47
1 Dai Madu gaw,
?Babelon e, na a tingnyang kaw na yu wa nna,
ga ntsa na nhpu hta dung nga u.
Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai,
rai ti mung nang gaw galoi mung nu nu nai nai rai nga ai n rai!
Ya chyawm gaw nang mayam rai nga nit hka!
2 Htumrin nlung gang kayin u! Shadung rin u!
Na a myi man magap sumpan gun kau u! Reng ai na a hpun palawng ni hpe raw kau u!
Hka rap na matu na a labu shalun u!
3 Amyu masha ni gaw nang singgu krin rai nga ai hpe mu na mara ai;
shanhte gaw nang shagrit kau hkrum ai hte kaya kahpa hkrum sai hpe mu na mara ai.
Ngai matai dawk na nngai, kadai mung ngai hpe jahkring lu na n rai,? ngu nna tsun ai.
4 Israela a chyoi pra ai Karai Kasang gaw anhte hpe shalawt mi ai,
shi a amying gaw Chyahtum Chyalai N-gun rawng ai dai Madu rai nga ai.
5 Dai Madu gaw Babelon hpe,
?Atsin sha hte nsin e dung nga u;
shanhte gaw nang hpe masha amyu baw ni a hkawhkam jan ngu nna, galoi mung tsun na mara ai n rai!
6 Ngai gaw nye a amyu masha ni hpe masin pawt ni ai;
ngai gaw shanhte hpe nye a matu zawn kachyi mi mung n sawn ai sha di kau ni ai:
Ngai gaw shanhte hpe na a daru magam n-gun npu hta tawn da ni ai,
nang shanhte hpe matsan dum myit n madun ndai,
asak kaba sai ni hpe pyi laja lana di nga ndai.
7 Nang gaw prat ting na hkawhkam jan zawn myit nawn kau nga ndai,
na a myit masin hta ndai amu ni hpe n myit ndai,
dai amu gara hku htum mat na hpe nang n myit ndai.
8 ?Pyaw daw kadaw ai hpe tsaw ra ai wa e, ndai lam madat u,
nang gaw shim nga nngai ngu nna myit nga ndai.
Nang gaw Karai Kasang zawn galu kaba nna,
nang zawn re ai wa mi kadai n nga nga ai, nga nna tsun ndai.
Nang gaw gaida jan langai zawn galoi mung byin na n rai,
na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.
9 Rai ti mung lani jan na chyahkring mi na aten hta,
ndai amu lahkawng byin wa na ra ai.
Nang gaw mandan lakle hpaji mahkra lang ti mung,
na a madu wa hte kashu kasha ni sum mat na mara ai.
10 ?Nang gaw na a n hkru ai amu hta nang nan myit machyu nga ndai;
kadai mung nang hpe n mu lu ma ai ngu, nang myit nawn la nga ndai.
Na a hpaji byeng-ya hte machye machyang gaw nang hpe lam woi shadam kau nga sai.
nang gaw na a kraw kata hta, ?Ngai gaw Karai Kasang rai nga nngai,
ngai hte bung ai mi kadai n nga nga ai,? nga nna tsun ndai.
11 Tsin yam tsindam gaw na a ntsa e du wa na ra ai,
na a mandan lakle hpaji hpa hte mung dai hpe jahkring lu na n rai.
Nang galoi mung yup mang n mang yu ai hten run lam gaw
nang kaw akajawng sha du wa na ra ai.
12 Na a mandan lakle hpaji hte lakhpoi hpaji mahkra hta machyu nga u;
nang gaw dai ni hpe na a ram prat kaw nna akyu jashawn nga ndai.
Dai hpaji ni gaw nang hpe lam maga mi hku karum ya lu nhten;
na a gumlau hpyen ni hpe nang jahkrit lu na nhten.
13 Nang gaw hpaji jaw ga lu ti mung daru magam n-gun kata rai nga ndai.
Na a gumhpan hpan sara ni, shagan hpe hka ja ai ni hte shata langai hpang langai du na ra ai aten
na gumhpan hpan ai ni gaw shawng de sa nna \q2 nanhte a ntsa e byin na ra ai lam kaw na hkye la shangun mu.
14 ?Shanhte gaw yihku ahkyep alep ni zawn tai mat na mara ai,
wan gaw shanhte hpe hkru kau na ra ai!
Shanhte gaw tinang a hkum ni hpe pyi hkye la lu na ma ai n rai,
wan shinglet ni shanhte a matu nau kahtet na ra ai,
shanhte a hkum hpe shalum na matu lum lum re ai wan pyi nga na n rai.
15 Na a prat tup hta nang bawng jahkrup ai gumhpan hpan ai sara ni gaw
na a matu mai kaja ai lam yawng mayawng galaw ya na mara ai.
Shanhte yawng gaw nang hpe kau da nna shanhte a lam de sa mat wa na mara ai,
nang hpe hkye la na matu kadai mung nga na n rai,? nga nna tsun ai.