15
Amalek An Doh Hna
1 Cun Samuel nih Saul cu, “ Bawipa nih keimah cu, nangmah kha, a mi Israel mi cung i siangpahrang si awk i chiti thuh awkah, a ka thlah cang; cucaah Bawipa bia cu ngai tuah hna. Ref 15.1: 1Sam 10.1
2 Hi bangin ralkapbu Bawipa nih a ti, ‘Amalek mi nih Israel mi cungah an tuahmi, Izipt ram in an chuah i lampi i annih an rak doh hna kha, dan ka tat lai. Ref 15.2: Exo 17.8-14; Deu 25.17-19
3 Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo, nu thlulo, ngakchia thlulo, bawhte thlulo, cawtum thlulo, tuu thlulo, kalauk thlulo, laa thlulo in va that hna,’ a ti,” tiah a ti.
4 Cucaah Saul nih mi kha a kawh hna i Telaim ah a rel hna, ke ralkap 200-000 le Judah mi 10-000 an si.
5 Cun Saul cu Amalek mi hna khua cu a phan i horkuang chung cun a bawh.
6 Cun Saul nih Ken mi hna cu, “Kal u law, i òhen u, Amalek mi hna sinin vung kal u; cu ti a si lo ahcun, anmah sinah kan hrawh chih sual hna lai; zeitintiah Izipt ram in an hung chuah lioah khan nannih nih Israel mi vialte cu nan rak zaangfah hna,” tiah a ti. Cucaah Ken mi hna cu Amalek mi hna sin khan an i òhen.
7 Cun Saul nih Amalek mi cu Havilah in Izipt nichuahlei i a ummi Shur tiang a tei hna.
8 Cun Amalek mi siangpahrang Agag kha a nung in a tlaih i mi vialte kha vainam in a sam dih hna.
9 Sihmanhsehlaw Saul le mi hna nih khan Agag le tuu lak i a òha bik hna le cawtum lak i a òha bik hna le cenhmi saòil thauthau hna lakin a òha bik hna le, tuufa hna le a òhami vialte kha an zuah hna i an hrawk cikcek duh hna lo; a òhalo le santlailo vialte lawng kha an hrawh cikcek hna.
10 Bawipa bia cu Samuel sinah a ra phan:
11 “Saul cu siangpahrang i ka rak ser caah hin kaa ngaichih; zeicahtiah keimah zulhnak in aa mer cang i ka nawlbia kha a tuah hna lo,” tiah a ti. Cun Samuel cu a thin a hung i Bawipa kha zan khuadei in a auh.
12 Cun Samuel cu Saul kha zinglei i ton awkah tuan tein a tho, cun Samuel kha an chimh i, “Saul cu Karmel ah a ra, cun zohhmanh, amah caah hngalh camcinnak lung aa phun i aa mer i a lan i Gilgal ah a vung kal,” tiah an ti.
13 Cun Samuel cu Saul sinah a ra i Saul nih khan amah cu, Bawipa nih thluachuahnak in pe ko seh; Bawipa nawlbia cu ka tuah cang,” tiah a ti.
14 Cun Samuel nih, “A si kun ahcun, tuu awnh ka hna i a lutmi hi le cawtum pawt ka theihmi hi zeidah a si kun?” tiah a ti.
15 Saul nih, “Amalek mi hna sinin an ratpimi an si; zeitintiah mi nih tuu lak i a òha bik hna le cawtum lak i a òha bik hna kha Bawipa na Pathian sin i raithawi awkah an zuah hna; cun a dang vialte cu kan hrawh cikcek hna,” tiah a ti.
16 Khi tikah Samuel nih Saul cu, “Ngol rih hmanh! Zahan ah Bawipa nih a ka chimhmi cu kan chim hmanh lai,” tiah a ti. Cun anih nih, “Chim ko,” tiah a ti.
17 Cun Samuel nih, “Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.
18 Cun Bawipa nih rian pakhat tuah awkah an thlah i, ‘Va kal law, misual mi, Amalek mi kha, va hrawk dih cikcek hna, cun an ciamh dih tiangin va do hna,’ a ti.
19 A si kun ahcun, zeicahdah Bawipa aw cu na zulh lo? Zeicahdah hranchaw kha na zuanhnawh i Bawipa hmai i thil òhalo kha na tuah?” tiah a ti.
20 Cun Saul nih Samuel sinah cun, “ Bawipa aw cu ka zulh ko, Bawipa nih a ka thlahnak rian ah khan ka kal ko, Amalek siangpahrang Agag kha ka ratpi i Amalek mi kha ka hrawh cikcek ko hna.
21 Sihmanhsehlaw mizapi nih hranchaw le tuu hna le cawtum hna hrawh awk i ulh-amhmi thil lak i a òha bik hna kha, Gilgal ah, Bawipa na Pathian sin i raithawi awkah an lak hna,” tiah a ti.
22 Cun Samuel nih a thawh i,
“ Bawipa nih hin Bawipa aw zulhnak i
lawmhnak ngan a ngeih tluk hin maw,
Khangh thawinak le raithawinak ah
hin lawmhnak a ngeih ve?
Zohhmanh, nawlngaihnak hi
raithawinak nakin a òha deuh i
Amah bia ngaih hi tuukawng hna
thau nakin a òha deuh.
23 Zeitintiah ralchanh hman hi
litin bantukin sual a si ve i,
Lungkhon hi òhat lo le siasal biak he
an i tluk.
Nangmah nih Bawipa bia
na al cang caah amah zong nih
nangmah cu siangpahrang sinak khan
an hlawt cang,”
tiah a ti.
24 Cun Saul nih Samuel sinah cun, “Ka sual cang; mi zapi kha ka òih hna i an aw ka zulh hna caah Bawipa nawlbia le nangmah bia kha ka buar cang hna.
25 Cucaah atu cu, ka sualnak kha ka ngaithiam law, ka sinah kir tuah, Bawipa kha ka biak nakhnga, tiah kan nawl,” tiah a ti.
26 Cun Samuel nih Saul cu, “Nangmah cu kan kirpi lai lo; zeitintiah Bawipa bia kha na al cang i, Bawipa nih Israel mi cung i siangpahrang na sinak khan an hlawt cang,” tiah a ti.
27 Cun Samuel cu kal awk i aa mer pah ah khin Saul nih a puan ki in a tlaih i a tlek. Ref 15.27-28: 1Sam 28.17; 1Sia 11.30-31
28 Cun Samuel nih amah cu, “ Bawipa nih Israel pennak cu nangmah sinin nihin ah hin a thleh cang i nangmah nakin a òha deuhmi na innpa sinah khan a pek cang.
29 Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si òung lo,” tiah a ti.
30 Cun amah nih khan, “Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga,” tiah a ti.
31 Cucaah Samuel nih Saul cu a kirpi i Saul nih Bawipa kha a biak.
32 Khi tikah Samuel nih, “Amalek mi siangpahrang Agag kha hika ah hin, ka sinah ratpi tuah u,” tiah a ti. Cun Agag cu a sinah cun thanuam ngaiin a ra. Agag nih cun, “Thihnak a khaatnak cu ka lonh cang ko hnga lo maw cu,” tiah a ti.
33 Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.
34 Cun Samuel cu Ramah ah a tlung; Saul cu a inn ah Saul khua Gibeah ah khan a hung kal.
35 Samuel nih Saul cu a thih ni tiangin a hmu òhan ti lo, sihmanhsehlaw Samuel cu Saul kong ah khan a ngaih a chia ko. Cun Bawipa cu, Israel mi hna siangpahrang i Saul a rak ser kha, aa ngaihchih.