23
David Nih Keilah Khua A Khamh
1 David cu, “Zohhmanh, Keilah kha Filistin mi nih an tuk i phuhri i rawl kha an chuh hna,” tiah an chimh.
2 Cucaah David nih Bawipa cu a hal i, “Hi Filistin mi hna hi ka va kal in ka va tu hna lai maw?” tiah a ti. Cun Bawipa nih David cu, “Va kal law, Filistin mi kha va tu hna law, Keilah kha va khamh tuah,” tiah a ti.
3 Sihmanhsehlaw David cu a mi hna nih, “Zohhmanh, hika Judah ram chung hmanh ah kan ning a òi; Keilah khua i vung kal i Filistin ralkapbu hna vung tuk cu zeitluk in dah kan òih chinchin lai?” tiah an ti.
4 Cun David nih Bawipa cu a hal òhan. Cun Bawipa nih a leh i, “Tho law, Keilah ah cun vung kal ko; zeitintiah Filistin mi hna cu na kut chungah kan pek lai,” tiah a ti.
5 Cun David le a mi hna cu Keilah ah cun an kal i Filistin mi hna he cun an i tu, cun an saòil hna kha an lakpiak hna i annih kha tampi an thah hna. Cuticun David nih Keilah khuami hna cu a luatter hna.
6 Ahimelek fapa Abiathar nih David sinah, Keilah i a zam tikah khan, tlangbawi angki pakhat he a rung.
7 Cun Saul kha, David cu Keilah ah a ra cang, tiah an chimh. Cun Saul nih, ‘Amah cu keimah kut chungah Pathian nih a ka pek cang; zeitintiah kutka le hrenhnak a ngeimi khua ah a luhnak thawngin, amah le amah aa hrenh khumh cang,” tiah a ti.
8 Cun Saul nih mi vialte kha, Keilah i vung kal i David le a mi hna kha vung kulh awkah, raldoh awkah a auh hna.
9 David nih Saul nih ka cungah òhat lonak kha tuah awkah khua a khaan ti kha a hngalh; cun tlangbawi Abiathar sinah khan, “Hika ah hin tlangbawi angki kha rak pu tuah,” tiah a ti.
10 Cun David nih, “Maw Bawipa, Israel Pathian, Saul nih Keilah ah rat i khua kha keimah ruang i hrawh aa tim ti kha na sal nih ka theih hrimhrim ko.
11 Keilah mi nih hin keimah cu amah kut chungah an ka pe lai maw? Na sal nih ka theih bang hin Saul cu a rung hnga maw? Maw Bawipa, Israel Pathian, na sal hi ka chim tuah, tiah kan nawl” tiah a ti. Cun Bawipa nih, “A rung lai,” tiah a ti.
12 Cun David nih, “Keilah khuami nih hin keimah le ka mi hna hi Saul kut chungah an kan pe lai maw?” tiah a ti. Cun Bawipa nih, “An in pek hna lai,” tiah a ti.
13 Cun David le a mi 600 tluk a simi hna cu an tho i Keilah khan an chuak i an kal khawhnak paoh ah an kal. David cu Keilah khua in a chuak cang ti kha Saul cu an chimh tikah va tuk awk kha aa òhul.
14 Cun David cu ramlak i ralhruang chungah khan a um, Zif Ramlak tlangram ah khan. Cun Saul nih ni fate in a kawl, sihmanhsehlaw Pathian nih amah kha a kut chungah a pe lo.
15 Saul nih amah kha thah awkah a kawl caah David kha a thin a phang. David cu Zif Ramlak chung Horesh ah a um.
16 Cun Saul fapa Jonathan kha a tho i David sinah Horesh ah khan a kal i amah kha Pathian ah a kut a fehter.
17 Cun amah kha, “Na thinphang hlah; zeitintiah ka pa Saul kut nih nangmah cu an hmu bal lai lo; nangmah cu Israel siangpahrang na si lai i keimah cu an changtu ka si lai; ka pa Saul zong nih mah hi a hngalh ko,” tiah a ti.
18 Cun an pahnih in Bawipa hmaiah biakamnak an ser; David cu Horesh ah khan a rung um i Jonathan cu inn ah a tlung. Ref 23.18: 1Sam 18.3
19 Cun Zif mi hna cu Gibeah ah Saul sinah an va kal i, “David cu kanmah lakah, Horesh ralhau chungah, Jeshimon thlanglei i a ummi Hakhilah tlang cungah, aa thup ko lo maw? Ref 23.19: Slm 54 (A tlangpi)
20 Cucaah maw siangpahrang, run kha na lung sa duh thah a sining te khan rung tuah; cun kannih kan rak tuah ve awk cu amah kha siangpahrang kut chung i pek kha a si ko lai,” tiah an ti.
21 Cun Saul nih, “ Bawipa nih thluachuah in pe ko hna seh; zeitintiah keimah cungah zaangfahnak nan ngei.
22 Va kal rih u law, va fiang chin rih tuah u, a um kalnak le khika ah aho nih dah a hmuh ti kha va hngal u law va zoh u, zeitintiah amah cu a zer ngai, tiah an ka chimh.
23 Cucaah cun, aa thuhnak hmun vialte kha vaa chingchiah u law, ka sinah a dik hrimhrimmi theihnak he ra òhan u. Khi tikah nannih sinah ka kal lai i hi ram chungah a um paohpaoh ahcun, Judah mi a thongthong vialte hna lakah hin, amah cu ka kawl lai,” tiah a ti.
24 Cun an tho i Saul hmaiah, Zif ah khan an kal.
David le a mi hna cu Jeshimon in thlanglei, Arabah ram chung i Maon ramlak ah khan an um.
25 Cun Saul le a mi hna cu amah kawl awkah khan an kal. Cun David cu an chimh; cucaah Maon ramlak i a ummi lungpi ah khan a vung kal. Cun mah cucu Saul nih a theih tikah, Maon ramlak ah cun David kha a dawi lengmang.
26 Saul cu tlang khattelei kam khan a kal i David le a mi hna cu tlang khattelei kam khan an kal, cun Saul le a mi hna nih khan David le a mi hna kha tlaih awkah an naih chin lengmang hna caah David cu Saul sin khan khulrang in a zam;
27 khi tikah khan lamkaltu pakhat cu Saul sinah khan a ra i, “Khulrang in ra tuah, zeicahtiah ram kha Filistin mi nih an chim,” tiah a ti.
28 Cucaah Saul nih David dawi kha a ngol i Filistin mi kha a doh hna; cucaah cuka hmun cu Luatnak Lungpi tiah kawh a si.
29 Cun David cu cuka cun a hung kal i En-gedi ralhruang chungah khan aa thup.