6
Rangleng Pali Langhnak
1 Cunglei ka hun zoh òhan i tlang pahnih karlak in rangleng pali an chuah kha ka hmuh i tlang cu dar sen in sermi tlang an si.
2 Rangleng pakhatnak nih cun rangtum sen a ngeih hna, pahnihnak nih rangtum nak a ngeih hna, Ref 6.2: Biat 6.4, 5
3 pathumnak nih rangtum rang a ngeih hna i palinak nih rangtum pawl a ngeih hna. Ref 6.3: Biat 6.2
4 Bia a ka chimtu vanmi cu, “Bawipa, mah hihi zeidah an si?” tiah ka hal i,
5 Mah hna hi vawlei cung dihlak Bawipa a tuammuaitu vancung thlitu pali cu an si i atu cu chuah an i zal cang. Ref 6.5: Biat 7.1
6 Rangtum nak a ngeimi rangleng hi chaklei ram ah a kal lai, rangtum rang a ngeimi hi nitlaklei ah a kal lai, rangtum pawl a ngeimi hi thlanglei ah a kal lai i rangtum sen a ngeimi hi nichuahlei ah a kal lai,” tiah a ka leh.
7 Kal i vawlei cung dihlak cul kha an duh tuk hringhran i cucaah, “Va kal u law vawlei kha va cul dih u,” tiah a ti i cu bang cun rangleng hna nih cun an tuah.
8 Cun hei zohhmanh, tiah a ka auh i, “Chaklei ram i a kalmi hna nih khin chaklei ram ah ka thlarau cu dinhnak an pek,” tiah a ti.
Joshua Suiluchin Chinhnak
9 Bawipa bia cu ka sinah a ra i,
10 “Babilon in a ra kir òhanmi raltang hna Heldai, Tobiah, Jedaiah le Zefaniah fapa Josiah sin khan sui le ngun la hna.
11 La hna law bawiluchin pakhat in ser law Jehozadak fapa Tlangbawi Ngan Joshua lu ah khan chin tuah.
12 Cun amah cu na thawh lai i, ‘Mah hihi ralkapbu Bawipa bia a si: Hi pa hi Thing Nge timi cu a si lai; a umnak vawlei khan a hung òhang lai i Bawipa biakinn kha a sak lai. Ref 6.12: Jer 23.5; 33.15; Zek 3.8
13 Bawipa biakinn a satu ding cu amah a si lai, siangpahrang sunparnak a hmu ding cu amah cu a si lai, a bawiòhutdan cungah a òhu i a orhlei kamah tlangbawi he a uktu ding cu amah a si lai; cun an karlak ah remnak a um lai,’ na ti lai,” tiah a ti.
14 Bawiluchin cu Heldai, Tobiah, Jedaiah le Zefaniah fapa Josiah nih an zohkhenh lai i biakinn chungah khan hngalh camcinnak thil ah an um lai.
15 Ram hlapi i a ummi hna kha an ra lai i Bawipa biakinn saknak ah cun rian an ra òuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!