6
1 Sal a simi hna nih cun an bawile kha an upat hna awk a si, a si lo ahcun Pathian min le cawnpiaknak cu a min a chia sual hnga.
2 Zumtu bawi a ngeimi hna nih unau kan si cang tiah an bawile kha an nautat hna awk a si lo, òha deuh in an bultawl hna awktu a si; zeitintiah bultawlmi hna cu zumtu le dawtmi an si cang.
Hi òuanvo hi cawnpiak in na forh hna awk a si.
3 Ahohmanh kan Bawipa Jesuh Khrih biatak le Pathian lei cawnpiaknak he aa khat lomi a cawnpiaktu cu,
4 mihrut, mi porhlaw le zeihmanh hngal lomi a si; biahnok, kawl thiam ngai le bia al duh ngai, pakhat le pakhat i nahchuahnak, i òhenòhek i thangchiat, i lunghrinh, ngol hngal lo bia al hmang an si.
5 Lung rawk cangmi, thil òha a ruat kho ti lomi le biaknak hi miaknak ah a ruatmi hna an si.
6 Mah le tinvo ah a lung a tlingmi hna caah cun biaknak nih rumnak a chuahpi taktak ko.
7 Vawlei ah hin zeihmanh kan luhpi lo i vawlei in zeihmanh kan chuahpi kho fawn lai lo.
8 Ei awk le fenhaih ngeih ahcun kan caah a za ko.
9 Rum a duhmi hna cu tukforhnak chungah an lut i hakkauhnak, rap òihnung ah an i foih, an i rawk i an lodai tawn ko.
10 Zeitintiah tangka sunsak tuk hi òhat lonak vialte hrampi a si; cu tangka sunsak tuknak ruangah cun mi cheu nih zumhnak an pialtak i lungfahnak a phunphun in an i chun.
11 Nang cu Pathian mi na si caah hi thil hna hi phenghei hna. Dinnak, Pathian sunsaknak, zumhnak, dawtnak, fehfuannak le nunnemnak te hna hi i tinh deuh.
12 Zumhnak cu òanh in na thazang ngeih chung do law nuncanghmunhnak cu i tlaih peng ko. Biatheitu tampi hmai i na zumhnak na rak phuan lioah khan cu nunnak co ding cun auh na rak si.
13 Zeizong vialte nunnak petu Pathian le Khrih Jesuh Pontius Pilat hmaiah biatak a òanh pengmi hmaiah cun, hitihin kan fial.
14 Kan Bawipa Jesuh Khrih a rat òhan hlan cu hmunthur kai lo le sawi awk um loin nawlbia cu zul ko.
15 Thangòhat tlak Pathian, zeizong vialte cungah nawlngeitu, siangpahrang vialte Siangpahrang bawi vialte lakah Bawi chin nih cun a caan te ah Khrih cu a phuan lai.
16 Amah lawng hi thih hmang lo, a naih hmanh naih ngam lomi, ceu chungah a ummi, ahohmanh nih an hmuh bal lomi le hmuh khawh zong a si lomi cu a si. Upatnak le nawlngeihnak vialte amah cungah cun um ko seh. Amen.
17 Vawlei mirum hna cu i porhlawt lo awkah cawnpiak hna law rinhcanh tlak lo tangka i bochan ti loin zeizong kan hman awkin za lakin a kan petu Pathian tu i bochan awk tu chim hna.
18 Thilòha tuah le rianòha tampi òuan i siang ngaiin midang phawtzamh awk tu cawnpiak hna;
19 Cucu hmailei caah hram an dirh a si i nunnak taktak a simi nunnak cu an co lai.
Cawnpiaknak Le Thluachuah Peknak
20 Maw Timote, na sinah kenrettermi kha kilveng ko, hngalhnak tiah a pingin auhmi, Pathian tel loin ceihmainak le amah le amah aa kalh dihmi, hngalhthiamnak kha hrial ko;
21 cheukhat nih an zulh caah zumhnak he aa tlaimi in an pial cang.
Velngeihnak cu nan cungah um ko seh.