22
1 Israela hpu nau langai ngai a sagu dumsu, lam dam ai hpe nang mu dat yang, dai hpe hkum yu shalai kau et; na a hpu nau wa hpang de bai sa sa ya na rai ndai. Ref 22:1-4: Pru 23:4-5.
2 Rai tim, de a madu hte tsan ai rai yang mung, de a madu kadai rai nga ai hpe n chye ai rai yang mung, dai sagu dumsu hpe shi nta de gawt wa na rai ndai. Yam nga madu gawn sa wa ai shaloi shi a lata de nhtang ap dat ya na rai ndai.
3 Lawze rai ti mung, hpun nba rai ti mung, na a Israela a hpu nau wa a arai lama ma mat mat ai hpe nang mu tam da ai rai yang, dai hte maren hkan galaw na rai ndai.
4 ?Israela hpu nau langai ngai a lawze, shing n rai dumsu kashawt kataw nga ai rai yang, dai hpe hkum yu shalai kau et; dai yam nga a lagaw bai mai sharawt la lu hkra dai hpe karum la na rai ndai.
5 ?Numsha gaw lasha a hpun palawng bu hpun lu na n rai; lasha mung numsha hpun palawng bu hpun lu na n rai. Shing rai galaw ai amyu masha ni hpe dai Madu nanhte a Karai Kasang n dawng nga ai.
6 ?Hpun ntsa e mung, ga e rai ti mung, u tsip hta u kanu u hpum hpum, shing n rai u hkai hkalung lung nga ai hpe mu hkrup ai rai yang, u kanu hpe la kau ya lu na ndai n rai.
7 U kasha ni hpe la mai nga ti mung, dai u kanu hpe chyawm gaw dat kau lu na rai ndai; shaloi nang gaw asak galu nhtawm ngamu ngamai lu na rai ndai.
8 Nta ningnan gap ai shaloi numgaw grup grup hta makawp shinggang teng teng bang lu na rai ndai. Shing rai jang, marai langai ngai di hkrat si mat ti mung dai gaw na a lit rai na ra ai n rai.
9 ?Na a sabyi sun ni hta kaga hkai nmai kayau hkai lu na n rai; shing di ai rai yang, sabyi si hpe mung, kaga hkai shapraw ai nsi naisi hpe mung nang lu lang na ndai n rai.
10 ?Yi sun galau ai shaloi, dumsu utang hte lawze hpe rau shakap lu na n rai.
11 ?Sagu ri hte lachyit ri kayau da ai hpun palawng hpe hpun lu na n rai. Ref 22:9-11: Jaw 19:19.
12 ?Na a hpun nba jut mali kaw shingman banbyau chywi shakap da na rai ndai. Ref 22:12: Bhk 15:37-41.
13 ?Masha langai ngai numsha langai mi hpe hkungran la ngut ai hpang, dai num hpe shi n tsaw ra mat ai hte,
14 shan hkungran ngut sayang she, hkawn jet kumla n pru nga ai ngu, dai numsha hpe n teng n man ai hku mara shagun daw dan kau chye nga ai.
15 ?Dai hku byin ai rai yang, dai numsha a kanu kawa ni gaw dai numsha hkawn jet rai nga ai hpe sakse madun lu hkra, sai kap ai hkungran panep sumpan la nhtawm mare ningbaw ni dung ai rung de sa madun dan na rai ma ai.
16 Shaloi dai numsha a kawa mahtang, ?Ndai wa hpe nye a shayi sha ya sha se ai; ya chyawm gaw shi n tsaw n ra mat nu ai.
17 Shi gaw dai numsha hpe la wu ai shaloi, shi hta hkawn jet maka n kap nga ai ngu nna, n teng n man ai hku mara shagun da nu ai. Rai ti mung, ndai hkungran panep sumpan hta asai kap achya nga ai hpe yu yu mu; dai gaw nye shayi sha hkawn jet rai nga ai a sakse kumla langai rai nga ai!,? ngu nna shanhte hpe tsun na rai wu ai.
18 Dai hpang mare ningbaw ni gaw dai madu wa hpe shaga la nna kayat na rai ma ai.
19 Dai la wa gaw Israela a shayi sha a sari jahpoi kau ya nu ai majaw gumhpraw latsa mung shawa hkrum na rai wu ai. Dai hpe numsha a kawa hpe jaw na rai wu ai. Dai sha n-ga, numsha mung shi a madu jan matut tai nga let dai la wa ahkrung nga dingsa shi hpe galoi mung jahka lu na wu ai n rai.
20 ?Rai ti mung, dai numsha mahtang hkawn jet rai nga ai sakse n madun lu ai sha, dai la wa mara shagun ai hte maren teng nga ai rai yang chyawm gaw,
21 numsha dai hpe kawa a nta chyinghka de woi wa nna dai mare na lasha nlang shi hpe nlung hte kabai sat kau na rai ma ai. Shi gaw num garai n wa ai sha, kawa a nta e naw nga ai aten kaw nna anhte a amyu masha ni hte kanawn let, kaya kahpa amu galaw shapraw nu ai. Ndai hku nna dai n shawp n kap ai amu hpe nanhte yeng seng kau lu na rai myit dai.
22 Kaga dinghku num langai mi hte shut hkat ai la wa hpe rim hkrum ai rai yang, shan lahkawng sat kau ai hkrum na rai ma ai. Ndai hku nna dai n shawp n kap ai amu hpe nanhte yeng seng kau lu na rai myit dai.
23 ?Marai langai ngai e mahtan da sai numsha hte sa shut hkat ai lasha hpe mare kata hta rim da lu ai rai yang,
24 shan lahkawng hpe mare chyinghka de woi shapraw la nna nlung hte kabai sat kau na rai ma ai. Dai num jan mung mare kata e nga ai shaloi karum hpyi yang na lu ai shara kaw na n jahtau kau wu ai majaw si lu na rai wu ai. Lasha mung mahtan da ai numsha hte shut hpyit kau nu ai majaw si lu na rai wu ai. Ndai hku nna dai n shawp n kap ai amu hpe nanhte yeng seng kau na rai myit dai.
25 ?Marai langai ngai e mahtan da sai numsha hpe mare shinggan hkan e adip arip di nna roi kau wu ai rai yang, lasha chyu sha si lu na rai wu ai;
26 dai numsha gaw si ging ai yubak n galaw ai majaw shi hpe hpa mung galaw lu na n rai. Dai amu gaw masha langai ngai kaga wa hpe htim anut nna sat hkat ai amu hte maren rai nga ai.
27 Shing rai mahtan da sai numsha hpe mare shinggan e dai la wa sa roi kau nu ai shaloi, karum la na matu dai numsha jahtau ti mung, shi hpe karum la na masha kadai mung n nga nga ai.
28 ?Kadai e mung garai n mahtan tawn ai mahkawn hpe roi kau ai la wa rim hkrum ai shaloi,
29 dai la wa gaw numsha a kawa hpe gumhpraw manga shi wa lu na rai wu ai; dai la wa mahtang numsha hte shut kau nu ai majaw numsha mung shi a madu jan tai na rai wu ai. Dai lasha ahkrung nga dingsa galoi mung hka lu na ma ai n rai. Ref 22:28-29: Pru 22:16-17.
30 ?Kadai mung tinang a kawa a madu jan ni langai ngai hte kanawn nna kawa hpe arawng jahpoi ya lu na n rai.