5
1 Dai hpang Mawshe yan Arun gaw Egutu hkawhkam wa kaw shang nna, ?Dai Madu Israela a Karai Kasang gaw, ?Nye a amyu masha ni hpe sa wa shangun u, shaloi shanhte gaw ngai hpe shagrau sha-a na matu nam mali e poi galaw lu na rai ma ai,?? ngu nna tsun ai ga tsun dan ma ai.
2 Hkawhkam wa mahtang, ?Dai Madu gaw kadai wa rai nga a ta? Ngai gaw hpa majaw shi tsun ai ga hpe madat nna Israela amyu masha ni hpe dat dat na rai ni? Dai Madu hpe ngai n chye nngai. Israela amyu masha ni hpe mung ngai n dat ya lu na nngai,? ngu nna tsun wu ai.
3 Mawshe yan Arun gaw, ?Hebre masha ni a Karai Kasang gaw shi hkum nan anhte hpe shadan dan mi ai rai nna dai Madu anhte a Karai Kasang hpe shagu hkungga nawng jau ya lu na matu, dai masum ya sat sa ai nam mali de sa lu na ahkang anhte hpe jaw mi. Dai lam anhte n galaw lu ga ai rai yang shi anhte hpe ana zinli hte mung, majan hte mung sat kau na mi ai,? ngu nna htan ma ai.
4 Hkawhkam wa gaw Mawshe yan Arun hpe, ?Ndai amyu masha ni shanhte a amu hpe n sawn n sang rai galaw na gaw nan hpa hpe lachyum shapraw mayu myit ni? Ndai mayam ni shanhte a bungli dabang de bai shang manu ga!
5 Ndai amyu masha ni mahtang Egutu masha ni hta grau law htam nga manit dai majaw ya nanhte bungli galaw ai hpe jahkring kau mayu nga manit dai!,? ngu nna tsun wu ai.
6 Hkawhkam wa gaw dai shani jang Egutu masha mayam hpareng ni hte Israela salang ni hpe ning ngu hkang da wu ai:
7 ?Ndai amyu masha ni wut galaw na matu yihku jaw ai amu hpe jahkring kau manu. Shanhte gaw tinang nang a matu yihku tam la na pru sa shangun mu.
8 Rai ti mung wut chyawm gaw shawoi na shadang hte maren naw galaw shangun na rai myit dai; dai shadang hta wut tawng langai mi pyi yawm lu na ma ai n rai. Shanhte mahtang bungli hpe tup hkrak galaw ai n rai, dai lam a majaw shanhte a Karai Kasang hpe hkungga nawng jau na matu, shanhte hpe sa shangun na, ngai hpe san lajin nga ma ai.
9 Shanhte hpe bungli shaja galaw shangun nna jahki shaba shangun mu, shaloi shanhte gaw masu ndum hpaw madat na aten lu na ma ai n rai,? ngu nna tsun wu ai.
10 Mayam hpareng ni hte Israela salang ni gaw Israela amyu masha ni kaw sa nna, ?Hkawhkam wa nanhte hpe yihku n jaw sana re.
11 Nanhte pru sa nna tinang nang a matu tam la lu na rai myit dai; rai ti mung wut tawng galaw shapraw ai shadang gaw shawoi na shadang daram naw galaw ra na rai myit dai, nga nna shi tsun ai,? ngu nna tsun dan ma ai.
12 Dai rai nna amyu masha ni gaw yihku tam bram la na nga, Egutu mung ting de pru hkawm nga ma ai.
13 Mayam hpareng ni mung shanhte hpe yihku jaw yang na galaw shapraw ai shadang hte maren shani shagu galaw na matu hkan shadut reng nga ma ai.
14 Egutu masha mayam hpareng ni gaw bungli woi awn na matu san tawn ai Israela salang ni hpe mung anu kayat ma ai. Shanhte gaw, ?Ndai amyu masha ni shawng de nanhte galaw ai shadang hte maren nanhte hpa majaw n galaw nga myit ta?,? ngu nna san ma ai.
15 Dai hpang salang ni gaw hkawhkam wa hpang de sa nhtawm, ?Madu Hkawhkam wa e, hpa majaw anhte hpe ning di nna galaw shangun nga myit ni?
16 Anhte hpe yihku n jaw nga myit dai, rai ti mung wut galaw shangun na hkang da ai hkrum nga ga ai! Ya chyawm gaw anhte kayat ai hkrum sha nga saga ai. Na a masha ni hta sha mara nga nga ai,? ngu nna aput ma ai.
17 Hkawhkam wa gaw, ?Nanhte gaw lagawn nga myit dai hte amu n kam galaw nga myit dai. Dai re ai majaw nanhte gaw nanhte hpe sa shangun nna dai Madu hpe hkungga nawng ya na ahkang hpyi nga myit dai.
18 Ya jang amu galaw na matu nhtang wa masu! Nanhte hpe yihku jaw sana n rai; rai ti mung wut galaw ai shadang chyawm gaw shawoi na hte maren galaw lu na rai myit dai,? ngu nna htan wu ai.
19 Shawng de shanhte galaw yu sai shadang hte maren shani shagu wut galaw ra ai nga nna tsun dat ai a majaw shanhte hta ruyak tsin-yam tsindam hkrum sha nga sai hpe dai salang ni dum chye wa ma ai.
20 Shanhte pru wa ma ai shaloi, shanhte hpe ala nga ai Mawshe yan Arun hte hkrum ma ai.
21 Shanhte gaw Mawshe yan Arun hpe, ?Hkawhkam wa hte shi a du salang ni anhte hpe n dawng shangun ai amu hpe nan galaw shapraw manit dai gaw, dai Madu mu ya nu ai hte nan hpe ari jaw na ra ai. Nan gaw anhte hpe sat kau na matu lawt ga mung shanhte hpe jaw kau manit dai,? ngu nna hkap deng ma ai.
22 Dai hpang Mawshe gaw Madu hpang de kayin wa nhtawm, ?Madu e, na a amyu masha ni hpe nang hpa majaw n pyaw shangun a ni? Nang gaw ngai hpe hpa majaw ndai shara de shangun dat n ta?
23 Ngai gaw hkawhkam wa hpang de shang nna na a matu ga tsun ya ai shani kaw nna, shi gaw shanhte hpe mazut ai hku zingri wa nu ai; shanhte hpe karum la na lam nang hpa mung n galaw shapraw nga n hka i!,? ngu nna tsun wu ai.