5
1 Nangmah nak upa deuh cu si hna hlah, na pa bantukin ruat hna law a lem tu in lem hna; ngakchia deuh hna cu nau le zoh in zoh hna.
2 Nutar hna cu na nu zoh in zoh hna law, ngaknu hna cu thiang tein farle zoh in zoh hna.
3 Nuhmei a si taktakmi hna cu upat hna.
4 Tu le fa a ngeimi nuhmei hna cu an tufa hna nih innchungkhar cungah Pathian nih òuanvo a pekmi hna cu tlinh i zuam hna seh law anmah a rak cawmtu hna kha cawm ve cang hna seh; zeitintiah cucu Pathian hmaiah duhnung a si.
5 Cawmtu ngei loin anmah lawng i a hmeimi hna nih cun Pathian lawng bochan awk a ngei caah chun he zan he bawmhnak Pathian sinah a hal i thla a cam tawn.
6 Sihmanhsehlaw mah diriamhnak a kawlmi nuhmei cu a nung ko nain, a thi.
7 Mawhchiat an si lo nakhnga cucu cawnpiak hna.
8 Mah sahlawh rualchan inn khat i umpi komi a cawm duh lomi hna nih cun zumhnak cu an kal tak a si, a zum lomi nakin an òha lo deuh.
9 Nuhmei ah chiah hngami cu kum sawm ruk a tling lomi a si lai lo, va pakhat lawng a ngeimi a si lai.
10 Rian òha òuannak ah chimthiam tlak, tlei lakin fa a cawm cangmi, khualtlung caah miòha, mithiang hna ke òawl hmangmi, mihar bawmh hmangmi le rianòha òuan awkah aa pemi a si lai.
11 Nuhmei ngaknu deuhmi zong telh hna hlah, zeitintiah an duhnak ruangah Khrih hnuchit in va ngeih an duh òheo;
12 an biakam hmasa tlolh ruangah soisel awkin an um tawn.
13 Cu hleiah a tha a thu i mi inn kip ah an vak i thathut lawng si loin mi kong ceih an hmang i a kenkip ah an vaa sawh, an chim lo awk an chim.
14 Cucaah nuhmei no deuh hna cu va ngei ko hna seh ka ti. Fa ngei hna seh, an innchungkhar òha tein zoh hna seh law kan ral hna nih sawi awk kan ngei hna hlah seh.
15 Zeitintiah acheu cu Satan leiah an pial cang.
16 Zumtu nu pakhatkhat nih nuhmei sahlawh a ngeih hna ahcun bawm ko hna seh; a hmei taktakmi a bawmh khawh hna nakhnga Khrihfabu cu thilrit khinh hlah seh.
17 Khrihfa upa, uk a thiam i phungchim le cawnpiak ah a re a thei khunmi cu a let hnih in upat awk an tlak;
18 zeitintiah Cathiang nih, “Facang cil lio cawtum cu a hmur òem hlah;” Cun, “Retheimi cu òuanman hmuh awk aa tlak,” a ti.
19 Biatheitu pahnih tal um loin upa pakhatkhat sual an puh tikah an bia lakpiak hna hlah.
20 A sual taktakmi cu zapi hngan ah chimhring hna law midang zong nih an òih lai.
21 Pathian le Khrih Jesuh le thimmi vanmi hna hmaiah ahohmanh thleidan lo le duhdanh loin hi phung hna hi zulh awkah kan fial.
22 Kutchuannak pek awk va hnawh tuan tuk hlah, midang sualnak ah va telhmawih hlah law nangmah le nangmah i thianter ko.
23 Ti lawng ding loin na pawfah a òhat deuh nakhnga mitsurzu tlawm tein din chih.
24 Mi cheu hna sualnak cu a lang ko i, biaceih colh khawh an si, acheu hna sualnak cu a hnu deuh lawngah a lang.
25 Cu bantuk cun òuannak òha cu a lang colh ko; a langh lo hmanh ah thuh peng khawh a si lo.