61
1 Johvlc Yehowa rueq ngaz kuex vpiq Siyac maq tvmvrc phuex.
Htemc saz jix kox nuex thuix
thaungx vhvlx gurc lvy tvkoc muinz,
Thuinz vmungx bac jix muex
thuinz tvhvlc kuy tvkoc muinz,
Vthuq vruez laq jix htenc nuiyc
khoktep nuex vshauk gay jix htenc kuex tvdungc tvkoc tvtay jungc muex
Vpiq rueq ngaz kuex thvl vtueq nvr tvkaz phuex.Ref 61:1 Mat 11:5; Luk 7:22 Ref 61:1-2 Luk 4:18-19
2 Yehowa rueq vpiq miqsaz htenc kuex palc wvnc ruiux
Tsuingshiq ralx htenc kuex tvbunx gay vkhing httuiuc wvnc tueq lvmz
Jungc tvtay tvkoc
Vpiq rueq ngaz kuex tvkaz phuex.
Vpiq rueq vyonz vyex jix lotlaz muex thuinz tvhvlc kuy tvkoc,Ref 61:2 Mat 5:4
3 Zion nuex yonzyex yaq jix hez muex
Vyonz vyex tvraung kokez shuenruenc juing,
Thuinz bac tvraung vshic vngoyc tvtsvmc juing kuy tvkoc tvkaz phuex.
Tsuingshiq kuex Yehowa vpiq rueq
Vkhic pulx htenc ikhoc yaungx tuex.
Tsuingshiq rueq vlvmz yauk shuimc lotlaz kuex shuimx wuez shuex,
Tishox kuex vpiq rueq shuimx wvnc tueq yauk shuimc htenc ningkhvnc nuex tvtsvmc kvmc rvhumc tuex.
4 Tsuingshiq rueq loayc hvlc shex
vbac kaz ghaqyungx htenc kuex tvhvlc guirx yek shuex.
5 Ngvy miqsaz htenc lex, pungnuk
miqsaz htenc rueq mnoz muex shuimx lvmz kuq kv-phux.
Tsuingshiq rueq mkhelbuenx kung htenc kuex remx vtueq
Mmungx wawc wuik vnax shuimx
kuex vtueq svpiq sunc htenc kuex lawc mawc wuez shuex.
6 Mnoz kuex Yehowa shomc waz bix
nuiyc Naungshiq Tishox nvrc waz hez ngoz tueq kv-ngoc tuiux.
Mnoz kuex miqphvnx ruip rawx tsak vnyvmx htenc nuex kokez wvnc vtueq
Kvruex kuex mtsak mnyvmx muex
yaungx wvnc ruiux ngamc ngax wvnc tuiux.
7 Mnoz yvlc svy nuiyc muingc bac kuex vhtumx wvnc shex.
Mnoz kuex miqmac ghaq vraungx nuex httax tuiux,
Mtsak vnyvmx kuex mvnz nueyc kvhtvp paung wvnc tuex;
Mnoz kokez kuex pattup phaungx ngaungx wvnc tuiux.
8 Yehowa rueq,
“Ngaz rueq vrungx vraz tvrac kuex lungwawx vshaungx, ngaz
rueq vmop vjap yauk shuimc nuiyc vguirc vguenc kuex shuiuc vshaungx.
Ngaz rueq ngvy miqsaz htenc
muex tvmtuing maq yauk noalc htenc kuq shaungx,
Tsuingshiq rulc pattup bomkhvrc tvhungx shaungx.
9 Tsuingshiq kuex miqphvnx htenc
hvlwvl nuex muingc dung tuex;
Tsuingshiq khic jix miq ruip rawx
rueq ruimrix kejux lvp yaq miqsaz htenc rvtueq lvmz kuex tuiuz
wvnc wuez shuex,” ngoz tueq.
10 Yehowa rueq shuimx wvnc ningkhvnc nuex Yerusalem kuex kokez yaq.
Piq kuex miqlvmc moalx tvkoc tvmarc tvsvp yaq nyuiuz nyalx nyuiuz rulc rv-ngvlc yaq.
Tishox rueq palc daungc wvnc nuiyc lotlaungc wvnc lvmz khvy kuex svmx yaq.Ref 61:10: Tvkh 21:2
11 Vlix htenc kuex vkoz raz tueq vkemc rvwvnc yaq ikhoc,
Johvlc Yehowa rueq vpiq miqsaz htenc kuex palc wvnc shuex,
Miq phvnx lotlaz rueq vpiq muex tvtsvmc wuez shuex.