16
David Chiti Thuh A Si
1 Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.
2 Cun Samuel nih, “Zeitindah ka kal khawh lai? Saul nih a theih ahcun, a ka thah lai,” tiah a ti. Cun Bawipa nih, “Cawla pakhat in i lak law, ‘ Bawipa sin i raithawi awkah ka ra,’ tiah va ti.
3 Cun Jesse kha raithawinak ah cun va sawm law, nangmah nih zeidah na tuah awk a si kha kan hmuhsak lai; cun a min kan chimhmi kha nangmah nih chiti cu na ka thuhpiak lai,” tiah a ti.
4 Bawipa nih nawl a pekmi cu Samuel nih a tuah i Bethlehem khua ah khan a ra. Cu khua upa hna nih amah cu ton awkah khan ther lengmang in an ra i, “Daihnak lei ca i a rami na si maw?” tiah an ti.
5 Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.
6 Annih nih an rat tikah Eliab kha a zoh i, “ Bawipa chiti thuhmi cu Bawipa hmai i a ummi hi a si hrimhrim ko,” tiah a ruah.
7 Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.
8 Cun Jesse nih Abinadab kha a auh i Samuel hmaiah khan a hei kalter. Cun anih nih, “Hi zong hi Bawipa thimmi a si lo,” tiah a ti.
9 Cun Jesse nih Shammah kha a hei kalter. Cun anih nih, “Hi zong hi Bawipa thimmi a si lo,” tiah a ti.
10 Cun Jesse nih a fapa hna chung i pasarih kha Samuel hmaiah cun a kalter hna. Cun Samuel nih Jesse sinah cun, “ Bawipa nih mah hna hi cu a thim hna lo,” tiah a ti.
11 Cun Samuel nih Jesse sinah cun, “Hika ah hin na fapa an dihlak in an um maw?” tiah a ti. Cun anih nih, “A ngakchia bik a um rih, sihmanhsehlaw zohhmanh, amah cu tuu a khal,” tiah a ti. Cun Samuel nih Jesse sinah cun, “Mi hei thlah hna law, amah cu va la hna seh; zeitintiah hika a phak hlantiang kan òhu lai lo,” tiah a ti.
12 Cun a hei thlah hna i an run luhpi. Amah cu misen tertar te, mit au dawh ngai, midawh ngai a si. Cun Bawipa nih, “Tho law, amah cu thuh tuah; zeicahtiah amah hi dahkaw a si cu,” tiah a ti.
13 Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.
David Nih Saul Kha Tingtang A Tumpiak
14 Bawipa thlarau cu Saul sin khan aa òhial i Bawipa sinin a rami thlarau òhalo nih amah kha awlok a chonh.
15 Cun Saul cu a sinum hna nih khan, “Zohhmanh, Pathian sinin a rami thlarau òhalo nih awlok an chonh hih.
16 Kan bawipa nih nangmah hmai i a ummi na sal hna hi, tingtang tum a thiammi kawl awkah nawl kan pe tuah; Pathian sinin a rami thlarau òhalo kha na cungah a um tikah amah nih cun a tum lai i na dam lai,” tiah an ti.
17 Cucaah Saul nih a sinum hna sinah cun, “Tum a thiammi ka hmuhpiak u law, ka sinah ratpi u,” tiah a ti.
18 Tlangval pakhat nih khan a hun leh i, “Zohhmanh, Bethlehem khuami Jesse fapa pakhat, tingtang tum a thiammi, mi ralòha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um,” tiah a ti.
19 Cucaah Saul nih Jesse sinah cun lamkal a hei thlah hna i, “Tuu sinah a ummi na fapa David kha rak ka kua tuah,” tiah a ti.
20 Cun Jesse nih changreu le mitsur hang cua khat a phormi laa pakhat le meheh fa pakhat kha a lak i a fapa David sinin Saul sinah khan a kuat hna.
21 Cun David cu Saul sinah khan a ra i a rian ah khan a lut. Cun Saul nih khan a duh ngaingai i a hriamnam putu ah a cang.
22 Cun Saul nih Jesse cu bia a hei cah i, “David cu ka rian ah hin um ko seh, zeitintiah a cungah ka mit a tling,” tiah a ti.
23 Cun Pathian sinin a rami thlarau òhalo kha Saul cungah a tlun fate, David nih khan tingtang kha aa lak i a kut in a tum tawn; cucaah Saul cu aa hrim òhan tawn i a dam; cun thlarau òhalo nih khan a chuahtak tawn.