2
1 Cu a si caah ka fapa, Khrih chungah a ummi vel nih in òhawnter ko seh;
2 mi tampi theih ah kan cawnpiakmi na theihmi kha a cawnpiak chin kho hngami zumhtlak hna sinah bia riah hna.
3 Khrih ralkap zumhtlak bantukin temhinnak ah tel ve i zuam.
4 Ralkap nih ralkap ah a latu lungton kha a tumtahmi a si caah vawlei thil ah aa teltum bal lo.
5 Tlik aa zuammi zong a phung ning tein a tlik lo ahcun lawmhman laksawng a hmu lai lo.
6 Teirial tein a òuanmi lothlopa nih tlaiter cu a hmuh awk a si.
7 Ka chimmi hi òha tein ruat law, Bawipa nih zeizong vialte hngalhthiamnak an pek lai.
8 Thawngòha ka chim tawnmi David hrinsor Jesuh Khrih, thihnak in a thoòhanmi kong kha philh hlah.
9 Cu thawngòha ruangah cun harnak ka in i misual khan in cikcin in khih ka si. Sihmanhsehlaw thawngòha cu hren khawh a si lo.
10 Cu a si caah thimmi hna caah cun zeipaoh ka òuan, cucu Khrih Jesuh khamhnak cu a zungzal a sunparnak he an co khawh nakhnga caah a si.
11 Rak chim tawnmi cu a hman ko:
Amah he kan thih ahcun
Amah he kan nung ve lai;
12 Kan intuar ahcun
Amah he kan uk ve lai,
Kan hlawt ahcun a kan hlawt ve lai.
13 Zumhtlak kan si lo hmanh ah
Anih cu zumhtlak a si ko—
Zeitintiah amah le amah aa al kho lo.
14 Hihi chim òhan hna. Bawipa min in chim hna law bia i cuh in i al lengmang hi ngol hna seh, òhathnemnak a ngei lo i a theimi a hrawhhral deuh hna.
15 Nang cu Pathian cohlanmi rianòuan aa zahpi lomi biatak kha a ning tein a hmangmi si vaa zuam ko.
16 Pathian tel lo tlawhciar cu hrial i zuam ko, zeitintiah cu nih cun Pathian duh lo ning ah mi kha a hruai chin tawn.
17 Hmachia bantukin an cawnpiaknak cu a lawn chinchin tawn i cu hna lakah cun Filitas le Himenias zong an i tel.
18 Biatak cu an kal tak i thawhòhannak cu a um diam cang an ti i mi cheu hna zumhnak zong an vaivuanh hna.
19 Sihmanhsehlaw a fekmi Pathian lungphum cu a hmun òhiamòhiam. “Bawipa nih amah mi cu a hngalh hna,” ti le “Bawipa a autu hna nih cun sualnak cu an kal tak awk a si,” ti aa khenh.
20 Inn ngan pipi ah cun sui um le ngun umkheng lawng a um lo i thing le bel hna zong an um i acheu cu sunsak deuh hman awkah an si i acheu cu a sawhsawh i hman awkah an si.
21 Hi ka chimmi thil in aa hlitphuakmi cu sunsak tlak umkheng, inntekpa caah hman awkin òawl cangmi rian òha òuan colhnak òha a si.
22 Seino pumsa duhnak kha phenghei law thinlung thiang tein Bawipa a aumi hna he dinnak, zumhnak, dawtnak le daihnak hna kha tumtah deuh hna.
23 Hruh le sullam ngei lo alhnialnak hna ah khan i tel hlah, zeitintiah cu bantuk nih cun sikòhiatnak a chuahter.
24 Bawipa òuanchawng cu sikòhiat hmang a si awk a si lo ahopaoh zawnruahmi, cawnpiak thiammi thlachiat ruatmi;
25 nunnem tein a palhmi remhtu a si awk a si. Pathian nih an nunòhinh in biatak a hngalhter khawh ko hna hnga,
26 khuachia nih a duh paoh tuahter awkin rap i a foihnak hna khan an luat kho ko hnga.