7
Hmailei Chan Ah Lawmhnak A Um Lai
1 Siangpahrang Darius a bawi kum li kum, Kislev thla timi thla kua thla a ni li ni ah Bawipa bia cu Zekhariah sinah a phan.
2 Bethel-sharezer nih Regem-melek cu a mi hna he khan Bawipa nawl awkah a hun thlah hna.
3 Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.
4 Cun ralkapbu Bawipa bia cu ka sinah a ra i,
5 “Ram chung i a ummi mi vialte hna le tlangbawi hna cu, ‘Hi kum 70 chung, thla nganak thla le thla sarihnak thla i rawl nan ulh i nan òah tawn tikah hin, nan rawl ulhnak hi keimah upatnak ca taktak ah maw a si?
6 Nannih nih nan ei i nan din tikah hin nanmah nuamhnak caah a si ko lo maw?
7 Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.
Bawipa Nawl Zulh Lo Ruangah Dantatnak
8 Bawipa bia cu Zekhariah sinah a phan.
9 Ralkapbu Bawipa bia cu hihi a si: Dinnak taktak kha biaceihnak ah hmang u, pakhat le pakhat zumhawktlak tein um u law i zaangfah u,
10 ngakòah le nuhmei, ramdangmi le sifakmi kha serhsat hna hlah u, pakhat le pakhat nan cungah òhat lonak kha i tlunter hlah u,” a ti.
11 Sihmanhsehlaw ngaih an duh lo, zeirello in keimah kha hnu an ka chit, an hna kha an i phih i theih an duh lo.
12 An lungthin cu lung bantukin a hak: hlanlio profet hna thawngin a thlarau in ralkapbu Bawipa nih a cawnpiaknak hna kha i lak an duh lo; cucaah ralkapbu Bawipa thinhunnak ruangah cun fahnak kha an in.
13 Ka auh tik hna ah an ngaih lo caah kei zong nih an ka auh tikah ka ngai ve lo, tiah Ralkapbu Bawipa nih a ti;
14 Cucaah an hngalh bal lomi miphun hna lakah ka dawi hna i an ram cu òiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.