48
1 Yuda kaw na yu hkrat wa ai Israela amyu
masha ni e, ndai lam madat mu.
Nang gaw dai Madu a mying hte dagam nna,
Israela a Karai Kasang hpe nawku na matu tsun ndai,
rai ti mung nang tsun ai ga hkum mi hpe lachyum n shapraw nga ndai.
2 Ti mung nang gaw chyoi pra ai mare a mare masha ni
rai nga ga ai ngu nna mung,
Israela a Karai Kasang ngu shamying ai Chyahtum Chyalai N-gun rawng ai dai Madu
hta shamyet shanat ga ai ngu nna mung, gumrawng gumra tsun nga ndai.
3 Dai Madu gaw Israela hpe,
?Moi na lam hpa byin wa na hpe ngai tau tsun ni ai;
dai hpang ngai gaw dai hpe akajawng sha shabyin nngai.
4 Nang gaw hpri zawn ja nna garai n kapru ai
magri mang zawn du ja nga na sakse madun nga ndai gaw ngai chye nngai.
5 Dai rai nna, ngai gaw na a du na ra ai aten a lam hpe moi kaw nna tau tsun da ni ai.
Dai gaw na a tawk la ai hpara sumla ni hte jaw la ai sumla ni gaw dai lam ni hpe
shabyin dat ai re ngu tsun nga ai kaw nna, shangap kau na matu rai nga ai.
6 ?Ya chyawm gaw ngai tau tsun da sai amu ni byin nga sai;
nang gaw ngai tau tsun da sai ga ni teng nga sai hpe yin la na rai ndai.
Ngai gaw shawng de garai n madun yu ai mabyin \q2 lam ni ngu ai byin wa na ningnan lam ni hpe tsun dan na nngai.
7 Ya na lang chyawm gaw dai lam ni hpe ngai shabyin dat nga nngai;
dai gaw lai sai aten hta, dai zawn re ai lam hpa mung n byin yu nga ai.
Dai lam byin ai rai yang, dai hte seng ai lam yawng mayawng nang chye nga ai hpe tsun na rai ndai.
8 Nang gaw gumlau wa langai zawn mying gumhkawng nga ndai rai nna,
nang hpe n kam lu ai gaw ngai chye sani ai.
Dai re ai majaw ndai amu hpe nang galoi mung n na yu nga ndai,
de a ga hkaw mi pyi na a na de galoi mung n shang ai majaw rai nga ai.
9 ?Amyu masha ni gaw nye a mying hpe shakawn kungdawn lu na matu,
nye a masin kahtet ai myit hpe ngai dip da nngai;
Ngai gaw nang hpe n jahten kau u ga, hkam sharang nga nngai.
10 Wan htung hta gumhpraw jen yu ai zawn,
ngai gaw nang hpe nni nkri ngu ai wan hta chyam dinglik yu ni ai.
Rai ti mung, nang gaw hpa akyu mi n rawng nga ndai hpe ngai mu ni ai.
11 Ngai galaw ai amu gaw nye a matu rai nga ai-
Ngai gaw nye a mying hpe jahpoi jahkrum shangun na n rai,
nye a hpung shingkang hpe kadai hpe mung garan ya na n rai,
dai gaw nye a matu hte nye a matu chyu sha rai nga ai,? ngu nna tsun ai.
12 Dai Madu gaw,
?Ngai shaga la sai Israela amyu masha ni e, nye a ga madat mu!
Ngai gaw Karai Kasang rai nga nngai, shawng na wa mung, hpang jahtum na wa mung rai nga nngai, ngai chyu sha Karai Kasang rai nga nngai! Ref 48:12: Esa 44:6; Shr 1:17; 22:13.
13 Nye a lata hte ginding aga a npawt nhpang ni hpe gaw da nna,
sumsing lamu ni hpe kahpyan da nngai.
Ginding aga hte sumsing lamu hpe ngai shaga dat ai shaloi,
dai ni kalang lata du sa nna nga sharat madun dan ma ai.
14 ?Nanhte yawng zup hpawng ai hte madat mu!
Ngai lata da sai masha wa gaw Babelon hpe gasat na lam
karai ni kadai mung tau tsun lu ma ai n rai;
shi gaw ngai shi hpe galaw shangun mayu ai amu hpe galaw na ra ai.
15 Ngai gaw shi hpe tsun ai wa hte shaga ai wa rai nga nngai;
ngai gaw shi hpe lakawn ai hte awng dang lam jaw nngai.
16 ?Ya chyawm gaw ngai hpang de sit sa wa mi, ngai tsun ai ga na la mu.
Shawng npawt kaw nna ngai gaw dan dan leng leng tsun ni ai hte
nye a ga tut nawng teng man nga li ai,? ngu nna tsun ai.
(Ya chyawm gaw Tsaw Htum ai dai Madu gaw ngai hpe shi a daru magam n-gun jaw ya ai hte ngai hpe shangun dat ni ai.)
17 Nang hpe hkye la ai dai Madu Israela \q2 a chyoi pra ai Karai Kasang gaw ning nga tsun ai:
?Ngai gaw na a mai kaja lam a matu nang hpe sharin achyin ya mayu ai wa hte
nang hkawm sa mai ang ai lam hta nang hpe lakawn la ai wa
dai Madu na a Karai Kasang rai nga nngai.
18 ?Nye a hkang da ai ga hpe nang madat mara nga ai rai yang chyu sha,
galoi mung n hkyet mat chye ai hka shi hka zawn,
shaman chyeju gaw na a matu lwi hkrat wa na ra ai.
Awng padang gaw panglai hkin-gau de hkaleng ni katsu taleng lung wa ai zawn
nang hta dan pru wa na ra ai.
19 Na a aru arat ni gaw zaibru tum ni zawn law htam wa nna,
shanhte gaw galoi mung jahten kau n hkrum na rai nga ai hpe ngai shangang shakang da se ai.?
20 Babelon mung kaw na pru wa mu, ndut ndang pru wa mu!
?Dai Madu gaw shi a shangun ma Israela hpe hkye la nu ai!,? ngu nna
dai hpe mungkan shara shagu hkan tsun shabra mu; dai shiga hpe kabu gara jahtau tsun mu. Ref 48:20: Shr 18:4.
21 Dai Madu gaw shi a amyu masha ni hpe kahtet nna hkun hkraw ai zaibru jang hku woi wa yang,
shanhte hpang gara hkrum ma ai n rai.
Shi gaw shanhte a matu lunghkrung kaw na hka shapraw ya nu ai;
shi gaw lunghkrung hpe kayat hpaw nna hka lwi shangun wu ai.
22 Dai Madu gaw, ?Yubak kap ai ni a matu shim lum lam n nga nga ai,? ngu nna tsun ai. Ref 48:22: Esa 57:21.