16
1 Israela shawa hpung ting gaw Elim kaw nna htawt sa wa ma ai rai nna, Egutu mung kaw na shanhte pru wa ai hpang, shata lahkawng a shi manga ya shani e, Elim hte Sina Bum lapran na Sin ngu ai nam mali de shanhte du shang wa ma ai.
2 Dai nam mali e shanhte yawng gaw Mawshe yan Arun hpe aput let
3 shan hpe, ?Dai Madu gaw anhte hpe Egutu mung e sat kau na anhte ra sharawng ga ai. Dai mung hta dung nga let ashan sha lu ai hta sha n-ga, kaga malu masha ni hpe mung anhte sha mayu ai made lu sha ga ai. Rai ti mung, ndai nam mali e anhte yawng hpe kyet si shangun na matu nan gaw anhte hpe woi shapraw wa myit dai,? ngu nna tsun ma ai.
4 Shaloi dai Madu gaw Mawshe hpe, ?Ya chyawm gaw nanhte yawng a matu lamu kaw na malu masha ngai jahtu ya na made ai. Amyu masha ni gaw shani shagu pru sa nna, lani mi na matu ram tup hta shinggyin la lu na rai myit dai. Ndai lam hku nna, nye a ga matsun hpe shanhte hkan nga ma ai hpe mu lu hkra, shanhte hpe ngai chyam yu na nngai. Ref 16:4: Yhn 6:31.
5 Kru ya shani hta chyawm gaw shawoi na hta htam lahkawng hta la nna dai hpe lajang da na rai myit dai.
6 Dai re ai majaw, Mawshe yan Arun gaw Israela amyu masha ni yawng hpe, ?Dai Madu nanhte hpe Egutu mung kaw nna woi shapraw wa manit dai gaw dai na de, nanhte chye lu na marin dai.
7 Jahpawt e mung nanhte gaw htoi kabrim ai dai Madu a hpung shingkang hpe mu lu na marin dai. Nanhte shi hpe aput ai ga, rai sa, dai aput ai ga hpe shi na nu ai; an chyawm gaw shi a ga matsun ni hpe chyu sha gun hpai ai yan rai nga ga ai,? ngu nna tsun ma ai.
8 Dai hpang Mawshe gaw, ?Nanhte gaw dai Madu hpe kade lang aput manit dai hpe shi na ya nu ai majaw shana de nanhte sha na matu shan hpe mung, jahpawt e sha mayu ai made sha na muk hpe mung, shi jaw na ra ai. Nanhte an hpe aput mi ai gaw dai Madu hpe teng teng aput ai sha rai nga myit dai,? ngu nna tsun wu ai.
9 Mawshe gaw Arun hpe, ?Dai Madu gaw nanhte a aput ai nsen ni hpe na ya nu ai majaw, shi hpang de sa nna shi a man e tsap nga na matu hpung shawa ting hpe htawn tsun u,? ngu nna tsun wu ai.
10 Arun gaw shawa hpung ting hpe ga shaga nga yang, shanhte gaw nam mali maga de kayin yu ma ai rai nna, dai htoi kabrim ai Madu a nhtoi gaw sumwi hta akajawng sha dan pru wa nga ai.
11 Dai Madu gaw Mawshe hpe,
12 ?Ngai gaw Israela amyu masha ni a aput ai nsen ni hpe na ni ai. Dai re ai majaw shanhte gaw shana de shan sha lu nna, jahpawt de mung shanhte sha mayu ai muk yawng sha lu na rai ma ai; shaloi Ngai nan dai Madu shanhte a Karai Kasang rai nga nngai hpe shanhte chye lu na mara ai,? ngu nna tsun wu ai.
13 Shana de, u preng hpung kaba mi pyen hkrat wa nna, dap hpe law ram hkra ka-up da nga ai; jahpawt e mung dap grup yin yawng hta numri hkrat taw nga ai.
14 Dai numri ni hkoi mat jang, dai nam mali na ga man hta hkyen dingsi zawn din din re ai arai kaji mi taw nga ai.
15 Israela amyu masha ni dai hpe mu ma ai shaloi, dai hpa rai nga ai hpe shanhte n chye ma ai rai nna, ?Ndai hpa rai nga a ta?,? ngu nna shada da san hkat ma ai.
Mawshe gaw shanhte hpe, ?Nanhte sha na matu dai Madu jaw ya ai lusha rai nga malit dai. Ref 16:15: 1Ko 10:3.
16 Dai Madu hkang da nu ai hte maren, nanhte langai hte langai gaw tinang hta ra ai made magawn shinggyin la nna tinang a sum na marai langai mi a matu laku masum sum la lu na rai myit dai,? ngu nna tsun mu ai.
17 Israela masha ni mung dai hku galaw ma ai; nkau mi gaw law law shajan la nna, nkau mi chyawm gaw yawm nna magawn la nga ma ai.
18 Dai hpe shanhte hteng yu mu yang, law hta la ai wa mung n jan, yawm hta la ai wa mung n ra, langai hte langai gaw shi ra ai made magawn la nga ma ai. Ref 16:18: 2Ko 8:15.
19 Mawshe gaw shanhte hpe, ?Kadai mung dai hta na loi mi hpe pyi hpawt ni a matu n tawn da lu na rai myit dai,? ngu nna tsun wu ai.
20 Rai ti mung, nkau mi mahtang Mawshe a ga n madat ai sha hta mahkawng da ma ai. Dai gaw hpang jahpawt e byet hkrai tup rawng mat nna yat manam mat ai majaw, Mawshe shanhte hpe masin pawt wu ai.
21 Langai hte langai gaw jahpawt shagu tinang hta ra ai made magawn la ma ai; dai gaw jan ja wa jang, ga ntsa e tun mat nga ai.
22 Kru ya shani e, shanhte gaw lusha htam lahkawng magawn shinggyin la ma ai rai nna, langai hte langai a matu laku kru kru rai nga ai. Shawa hpung na ningbaw ni yawng mung dai lam Mawshe hpe tsun dan ma ai rai nna,
23 shi gaw shanhte hpe, ?Dai Madu hkang da sai hte maren, hpawt ni gaw chyoi pra ai bansa nhtoi rai nna shi a matu ap nawng ai nhtoi rai nga ai. Nanhte kabaw ra ai hpe dai ni kabaw manu; shapyaw ra ai hpe shapyaw manu; ngam ai hpe hpawt de na matu jahka da nna tawn da na rai myit dai,? ngu nna tsun wu ai. Ref 16:23: Pru 20:8-11.
24 Mawshe hkang da nu ai hte maren, shanhte gaw hpang shani du hkra tawn da ma ti mung, dai gaw hten mat ai n rai; byet mung dai hta rawng mat ai n rai.
25 Mawshe gaw, ?Dai ni gaw dai Madu a matu ap nawng ai nhtoi ngu ai Bansa shani rai nga ai majaw, dai hpe dai ni sha mu. Dap a shinggan de lusha hpa mung nanhte mu tam na myit dai n rai.
26 Nanhte gaw kru ya tup lusha magawn la lu ti mung, sanit ya shani ngu na bansa nhtoi hta chyawm gaw dai yang e hpa mung taw nga na ra ai n rai,? ngu nna tsun wu ai.
27 Masha nkau mi gaw sanit ya shani e, lusha hta la na matu pru sa ma ai, rai ti mung shanhte hpa mung n mu ma ai.
28 Dai hpang, dai Madu gaw Mawshe hpe, ?Nanhte gaw galoi du hkra nye a hkang da ai tara ni hpe n hkan ai nga nga na ngu nga myit ta?
29 Ngai Madu nan nanhte hpe bansa ai shani jaw ya ni ai; dai re ai majaw kru ya shani hta lahkawng ya a matu malu masha law ram hkra, nanhte hpe ngai ajaw ya nga ai hpe adum nga mu. Kadai mung sanit ya shani e shi a nta kaw na n pru ai sha nga nga lu na rai myit dai,? ngu nna tsun wu ai.
30 Dai rai nna, amyu masha ni sanit ya shani e amu n galaw nga ma ai.
31 Israela amyu masha ni gaw dai lusha hpe Manna b 16:31: Manna: Ndai ga gaw Hebre a matu ?Ndai hpa rai ta?,? ngu ai rai nga ai. (daw kaji 15 hta yu u).* ngu nna shamying ma ai; dai gaw kaji nna hpraw ai nli tum hte bung nna lagat ntsin hte kayau tawn ai muk zawn namchyim pru nga ai. Ref 16:31: Bhk 11:7-8.
32 Mawshe gaw, ?Dai Madu gaw anhte amyu matu a matu manna muk nkau mi hpe kyem da na anhte hpe hkang da mi ai; shaloi shi anhte hpe Egutu mung kaw nna woi shapraw wa yang, nam mali e anhte sha na matu jaw ai lusha hpe shanhte mu lu na mara ai,? ngu nna tsun wu ai.
33 Mawshe gaw Arun hpe, ?Di bu langai la nhtawm, dai hta manna laku masum bang u. Dai hpe anhte a amyu matu ni a matu kyem mazing da na, dai Madu a man e tawn da u,? ngu nna tsun wu ai. Ref 16:33: Heb 9:4.
34 Dai Madu gaw Mawshe hpe hkang da sai hte maren, Arun gaw dai hpe Ga Shaka Sumpu a man e tawn da nna kyem da lu nga ai.
35 Israela masha ni gaw Hkanan mung de wa shang nga ai aten du hkra mali shi ning tup manna muk sha ma ai. Ref 16:35: Ysh 5:12.
36 (Gun rai jahkraw hteng ai shadawn shadang gaw laku sumshi hte maren rai nga ai.)