11
1 Na a gumhpraw hpe maigan hpaga ga ai amu hta arang bang u, nhtoi langai ngai hta nang amyat lu la na rin dai.
2 Na a arang ni hpe shara shagu, shara law law hkan arang bang u; hpa majaw nga yang, ndai mungkan ga hta n kaja ai baw amu hpa byin na hpe nang galoi mung n chye lu nga ndai.
3 Hpun gaw gara man maga de rai tim kadawng daw dat ai maga de taw nga ai. Sumwi ni tup rai nga yang marang htu nga ai.
4 Nbung hte lamu marang masa htuk ai du hkra nang la yu nga ai rai yang, nang gaw hpa hpe mung galoi mung n lu hkai ai hte n dan la lu na rai ndai.
5 Karai Kasang gaw chyip makup galaw da sai amu hpe mung, gawngli ai numsha a hkritung e asak ningnan kaning rai byin wa ai lam nang chye na ai hta jan nna shi kaning rai galaw ai hpe mung, nang chye lu na ndai n rai.
6 Na a nli hpe jahpawt manap e gat u; shana de mung gat u. Dai ni yawng atsawm sha tu ai kun? Shara mi hte shara mi gat da ai shara hta gara mahtang grau kaja ai kun? Nang galoi mung n chye ndai.
7 Ngwi pyaw ai shani nhtoi hta kabu gara lu ai gaw mai kaja nga ai.
8 Nang shaning shagu asak hkrung nga lu ndai hpe chyeju dum u. Nang kade na hkra mi nga ai rai tim, nang si na nhtoi naw galu nga ai hpe adum nga u. Du na ra ai lam hpe ra sharawng gaw kaman lila sha rai nga ai.
9 Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.
10 Nang gaw hpa lam a majaw mung myit n ru, shing nrai n machyi hkra shangun u ga. Nang gaw aten grai na hkra ramma tai nga lu na ndai n rai.