na ma ai shaloi, ?Ndai wa gaw nat ni a du wa Bezebula jaw ai n-gun atsam
hte n rai yang gaw, nat ni hpe shaden kau lu na
n rai,? nga ma ai. Ref 12:24: Mat 9:34; Mrk 3:22; Luk 11:15.
25 Yesu gaw, shanhte hpa baw myit mang nga ma ai hpe chye ya mu ai majaw, shi shanhte hpe
tsun mu ai gaw, ?Mungdan langai mi hta masha
ni gaw myit n hkrum nna shada da gasat hkat
nga yang gaw dai mungdan na na grin na n rai.
Gara mare, gara nta dinghku rai tim, myit
n hkrum nna shada da gasat hkat ma yang gaw
bra garan mat na mara ai.
26 Dai rai nna Satan gaw Satan hpe shaden kau ai rai yang gaw, shi a mungdan gaw kaning rai grin
nga lu na rai ta?
27 Ngai gaw Bezebula jaw ai n-gun atsam hte she, nat ni hpe shaden kau mawe ai rai yang gaw,
nanhte a hpang hkan ai ali ama ni gaw gade a
n-gun atsam hte nat ni hpe shaden kau nga
ma ta? Nanhte shut nga ai hpe nanhte a ali ama
ni galaw ai lam e nan sakse hkam ya nga sai.
28 Ngai gaw Bezebula a n-gun atsam hte n rai, Karai Kasang a Wenyi atsam hte nat ni hpe
shaden kau nngai. Dai hku teng yang gaw,
Karai Kasang a Mungdan nanhte kaw du sai rai
nga ai.
29 ?N-gun ja ai wa hpe shawng n gyit kau yang gaw, shi a arai kashun la na, n-gun ja ai
wa a nta nhku de kadai shang lu na rai ta? Shi hpe
Shawng gyit da yang she shi a nta hpe hpya
la lu na rai nga ai. Ref 12:29: Esa 49:24; Luk 11:21-23.
30 ?Ngai hpang maga de n nga ai wa gaw, nye a gumlau maga de rai nga ai: ngai hte kahkyin
gumdin n re ai wa gaw ayai aya rai nga ai. Ref 12:30: Mrk 9:40.
31 Dai majaw ngai nanhte hpe teng teng tsun made ga, yubak hte shatan nhkan ga amyu
myu hpe masha kaw na raw dat kau lu na lam
hku nga ai; rai ti mung, Wenyi hpe shatan
nhkan ai ga a matu gaw mara raw dat kau lu
na lam n nga ai.
32 Dai Masha Kasha hpe ga hte shut hpyit ai wa kadai hpe mung, mara raw dat kau ya na lam
hku nga ai; Chyoi pra ai Wenyi hpe ga hte shut
hpyit ai wa chyawm gaw, ndai prat hta rai ti mung,
hpang na prat hta rai ti mung, raw dat kau ya
hkrum na n rai. Ref 12:32: Yhn 7:12, 1Tm 1:13.
(Luk 6:43-45)
33 ?Kaja ai asi lu na matu kaja ai hpun hkai ra ai. N kaja ai hpun gaw n kaja ai asi si na ra ai.
Asi hpe yu nna hpun hpe chye ginhka lu nga ai.
Ref 12:33: Luk 6:43-44.
34 Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta?
Hpa majaw nga yang, kraw hta hpring chyat nga
ai kaw na, n-gup de tsun nga ai.
Ref 12:34: Mat 3:7, 23:33; Luk 6:45.
35 Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa
mahtang gaw, n kaja ai sut dek hta na n kaja
ai arai ni shapraw wu ai.
36 Nanhte hpe ngai tsun made ga, Tara Dara ai Nhtoi hta e, masha ni gaw tinang a
akyu n nga ai hku tsun kau yu ga sai ga ni
a matu jahpan dan nna jeyang daw dan ai hkrum
na mara ai, ngu mu ai.
37 Nanhte mara lu ai n lu ai ngu ai hpe nanhte tsun shaga ai ga hte maren daw dan
ai hkrum na marin dai,? ngu mu ai.
(Mrk 8:11-12; Luk 11:29-32)
38 Dai shaloi tara sara nkau mi hte Hparishe nkau mi shi hpe htan nna, ?Sara e, nang lamik
kumla langai mi galaw dan ai hpe anhte mu mayu
ga ai,? ngu mu ai. Ref 12:38: Mat 16:1;
Mrk 8:11; Luk 11:16,29; Yhn 2:18; 1Ko 1:22.
39 Yesu gaw htan let shanhte hpe tsun mu ai gaw, ?N hkru ai hte shut hpyit ai amyu gaw lamik kumla
tam ma ai; myihtoi Yona a lamik kumla hta kaga;
hpa lamik kumla mung; shanhte hpe n dan na nme ai.
Ref 12:39: Mat 16:4; Luk 11:29-32.
40 Yona gaw shani masum ya hte shana masum na du hkra, dai nga kaba a kan kata e rawng
nga ai hte maren, dai Masha Kasha mung,
shani masum ya hte shana masum na du hkra
ga a sung ai kata e rawng nga na ra ai.
Ref 12:40: Mat 8:20; Yon 1:17.
41 Ninewe masha ni gaw Yona a hkaw tsun ai ga hpe na nna shanhte a yubak mara ni kaw na
myit malai lu ma ai. Dai rai nna Tara Dara
ai Nhtoi hta e shanhte rawt nna nanhte hpe
mara shagun na marin dai; ngai nanhte hpe
tsun made ga, ndai yang e Yona hta grau
kaba ai wa nga nga ai. Ref 12:41: Yon 1:2; 3:5.
42 Hkawhkam num Sheba gaw hpaji rawng ai Shawlumon a ga hpe madat mayu nna tsan la ai dingda mungdan kaw nna du sa wa ai. Dai rai nna Tara Dara ai Nhtoi hta shi rawt nna nanhte hpe mara shagun na marin dai. Ngai nanhte hpe tsun made ga, ndai yang e Shawlumon hta grau kaba ai wa nga nga ai. Ref 12:42: Mat 12:6,41; 1Hk 10:1-10; 2Hl 9:1.
(Luk 11:24-26)
43 ?Dai n seng ai nat chyawm gaw, masha langai mi hta na pru nhtawm, hkun hkraw ai shara
hkan e hkawm sa wa nna hkring sa na shara
tam wu ti mung, n mu nu ai.
44 Shaloi shi gaw, ?Ngai pru kau da se ai nta de, ngai nhtang wa na nngai,? nga ai; bai du
wa yu yang, dai nta gaw asan awan di nna ye
kau ai hte shatsawm da ai hpe mu nu ai.
45 Shaloi shi nhtang sa nna, shi hta grau n hkru ai nat sanit hpe shaga wa nhtawm shanhte shang
nna dai yang e arawng nga ma ai; dai rai nna,
dai masha a nsam gaw, shawng na hta grau
ru wa lu ai. Dai hte maren ndai prat na n
hkru ai amyu hta byin wa na ra ai,? ngu mu
ai.
(Mrk 3:31-35; Luk 8:19-21)
46 Shawa masha ni hpe Yesu ga naw shaga nga yang, shi a kanu hte kanau ni gaw, shi hte ga tsun na nga nna shinggan e la tsap nga ma ai.
47 Dai rai nna marai langai mi gaw, ?Na nnu hte nnau ni, nang hte ga tsun mayu ai nga nna
shinggan e la tsap nga ma ai,? ngu mu
ai.
48 Yesu gaw, ?Ngai nu hte ngai nau ni gaw, kadai ni rai nga ma ta?,? ngu mu ai.
49 Bai shi a sape ni hpang de shi a lata ladawn nna,
50 ?Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai
nga ma ai,? ngu nna tsun mu ai.