12
1 Hpu nau ni e, nanhte laika hte ka san dat ai Wenyi a chyeju kumhpa ni hte
seng nna, de a teng man ai lam nanhte
hpe chye shangun mayu nngai.
2 Nanhte gaw maigan masha ni naw rai nga ai shaloi e, lam amyu myu hku nna lam
dam ai hte asak n rawng ai sumla ni hpe
naw lai wa manit dai hpe nanhte nan chye
nga myit dai.
3 Kadai rai ti mung, Karai Kasang a Wenyi a lam woi awn ai hpe hkam la lu ai wa
rai yang gaw, Madu Yesu hpe matsa mawa
n nga lu ai. Chyoi pra ai Wenyi a lam
madun woi awn ai hpe n hkam la lu ai
rai yang, Madu Yesu gaw Madu rai nga
ai nga nna kadai mung n yin la lu ai
lam ngai nanhte hpe chye shangun mayu
made ai.
4 Ya Wenyi kumhpa ni gaw amyu myu nga ai, Rai ti mung dai chyeju kumhpa ni hpe
Wenyi langai kaw nna jaw ya nga ai.
Ref 12:4: Rom 12:4; Ehp 4:4; Heb 2:4; 1Pe 4:10.
5 Daw jau gun hpai na bungli lam amyu myu nga ai, rai ti mung daw jau na
Madu gaw langai sha rai nga ai.
6 Magam gun hpai na atsam amyu myu nga ai, rai ti mung yawng mayawng hpe
tinang gun hpai daw jau nga ai laksan
amu a matu atsam jaw ai Karai Kasang
gaw langai sha rai nga ai.
7 Yawng mayawng a matu akyu pru u ga she, langai hte langai hta dai Wenyi shanu
nga ai lam, amyu myu hku madun shadan
dan nga ai.
8 Hpa majaw nga yang, langai ngai hpe dai Wenyi gaw hpaji hte hpring ai mungga
jaw wu ai; kaga wa hpe dai Wenyi gaw
machye machyang hte hpring ai mungga
jaw wu ai.
9 Bai kaga wa hpe dai Wenyi gaw Karai Kasang hpe kam sham ai chyeju atsam,
kaga wa hpe dai Wenyi gaw machyi makaw
shamai shatsai ya lu ai atsam jaw mu ai.
10 Dai Wenyi nan kaga wa hpe lamik kumla galaw dan na atsam; kaga wa hpe myihtoi
htoi na ahkang; kaga wa hpe Wenyi kaw
na jaw ya ai chyeju atsam hte re ai n
re ai hpe chye ginhka hparan lu ai atsam,
kaga wa hpe ga amyu myu chye tsun na
atsam, bai kaga wa hpe tsun ai ga a
lachyum hpe htai sanglang dan lu ai
atsam jaw shajang mu ai.
11 Rai ti mung dai chyeju atsam yawng mayawng hte chyawm gaw, dai Wenyi
langai sha e nan shabyin wu ai rai
nna, shi myit ra ai hte maren, shi
gaw langai hte langai hpe laklai
ai chyeju atsam kumhpa kaga ga garan
kachyan shagu wu ai.
12 Hkristu gaw daw shan law law rawng ai hkum hkrang hte bung nga ai; dai
hkum hkrang a daw shan ni gaw law
law rai ma ti mung, hkum hkrang
langai sha rai nga ai.Ref 12:12: Rom 12:4-5; Gal 3:16; Ehp 4:4,16.
13 Dai hte maren anhte yawng gaw, Yuda ni rai ti mung, Yuda amyu masha n re
ai ni rai ti mung, mayam ni rai ti
mung, mayam n re ai ni rai ti mung,
Wenyi langai sha hta hkalup hkam la
nna hkum hkrang langai sha tai wa
saga ai hte, nlang hte a myit masin
hta dai Wenyi langai sha hpe hkam la
saga ai.
14 Hpa majaw nga yang, dai hkum hkrang hta daw shan langai sha nga ai n rai,
law law wa rai nga ma ai.
15 Lagaw mahtang gaw, ?Ngai lata n rai nngai majaw hkum hte n seng nngai,?
nga nna tsun a yang gaw, shing nga
tsun ai majaw shi kaja wa hkum hkrang
hte n seng ai n rai.
16 Bai dai na gaw, ?Ngai myi n rai nngai majaw hkum hkrang hte n seng nngai,?
nga nna tsun a yang gaw, shing nga ai
a majaw, kaja wa hkum hkrang hte n
seng ai n rai.
17 Hkum ting gaw myi langai mi sha rai mat yang gaw kaning rai nna na lu na
rai ta? Hkum hkrang ting hta na hkrai
rai mat yang mung kaning rai sama
manam lu na rai ta?
18 Ya chyawm gaw, Karai Kasang shi ra ai hte maren, daw shan ni langai hte langai
hpe shi shara hte shi shachyaw tawn da
mu ai.
19 Bai yawng mayawng daw shan langai sha rai nga a yang gaw, hkum hkrang byin
wa lu na n rai!
20 Ya chyawm gaw daw shan law law nga ti mung, hkum hkrang langai sha rai nga ai.
21 Dai re ai majaw, myi gaw, ?Nang lata hpe ngai n ra de ai,? nga nna n tsun
lu ai. Baw mung, ?Nang lagaw yan hpe
ngai n ra nngai,? ngu nna n tsun lu
nga ai.
22 Dai hta n ga hkum hkrang hta na n-gun grau kya ai zawn san ai daw shan ni
mung, n lawm n mai rai nga ai.
23 Hkum hkrang hta na dai daram manu n rawng ai zawn san ai daw shan ni hpe
anhte grau nna ahkyak shatai ai hte
lanu lahku ga ai. Anhte a n tsawm n
htap ai daw shan ni hpe grau nna sari
sadang rawng hkra mawn sumli nga ga ai.
24 Tsawm htap nga chyalu rai sai daw shan ni hpe gaw mawn sumli n ra ai.
Arawng n lu ai daw shan ni hpe grau
nna arawng lu shangun na matu Karai
Kasang shi nan dai ni hpe gumhpawn
shabawn da mu ai.
25 Dai rai nna, hkum hkrang hta na daw shan ni shada da shai wa bra wa ai
lam n nga ai sha, shada da myit
tsang hkat nga ma ai.
26 Shing rai daw shan langai mi nji nmu hkrum yang, daw shan kaga ni yawng
mung, dai hte rau machyi hkrum ma ai.
Daw shan langai mi shakawn shagrau ai
hkrum yang, daw shan kaga ni yawng
mung rau kabu gara nga ma ai.
27 Ya nanhte yawng gaw Hkristu a hkum hkrang rai nga ai hte, langai hte
langai gaw de a daw shan ni rai nga
myit dai.
28 Karai Kasang gaw dai Hpung hta e, langai ngu na shara hta Kasa ni, lahkawng ngu
shara hta myihtoi ni, masum ngu na shara
hta sara ni, dai hpang e lamik kumla
galaw ai ni, dai hpang machyi makaw
shamai shatsai na atsam lu ai ni, masha
kaga ni hpe karum madi shadaw lam madun
chye ai atsam lu la ai ni, lam woi
ningshawng ni hte, laklai ai ga
amyu myu chye shaga ai ni hpe mung shi
shara hte shi san tawn da manu ai.
Ref 12:28: Kas 13:1; Rom 12:6; Ehp 2:20; 4:11.
29 Shanhte yawng hte wa kasa rai nga ma ai kun? Yawng hte wa myihtoi rai nga ma ai
kun? Yawng hte wa sara ni rai ma ai kun?
Yawng hte wa lamik kumla galaw lu
ma ai kun?
30 Shanhte yawng hte wa machyi makaw shamai shatsai na chyeju lu la ma ai kun? Yawng
hte wa laklai ai ga shaga ai ni rai ma ni?
Yawng hte wa tsun ai ga amyu myu a lachyum
hpe chye htai sanglang dan lu ai ni rai
nga ma ai kun?
31 Dai rai nna, nanhte gaw grau htum ai chyeju kumhpa ni hpe tsam mari marit
nga mu.
Dai hta n ga, grau htum ai lam langai mi ngai nanhte hpe naw madun dan na
made ai.