1 Ni hmanung ah cun harnak caan a phan lai ti kha hngal ko. 2 zeitintiah mi hna cu anmah zawn ruatmi, tangka duhmi, aa porhlawmi, a ruam a kaimi, congoih hmangmi, nu le pa bia a ngai lomi, lawmh hngal lomi, a tluang lomi, minung ruahnak ngei lomi, 3 hawi zawng lomi, mi zawnruat lomi, thangchiat hmangmi, sumnak ngei lomi, a puarhrangmi, 4 rawiphiar hmangmi, òhatnak a huami, sumòhen lo khuasami, aa uangthlarmi, Pathian duh loin nuamhhnaihnak duhmi, 5 lenglei ah biaknak lei zuam ngaiin lang òung in a taktak ah zeihmanh a si lomi cu bantuk mi hna cu hrial hna. 6 Mah hna lak i acheu cu inn kip ah luh in, nu derthawm le sualnak nih a nenh i duhning paoh in a nungmi, 7 zeipaoh cawn zuam ngai, biatak hngal kho òung lomi hna cu an va lak hna. 8 Janis le Janbria nih Moses an rak doh bang khan biatak an doh. An ruahning a hman ti lo i zumhnak zongah chim tlak an si ti lo. 9 Khi mi pahnih hna bantuk khan zei ti khawhmi cu an ngei lo, zeitintiah an hruhnak cu zapi nih an hngalh ko.

10 Atu cu ka cawnpiaknak, ka nun ningcang, ka tumtahmi, ka zumhnak, ka lungsaunak, dawtnak ka ngeihning le ka fehfuannak na hngalh. 11 Antiok le Ikonium le Lustra ah serhsatnak le harnak tampi ka cung i a tlungmi kha na hngalh, cu thil vialte cu Bawipa nih a ka luatter. 12 Ahopaoh nih Khrih ah Pathian òihzahnak in a nun ahcun hremnak cu na ing ko lai. 13 Mi òha lo le mihleng hna cu an òha lo chin lengmang lai i mi an hlen tawn hna bangin anmah le anmah an i hleng lengmang ko lai. 14 Nang tu cu cawnpiak na simi ah khan dir law fek tein zum peng ko. Ahodah an cawnpiaktu a si kha na hngalh. 15 Na hmet lio tein Cathiang cu thlah loin na hngalh i Khrih Jesuh nunnak thawngin khamhnak an pe khotu a si kha na hngalh. 16 Cathiang vialte hi Pathian thawchuah hnawhmi a si i cawnpiaknak le chimhhrinnak le remhnak le dinnak caah a òhahnem. 17 Cucu Pathian mi hna paoh an tlinnak le rian òha òuan khawhnak caah thuamh an si khawh nakhnga caah a si.