10
1 Hpu nau ni e, Mawshe woi awn ai anhte a ji wa ni hta hpa byin lai wa sai lam
nanhte hpe bai dum chye shangun mayu
nngai. Shanhte yawng gaw sumwi e
makawp maga ai a kata hta hkawm sa wa
nna, Nawng Hkyeng hpe mung apyaw sha
ga rap lai di kau da lu ma ai.Ref 10:1:
Pru 13:21; 14:22; Bhk 9:18; Neh 9:12; Shk 78:13.
2 Shanhte gaw dai sumwi hte panglai hta hkalup hkam la ai hte Mawshe a hpang
hkan nang ai ni tai wa ma ai.
3 Shanhte yawng gaw, wenyi shahpa hte luhpa myu mi sha lu sha ma ai.Ref 10:3:
Pru 16:15,35; Neh 9:15,20; Shk 78:24.
4 Shanhte kaw hkan nang nga ai Wenyi lunghkrung kaw na ntsin lu lu ma ai.
Dai Wenyi lunghkrung chyawm gaw
Hkristu nan rai nga ai.Ref 10:4: Pru 17:6; Bhk 20:11; Shk 78:15.
5 Rai ti mung, shanhte hta na malawng maga hte hpe Karai Kasang n sharawng
awng da mu ai rai nna, nam mali ga
hkan e ayai aya rai si htum mat ma
ai.Ref 10:5: Bhk 14:29-35; Shk 106:26; Heb 3:17.
6 Ya ndai lam ni yawng gaw, shanhte galaw ai zawn n hkru n kaja ai arai
ni hpe myit n mai marin na lam hte
anhte gaw shanhte nkau mi zawn sumla
n naw n ku na lam sadi jaw,
shari madun ai kasi rai nga ai.Ref 10:6: Bhk 11:4,33-34; Shk 106:14.
7 Dai hta kaga Chyum Laika hta, ?Masha ni gaw, lusha poi langai mi hta dung
nna lu sha nga ma yang, dai gaw lu
lai sha lai ai hte rawt ka manawt ai
de gale mat wa malu ai,? nga nna ka
da nga ai hte maren shanhte nkau mi
sumla nawku ai ni tai ma ai zawn
nanhte hkum tai myit.Ref 10:7: 1Ko 10:14; Pru 32:6.
8 Shanhte nkau mi hpye ai amu galaw nna, lani jan hta sha masha mun
lahkawng hkying masum si ru mat
ai zawn n byin hkra, anhte gaw hpye
ai amu galaw nna mara kap ai ni
n tai u ga.Ref 10:8: Bhk 25:1,9; Shk 106:29; Shr 2:14.
9 Shanhte nkau mi dai Madu hpe chyam dinglik nna lapu e kawa sat kau ai
hkrum ma ai zawn, anhte mung Madu
hpe chyam dinglik lu na n rai.Ref 10:9: Pru 17:2,7; Bhk 21:5-6; Trj 6:16.
10 Shanhte nkau mi aput angun nna, Si du a kasa wa a lata hte jahten shabyak
kau ai hkrum ma ai zawn, anhte aput
angun nga lu na n rai.Ref 10:10: Pru 16:2; Bhk 14:2; 20,37.
11 Ndai lam ni mahkra shanhte hta byin wa ai gaw, kaga masha ni a matu shari
tai na matu rai nna, anhte hpe shadum
shahprang sadi jaw na matu ka da nga
ai. Hpa majaw nga yang, anhte gaw
mungkan aprat htum na ni wa ai ten
hta sa pra ang ai ni rai nga ga ai.
12 Dai rai nna marai langai ngai gaw, tinang a hkum hpe ding hpring kangka
ai hta ngang ngang tsap nga ai wa
rai nga nngai, nga nna myit yang
gaw, shi n kadawng na matu sadi
nga u ga.
13 Nanhte hkrum hkra yu ai agung alau ni gaw, masha yawng hta byin hkrum ga ai
baw sha rai nga ai. Rai ti mung Karai
Kasang gaw, ga sadi dung ai Madu rai
nna, nanhte hpe nanhte n hkam n jan
lu ai agung alau hkrum shangun na myit
dai n rai. Agung alau hkrum ai ten hta
hkam jan lu ai n-gun lagaw jaw nna,
dai agung alau kaw na lawt pru lu na
hkat shi hpaw da ya na ra ai.Ref 10:13: Yer 29:11; 2Pe 2:9.
14 Dai re ai majaw, ngai tsaw ngai ra ai ni e, sumla nawku ai lam hpe koi
gam mu.
15 Nanhte hpe htauli htaula hpaji rawng ai ni hpe zawn, ngai tsun nga nngai;
Ngai tsun ai ga hpe nanhte nan maram
masam yu mu.
16 Anhte gaw Karai Kasang a chyeju hpe shakawn nna, a lu ai gawm kaw na sabyi
hpe lu ga ai shaloi, Hkristu a
sai hte kanawn mazum ai lam rai nga
ai, n rai ni? Anhte muk ahkyep alep
nna, dai hpe sha ai shaloi anhte gaw
Hkristu a hkum hkrang hte kanawn mazum
nga ga ai n rai ni?Ref 10:16: Mat 26:26-28; Kas 2:42,46.
17 Hpa majaw nga yang, muk tawng gaw langai sha rai nga ai, dai muk tawng
langai sha hpe jawm garan sha ga ai
majaw, anhte law law wa rai nga ga
ti mung, hkum hkrang langai sha rai
nga ga ai.
18 Israela amyu masha ni a jaw jau ai htung hpe myit sawn yu mu;
Shagu hkungga nawng ai ashan hpe sha
ai ni gaw dai tawn hkungri hta jawm
nawku daw jau ai ni rai nga ma ai
n rai ni?Ref 10:18: Jaw 7:6,15;
Rom 4:1,12; 2Ko 11:18; Gal 6:16.
19 Ning nga ngai tsun ai gaw, sumla shing n rai, sumla hpe nawng ai
hkungga lusha gaw kaja wa lam la
ahkyak nga ai ngu nna ngai tsun
mayu ai rai ni?
20 Dai hku ngai n tsun mayu nngai. Maigan tawn hkungri kaw nawng jau
ai hkungga gaw, Karai Kasang hpe
nawng jau ai n rai, nat ni hpe
nawng jau nga ma ai, ngu nna ngai
tsun mayu nngai. Ngai gaw nanhte
hpe nat ni hte kanawn mazum nga
ai ni n tai shangun mayu nngai.Ref 10:20: Trj 32:17; Shk 106:37; Shr 9:20.
21 Nanhte gaw dai Madu a gawm kaw na lu nhtawm, nat ni a gawm kaw na
mung bai lu lu na myit dai n rai,
dai Madu a sha ku hta na sha nhtawm,
nat ni a sha ku hta na mung bai
sha lu na myit dai n rai.
22 Shing n rai anhte gaw dai Madu hpe manawn masham rai shangun mayu nga
ga ni? Anhte gaw dai Madu hta grau
n-gun ja ai ni rai nga ga ai ngu
nna myit nga ga ni?
23 ?Shanhte gaw, Anhte hpa rai ti mung galaw lu na ahkang lu ga ai,? nga
nna shanhte tsun ma ai. Dai gaw teng
nga ai, rai ti mung galaw ai amu
yawng mayawng hte wa mai kaja
ai n rai. Anhte gaw yawng mayawng
galaw na ahkang lu ga ai, rai ti
mung yawng mayawng wa shadaw shagrin
lu ai n rai.
24 Kadai wa mung tinang a akyu ni hpe n tam ai sha, masha kaga ni a akyu
ni hpe tam nga u ga.
25 Nanhte a ung ang ai myit asan sha rai mat na matu, shan dut gat na
hpa shan rai ti mung, san jep yu
ai lam n galaw ai sha mari sha mu.
26 Hpa majaw nga yang, ?Lamu ga hte hpawn, dai hta na nga manga hte
gaw, dai Madu a hkrai rai nga ai,?
nga nna Chyum Laika hta tsun nga
ai.Ref 10:26: Pru 19:5; Shk 24:1.
27 N kam n sham ai wa langai ngai, nanhte hpe daw jaw na matu saw
shaga ai shaloi, nanhte sa mayu
yang sa mu. Myit ung ang ai lam
n nga na matu jep san sagawn ai
lam n galaw ai sha nanhte a man
e hkyen da mada hte hpe sha mu.
28 Rai ti mung, marai langai ngai, ?Ndai gaw hpara ni hpe nawng jau
ai hkungga shan rai nga ai,? nga
nna nanhte hpe tsun dan myit yang
gaw, dai wa a matu hte ung ang ai
myit a matu tau yu nna dai hpe hkum
sha mu.
29 Myit ung ang ai lam ngu ai hpe ngai tsun ai shaloi, nanhte a myit ung
ang ai hpe tsun mayu ai n rai; dai
shadum ai wa a myit ung ang ai lam
hpe ngu mayu nngai.
Nanhte hta na marai langai ngai, ?Nye a galaw lu ai shanglawt
ahkang hpe kaga masha wa a ung
ang ai myit e hpa majaw shadawn
shadang masat kau ya lu na rai
ta?Ref 10:29: Rom 14:16.
30 Nye a lusha a matu ngai chyeju shakawn let sha yang, ngai chyeju
shakawn sai lusha a majaw ngai
hpa rai shatan nhkan mara tam ai
hkrum na rai ta?
31 Rai sa! Dai majaw, nanhte sha ti mung, lu ti mung, hpa galaw ti mung, nga
manga hta Karai Kasang a hpung
shingkang hpe tam let, a galaw
nga mu.
32 Yuda amyu masha ni a matu mung, maigan masha ni a matu mung,
Karai Kasang a Hpung a matu mung,
ahtu kataw shara hkum tai nga myit.
33 Masha yawng mayawng hkye hkrang la ai hkrum mu ga she, nye a matu mai kaja
ai lam n myit ai sha, yawng mayawng
a akyu hpe tam let, masha ni sharawng
awng hkra galaw nngai. Nanhte mung
ngai galaw ai zawn hkan galaw mu.