TVTSVMC 142
1 Ngaz muex romc kuy tvkoc Yehowa kuex gvl vshaungx;
vpiq kox wawc kvmenc jenc thoz vshaungx.Ref 142:1-7 1Sam 22:1; 24:3
2 Ngaz muex gvrx tsvrx yaq lotlaz
kuex vpiq kox nuex ngaz rueq lvmz laq vshaungx;
ngaz kuilc daz vtaungx lvmx lotlaz muinz vpiq muex jungx tvtay vshaungx.
3 Ngaz kuex thuinbac vtueq vsumx
khvmc tvkoc vyoalx shex nuex,
ngaz rueq yvmx shuimc juing lac lvmx kuex vpiq rueq tuiuz yaq.
Ngvy khuemc wvnc juing lvmx
nuex ngvy ralx htenc rueq ngvy tvkoc bix tsvnc taq tueq.
4 Ngvy hep nuex ngaz rueq lawc koq
tueq, ngaz muex romc kuy jix washiz muinz khiz mauk,
ngaz muex tvguing tvgawx kuy jix washiz muinz vguez.
Ngaz kuex bvmc lawc jix ukhaq muinz vguez.
5 Yehowa lex, romc kuy tvkoc mnoz muex ramc vphaungx;
Yehowa lex, mnoz kuex ngaz tvkhup wungx kuy jix waz rvtoq;
vruex rullungx vyuq ngaz rueq roc shaungx lotlaz kuex mnoz dvyx rvtoq.
6 Ngvy thuinz ngvy tharc htumx rvhumc vtaungx ningkhvnc
nuex, romc kuy tvkoc ngaz rueq ramc vphaungx kuex tay kuq koq.
Ngvy ralx htenc kuex ngvy htauk
vjvnc hungc vlaungc httax yaq ningkhvnc nuex,
tsuingshiq yauk wawc ngaz kuex palc wvnc koq.
7 Kuilc daz jamjaux rvhumc vtaungx
wawc ngaz kuex tvdung wvnc koq;
kvkaq mnoz vhvlx lvmx htenc kvruex ningkhvnc nuex
mmiqsaz htenc rvtuimx yaq kvyuq, mnoz muex ngaz
rueq tvtsvmc vphaungx.