22
1 Cun David cu cuka cun a chuak i Adullam lungkua ah khan a zam; cun a unau hna le a pa innchungkhar vialte nih an theih tikah, khika ah amah sinah cun an vung kal. Ref 22.1: Slm 57 (A tlangpi); Slm 142 (A tlangpi)
2 Cun harnak a tongmi paoh le leiba a ngeimi paoh le a lung a tling lomi paoh nih khan amah cu an fuh; cun annih hna haotu ah a cang. Cun amah sinah cun mi 400 tluk an um.
3 Cun David cu khika in Moab ram Mizpah khua ah a kal; cun Moab siangpahrang sinah cun, “Ka pa le ka nu cu, Pathian nih keimah caah zeidah a tuah lai, ti kha ka hngalh hlantiang, na sinah um hna seh, tiah kan nawl,” tiah a ti.
4 Cun Moab siangpahrang sinah cun a chiahtak hna i David cu ralhruang chung i a um chung vialte, a sinah cun an rak um.
5 Cun profet Gad nih David cu, “Ralhruang chungah um ti hlah, va kal law, Judah ram chungah va lut tuah,” tiah a ti. Cucaah David cu a kal i Hereth tupi chungah khan a lut.
Saul Nih Nob Khua Tlangbawi A Thah Hna
6 Cun Saul nih, David le a sin i a ummi hna kha an hmuh hna, ti kha a theih. Saul cu Gibeah ah, tlangbo pakhat ah, tamarisk thingkung toiah, a fei i put in a òhu i a sinum vialte hna cu a velchum in an dir.
7 Cun a velchum i a dirmi a sinum hna sinah cun Saul nih aa thawh i, “Nannih Benjamin mi hna, thei tuah u; Jesse fapa nih cun nan dihlak te hin maw lo le mitsur dum an pek cio hna lai i a thongthong haotu ah le a zaza haotu ah an ser cio hna lai,
8 nannih i nan dihlak in nan ka rawiphiar len ko hi? Ka fapa nih Jesse fapa he òan òinak a tuah tikah, ahohmanh nih ka sinah nan phuang lo i ka fapa nih ka sinum kha nihin ah a si bantuk hin, keimah doh awk le keimah bawh awkah a forh tikah, keimah a ka ngaihchiatpitu pakhat hmanh nan um lo i a phuan zong keimah sinah ahohmanh nih nan phuang fawn lo,” tiah a ti.
9 Cu tikah Edom mi Doeg, Saul sinum hna pawng i a dirmi nih khan a hun leh i, “Jesse fapa cu Nob ah, Ahitub fapa Ahimelek sinah a rat kha ka hmuh i, Ref 22.9-10: 1Sam 21.7-9; Slm 52 (A tlangpi)
10 Bawipa kha a halpiak i rawl kha a pek i Filistin mi Goliath nam kha a pek,” tiah a ti.
11 Khi tikah siangpahrang nih Ahitub fapa tlangbawi Ahimelek le a pa innchungkhar vialte, Nob ah a ummi tlangbawi hna cu auh awkah mi a thlah hna; cun an dihlak in siangpahrang sinah khan an ra.
12 Cun Saul nih, “Ahitub fapa, thei tuah,” tiah a ti. Cun anih nih, “Hika ah ka um, ka bawipa,” tiah a leh.
13 Cun Saul nih amah cu, “Zeicahdah nannih nih nan ka rawiphiar, nangmah le Jesse fapa nih hin, nangmah nih changreu le nam kha na pek i Pathian sin hoi ah na hei halpiak, cucaah cun amah nih keimah cu doh awk le bawh awkah, nihin ah a si bang hin a tho,” tiah a ti.
14 Cun Ahimelek nih siangpahrang cu a leh i, “A si ah, na sinum vialte lakah, siangpahrang tupa a simi, nangmah pum rungvengtu hna haotu, na inn chungah upat a simi David tluk in, ahodah zumh awktlak a um?
15 Nihin hi maw amah caah Pathian ka chawnh hmasa bik a si? Si hlah! Siangpahrang nih na sal cungah hin siseh, ka pa innchungkhar vialte cungah hin siseh, zeihmanh khing sawh hlah seh; zeicahtiah na sal nih hin hi kong vialte hi zeihmanh ka hngal lo, a tam siseh, a tlawm siseh,” tiah a ti.
16 Cun siangpahrang nih, “Na thi hrimhrim lai, Ahimelek, nangmah le na pa innchungkhar vialte,” tiah a ti.
17 Cun siangpahrang nih a pawng i a dirmi ralvengtu sinah khan, “I mer law, Bawipa tlangbawi kha that hna; annih zong David sin i an i òom caah a zam kha an hngal nain ka sinah an phuang lo,” tiah a ti. Sihmanhsehlaw siangpahrang sinum hna nih khan Bawipa tlangbawi hna thah awkah khan an kut an chuah duh lo.
18 Cu tikah siangpahrang nih Doeg kha, “Nangmah kha i mer law, tlangbawi kha that hna,” tiah a ti. Cun Edom mi Doeg cu aa mer i tlangbawi kha a thah hna; cun khi ni ah lahmangòhia tlangbawi angki aa hrukmi 85 a thah hna.
19 Cun tlangbawi khua Nob kha vainam in a tuk; pa he nu he ngakchia he hnuktlai lio he, cawtum he laa he tuu he, vainam in a sam hna.
20 Sihmanhsehlaw Ahitub fapa Ahimelek i fapa hna lakah khan pakhat, a min Abiathar a simi cu a luat i David sinah khan a zaam.
21 Cun David kha Abiathar nih cun, Saul nih Bawipa tlangbawi kha a thah hna, tiah a chimh.
22 Cun David nih Abiathar sinah cun, “Kha ni ah khan, Edom mi Doeg a um ve tikah khan, Saul a chimh òheo lai, tiah ka hngalh cia ko. Na pa innchungkhar chung mi vialte cu keimah nih ka thihter hna a si ko.
23 Ka sinah um ko, òih hlah; zeicahtiah ka nunnak a ka kawlmi cu nangmah nunnak an kawlmi a si ve ko; keimah sinah cun na him ko lai,” tiah a ti.