12
(2Hl 10:1-19)
1 Rehoboam gaw dingdung maga de nga ai Israela masha ni yawng shi hpe hkawhkam shatai na matu jawm hpawng nga ai Shehkem mare de sa wa wu ai.
2 Hkawhkam Shawlumon kaw nna hprawng mat wa nhtawm Egutu mung de du mat wa ai Nebat a kasha Yeroboam dai shiga hpe na jang, Egutu mung kaw nna nhtang wa wu ai.
3 Dingdung amyu bawsang ni a amyu masha ni gaw shi hpe shaga la nhtawm shanhte yawng rau sha Rehoboam hpang de sa nna
4 shi hpe, ?Na a nwa Shawlumon gaw anhte hpe laja lana di nna anhte a ntsa e li ai lit mara da ya mi ai. Nang rai nna dai lit ni hpe shatsang kau ya nhtawm anhte a matu hkyamsa shangun lu ai rai yang, anhte gaw na a npu e sadi sahka hte taw nga na ga ai,? ngu nna tsun ma ai.
5 Shaloi shi gaw, ?Masum ya ngu na shani e bai sa wa mi; ngai nanhte hpe nye a mahtai jaw na made ai,? ngu nna tsun htang wu ai. Shing rai shanhte mung pru mat wa ma ai.
6 Hkawhkam Rehoboam gaw shi a kawa Shawlumon a prat hta hpaji jaw amu galaw ya nga ai asak kaba sai masha ni hte bawng yu wu ai. Shi gaw, ?Ndai masha ni hpe mahtai jaw na matu nanhte ngai hpe kaning rai hpaji jaw lu na rai myit ta?,? ngu nna san wu ai.
7 Shanhte gaw, ?Ndai amyu masha ni hpe nang atsawm sha galaw daw jau mayu ndai rai yang, shanhte hpyi lajin ai lam hpe ra sharawng ai ga ngwi ga pyaw hte mahtai jaw u, shaloi shanhte nang hpe sadi dung let tut nawng daw jau nga na mara ai,? ngu nna tsun htang mu ai.
8 Rai ti mung shi chyawm gaw asak kaba sai masha ni a hpaji jaw ga hpe hpa n sawn kau ya ai hte ya e shi a hpaji jaw masha tai nga sai shi hte rau kaba wa ai shabrang ni hpang de sa nna,
9 ?Shanhte a lit ni hpe shatsang ya mi ga nga nna ngai hpe sa san ai dai amyu masha ni hpe ngai kaning ngu tsun na rai nga a ta? Nanhte ngai hpe kaning rai galaw na lam hpaji jaw na rai myit ta?,? ngu nna shi san wu ai.
10 Shaloi shanhte gaw, ?Nang shanhte hpe ndai hku tsun na rai ndai: ?Nye a yunghkyi gaw nye wa a nshang hta grau htat nga li ai!?
11 Shanhte hpe, ?Nye wa gaw nanhte a ntsa e li ai lit ni hpe mara da ya manit dai; ngai gaw dai ni hpe grau li hkra naw jat ya na nngai. Shi gaw nanhte hpe ri sumri lasik hte kayat ai; ngai chyawm gaw nanhte hpe hpri ju kap ai sumri hte anu kayat na made ai!,?? ngu nna tsun htang mu ai.
12 Ya masum ya lai jang, shi shanhte hpe matsun dat wu ai hte maren, Yeroboam hte amyu masha ni yawng Hkawhkam Rehoboam hpang de nhtang sa wa ma ai.
13 Hkawhkam wa gaw asak kaba sai masha ni a hpaji jaw ga hpe hpa n sawn kau ya ai sha,
14 shi a shabrang ni hpaji jaw da sai hte maren amyu masha ni hpe sheng mareng nga nna tsun let, ?Nye wa gaw nanhte a ntsa e li ai lit ni hpe mara da ya manit dai; ngai gaw dai lit ni hpe grau li hkra naw jat ya na made ai. Shi gaw nanhte hpe sumri lasik hte kayat ai; ngai chyawm gaw nanhte hpe hpri ju kap ai sumri lasik hte anu kayat na made ai!,? ngu nna tsun wu ai.
15 Dai gaw Shilo mare na myihtoi Ahiya hku nna Nebat a kasha Yeroboam hpe tsun da sai ga hpe byin shangun na matu dai Madu a myit ra ai lam rai nga ai. Dai re ai majaw hkawhkam wa gaw amyu masha ni a ga hpe hpa zawn n nawn ya mu ai.
16 Hkawhkam wa gaw shanhte a ga n madat ya nga ai hpe amyu masha ni mu jang, shanhte gaw, ?Dawi hte shi a dinghku masha ni hpe yeng kau gaw! Anhte a matu shanhte hpa galaw ya nga ma sata? Israela masha ni e, nta de she wa mat saga law! Rehoboam shi hkum shi nan yu la sanu ga!,?? ngu nna jahtau tsun mu ai.
Dai rai nna Israela amyu masha ni gumlau rawt nhtawm,Ref 12:16: 2Sa 20:1.
17 Rehoboam hpe Yuda mung e shanu nga ai amyu masha ni a hkawhkam hku nna sha shatai shangun kau mu ai.
18 Dai hpang Hkawhkam Rehoboam gaw magam bungli hpe woi hpareng ai Adoniram hpe Israela masha ni hpang de sa shangun dat wu ai; rai ti mung shanhte gaw shi hpe nlung hte kabai sat kau mu ai. Dai lam a majaw, Rehoboam gaw shi a gumra leng kata de tin tin gat shang wa nhtawm Yerusalem mare de hprawng mat wa wu ai.
19 Dai aten kaw nna Dingdung mungdan de na Israela amyu masha ni gaw Dawi a hkawhkam dap matu ni hpe gumlau nga masai.
20 Yeroboam gaw Egutu mung na bai nhtang wa sai lam Israela amyu masha ni na jang, amyu masha ni hpawng nga ai de sa wa na matu saw shaga dat nhtawm, shi hpe Israela hkawhkam shatai da mu ai. Yuda amyu bawsang langai chyu sha Dawi a amyu matu ni hta sadi naw dung nga ma ai.
(2Hl 11:1-4)
21 Rehoboam gaw Yerusalem mare de du jang, Yuda hte Benyamin amyu bawsang ni kaw na kaja htum ai hpyenla 180,000 hte hpe shi shaga hpawng da wu ai. Shi gaw majan gasat nhtawm dingdung maga de na Israela amyu bawsang ni hpe shi a up hkang ai npu hta bai nhtang jashawn lu na matu shatawng shada da wu ai.
22 Rai ti mung Karai Kasang gaw myihtoi Shemaia hpe,
23 ndai mungga Rehoboam hpe mung, Yuda hte Benyamin amyu bawsang hta na amyu masha ni hpe mung jaw ya na matu tsun wu ai:
24 ?Israela amyu masha, na a nhpu nnau majing ni hpe sa gasat lu na myit dai n rai; nanhte yawng tinang nang a nta de bai wa manu. Byin lai mat sai lam gaw nye a myit ra ai lam rai nga li ai.? Shanhte yawng gaw dai Madu a hkang da ai ga hpe madat mara nna, tinang nang a nta de nhtang mat wa shajang ma ai.
25 Israela hkawhkam Yeroboam gaw Ehprim bum ga Shehkem mare hpe bunghku kum nhtawm dai yang e tawng marang mi sa nga nga wu ai. Dai hpang shi pru mat wa nhtawm Penuela mare hpe bunghku kum da wu ai.
26-27 Shi gaw, ?Nye a amyu masha ni Yerusalem mare de sa nna ya nga nga ai arung arai ni hte maren, dai yang na Nawku Htingnu kata, dai Madu hpe shagu hkungga ni nawng ya ai rai yang, shanhte gaw Yuda Hkawhkam Rehoboam hpang maga de myit bai machyu wa nna, ngai hpe sat kau na mara ai,? ngu nna shi a myit masin hta tsun wu ai.
28 Dai lam hpe myit yu ngut jang, aja hte dumsu usu lahkawng jaw nhtawm shi a amyu masha ni hpe, ?Yerusalem mare de wa lung nawku na, nanhte a matu hkrun lam galu sa wa ra nga myit dai. Dai re ai gaw Israela amyu masha ni e, Egutu mung kaw nna nanhte hpe woi shapraw wa ai nanhte a karai ni gaw nang e nga nga ai law!,? ngu nna tsun wu ai.Ref 12:28: Pru 32:4.
29 Shi gaw aja usu langai mi hpe Behtela e mung, bai kaga langai mi hpe Dan mare e mung tawn da wu ai.
30 Dai rai nna Behtela hte Dan mare ni hta sa nawku ma ai majaw amyu masha ni yubak mara galaw kau mu ai.
31 Yeroboam gaw kawng pungding ntsa hkan e nawku shara ni hpe gap da wu ai hte Lewi amyu bawsang n re ai dinghku ni hta na hkinjawng ni hpe shi lata san da wu ai.
32 Yeroboam gaw Yuda mung e galaw ai poi zawn shata matsat a shi manga ya shani e nawku htung hte seng ai poi langai galaw na matu lajang tawn da wu ai. Behtela mare na tawn hkungri ntsa e shi galaw da sai aja dumsu usu ni hpe shagu hkungga nawng ya nna shi gap ai nawku shara ni hta daw jau amu galaw na hkinjawng ni hpe mung dai Behtela mare e tawn da wu ai.
33 Shi nan masat tawn ai dai shata matsat a nhtoi shi manga ya shani e, Behtela de shi lung wa nhtawm Israela amyu masha ni a matu shi lajang da ya nu ai poi hta tawn hkungri ntsa shagu hkungga nawng ya wu ai.