33
1 Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.
2 Madu e, anhte hpe matsan dum la mi. Anhte nang hpe myit mada ga ai. Anhte hpe lani hte lani makawp maga ya mi, ru yak tsin-yam tsindam hkrum ai aten ni hta anhte hpe hkye la mi.
3 Nang anhte a matu gasat ai shaloi, masha amyu baw ni majan nsen ngoi garu ai kaw na hprawng mat wa ma ai.
4 Shanhte madu da ai sut gan ni gaw htim amya la hkrum ai hte lanep shatai hkrum nga ma ai.
5 Dai Madu gaw kade sha galu kaba nga a hka! Shi gaw arai yawng mayawng hpe up nga ai. Shi gaw Yerusalem hpe teng man rap ra ai tara hte ding hpring ai lam hte jahpring da na ra ai,
6 Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.
7 Share ninghkrin ni gaw karum la lam a matu jahtau nga ma ai. Ngwi pyaw sim sa lam tam shakut ai dat kasa ni gaw ahkup ahka nga hkra jahtau ma ai.
8 Ningmaw lam kaba ni grai hkrit tsang shara rai nna kadai mung dai lam hku n lai hkawm ma ai. Ga shaka ni mung hten mat nna myit hkrum lam ni run mat nga sai. Kadai mung hkungga n hkrum nga sai.
9 Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.
10 Dai Madu gaw masha amyu baw ni hpe, ?Ya chyawm gaw, ngai amu galaw na nngai. Ngai kade daram daru magam n-gun rawng nga nngai hpe madun dan na we ai.
11 Nanhte gaw kaman lila amu hpe maw mawn myit dai, nanhte galaw ai lam magup akyu n rawng nga ai. Nye a wenyi gaw nanhte hpe jahten kau na ra ai wan zawn rai nga li ai.
12 Nanhte gaw ju ai namhtun nlung ni hte dap tai mat hkra hkru ai ju hpun ni zawn mani mat na marin dai.
13 Ni ai tsan ai shara hkan nga ai masha shagu hte gaw ngai galaw ni ai amu hpe na la mu ga, nye a daru magam n-gun hpe yin la mu ga,? ngu nna tsun wu ai.
14 Yubak kap ai Ziun a amyu masha ni gaw hkrit gari nga ma ai. Shanhte gaw, ?Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,? ngu nna tsun ma ai.
15 Nanhte gaw jaw ai amu hpe tsun nna galaw ai rai yang nanhte asak hkrung lu na myit dai. Matsan mayan masha ni hpe masu hkalem na matu na a daru magam n-gun hpe hkum lang et; mayun kumhpa ni hkum hkap la et. Masha sat amu galaw maw mawn ai ni hte kaga n hkru ai amu galaw ai ni hte hkum kanawn et.
16 Dai hpang nang shim nga lu na ndai; nang gaw n-gun ja ai hpyen dap hta rawng nga ai zawn shim lum lam lu la na ra ai. Nang gaw sha na malu masha hte lu na ntsin lu wa na ra ai.
17 Nang gaw mungkan jut shara shagu de dep nang nga ai mungdan langai a ntsa hpung shingkang hte up hkang nga ai hkawhkam langai hpe kalang mi bai mu lu na rin dai.
18 Shawng e maigan masha ahkun hta ai ni hte kin-yu ni hpe hkrit ai lam ni gaw myit dum lam langai sha tai mat na ra ai.
19 Nang n chye na ai ga shaga chye ai myit tsaw myit dap maigan masha ni kadai hpe mung galoi mung mu lu na ra ai n rai.
20 Anhte a nawku htung hte seng ai poi ni galaw ai Ziun mare hpe yu u. Yerusalem hpe yu u! Dai shara hta shanu nga lu ai gaw kade sha shim nga a hka! Dai gaw galoi mung n htawt, mailak ni galoi mung n baw ra, sumri ni galoi n tsam n di mat ai sum langai hte bung na ra ai.
21 Dai Madu gaw anhte hpe shi a hpung shingkang madun na ra ai. Anhte gaw dam lada ai hka nu ni hte hka shi ni a makau hkan nga lu na ga ai, rai ti mung hpyen tai ai sanghpaw li ni chyawm gaw de ntsa hkan e yawng lu na ma ai n rai.
22-23 Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.
24 Anhte a mungdan hta shanu nga ai kadai mung machyi nna aput angun ai lam galoi mung nga na ra ai n rai; yubak mara yawng gaw raw dat kau hkrum na ra ai.