Johan Sinah Phuanmi
BIATHLAM
1
1 Hihi Jesuh biaphuan, Pathian sinin a rami a si. Hi biaphuan hi Pathian nih a salle hna sinah a rachom laimi a hmuhsakmi hna a si. Cucu Jesuh Khrih nih a salpa Johan sinah a vanmi thlah in a theihter.
2 Johan nih cun Pathian bia le Jesuh Khrih kong biatak le a hmuhmi vialte cu a thanh chin.
3 Hi Pathian bia hi zapi theih awkin a reltu cu mithluachuak a si. Hi chung bia a thei i a zulmi hna zong mithluachuak an si; zeitintiah a caan cu a nai ko cang.
4 Asia ram chung Khrihfabu pasarih hna, Johan nih a lang in nan kut kan tlaih hna. A um liomi le a um cangmi le a um laimi le a bawi òhutdan hmai i Thlarau pasarih le zumhtlak biatheitu a thimmi lakah fapater vawlei siangpahrang uktu Jesuh Khrih nih vel le daihnak in pe ko hna seh.
5 Jesuh Khrih cu zumhtlak biatheitu, thihnak in thawhter hmasa bikmi vawlei siangpahrang vialte hna uktu a si.
A kan daw i kan sualnak in a thi in a kan tlanhtu
6 a pennak ah a kan ser i a Pa le a Pathian tlangbawi ah a kan sertu sinah cun sunparnak le bawinak cu a zungzal in a zungzal tiang um camcin ko seh. Amen.
7 Vanrang he a ra lai khih, mi kip nih an hmuh lai i
amah a chuntu hrimhrim zong nih an hmuh lai.
Vawlei cung mi vialte cu amah ruangah an òap lai.
A si ko. Amen.
8 “Keimah cu Alpha le Omega ka si,” tiah Bawipa Pathian, zeizong ti khotu a um liomi le a um cangmi le a um laimi nih cun a ti.
9 Nan unau, kei Johan, Jesuh ruangah hremnak an inpitu hna le a pennak zong an hrawmpitu hna cu Pathian bia ruang le Jesuh kong ka chim ruangah Patmos tikulh ah ka um.
10 Bawipa ni ah cun Thlarau in ka um i ka hnulei in muko tum thawng bantuk aw thang ngai ka theih.
11 “Na thil hmuhmi hi ca in òial law Khrihfabu pasarih Efesa, Smarna, Pergamum, Thiatira, Sardis, Filadelfia le Laodisia khuami hna sinah kua hna,” a ka ti.
12 A ka chawntu cu ka hun zoh i ka hun i mer ah khin sui mei vannak pasarih ka hmuh.
13 Cu lakah cun minung bantuk a kemit phiak in angki fual aa aih i a òang ah sui taisawm aa sawmhmi ka hmuh.
14 A lu le a sam cu sahmul var hawhra bantukin a rangmi a si i a mit cu mei alh in a alh.
15 A ke cu dar erlet tleumi bantuk a si i a aw cu tilian thawng bantuk a si.
16 A orhlei kut in arfi pasarih aa put, a kaa in vainam kap hnih har a chuak, a hmai cu ni linh saling tluk in a ceu.
17 Amah ka hmuh cangka cun mithi bantukin a ke hramah ka tlu. A orhlei kut in a ka tawngh i, “Òih hlah, kei cu a hmasa bik le hmanung bik ka si;
18 a nungmi ka si, ka rak thi i zohhmanh, a zungzal ca in atu cu ka nung cang. Thihnak le Mithi Khua tawh zong ka ngei.
19 A um liomi le a um laimi kong na hmuhmi hi òial.
20 Ka orhlei kut i arfi pasarih le sui mei vannak pasarih na hmuhmi hna biakenret sullam cu hihi an si, arfi pasarih hna cu Khrihfabu vanmi pasarih an si i mei vannak pasarih hna cu Khrihfabu pasarih an si.