JUDAS
Cakuat
1
1 Jesuh Khrih miòhi le Jeim unau keimah Judas nih Pathian kan Pa dawtmi le auhmi Jesuh Khrih caah khetmi hna nan sinah a lang in nan kut kan in tlaih hna.
2 Zaangfahnak le daihnak le dawtnak cu nan cungah karhter chinchin si ko seh.
3 Ka dawtle hna, kan i hrawmmi khamhnak kong hi ca in hun in kuat hna hi kaa ngaih tuk tawn; Pathian nih a mithiang mi hna sinah zumhnak cu voi khat ah zalak in an pekmi hna hi nan i tlaih peng awkin forhnak ca ka òial hi a herh hrimhrim tiah ka ruah.
4 Nan lakah Pathian zeirel lomi pawl a thlithup in an i tenh i Pathian vel hi an horduhcuainak thuh phenhnak ah an hman i a kan uktu le kan Bawipa kan ngeihchunte Jesuh Khrih cu an cohlang duh fawn lo. Mah bantuk mi hna cu hlan chan liopi khan hlawt an rak si cang.
5 Nan hngalh dih ko cang nain nan ruah òhan rih awkah ka duhmi cu Izipt ram in mi a luattertu hna Bawipa nih khan a zum lomi hna cu a donghnak ah a hlohhral dih hna.
6 An um hmun lung si loin a òhial i an um hmun a òhial takmi vanmi hna cu biaceihnak Ni lianngan a phanh hlan tiang cu muipadap chungah cikcin in a zungzal a hren hna.
7 Sodom le Gomorrah le a pawngkam khua hna nih khan cu bantuk òhiamòhiam cun nu le pa sualnak ah minung phung si lo tiangin an tuah caah mitlomei in hremnak an inmi cu mi vialte zohchun awk caah a si.
8 Cu bantuk òhiamòhiam cun an mangmanhnak ruangin an pumsa cu an thurhnawmhter i nawlngeihnak zong an hlawt i a liannganmi hna kha an serhsat hna.
9 Sihmanhsehlaw vanmi lak i a ngan bik Mikhael hmanh nih khan khuachia he an i doh i Moses ruak an i cuh ah khan zomtaihnak in sual a phaw ngam lo i, “Bawipa nih in si te seh,” a ti.
10 Sihmanhsehlaw mah mi hna nih cun an hngalh lomi paoh an zomhtaih, ruahnak ngei lo saram bantukin an kotho ruahnak an hman ruangah hloh an si.
11 Chiat ko hna seh! Zeitintiah Kain hnu an zul i miak duh ah Balaam nih a palhmi lam kha an hoih i Korah dohnak ah khan an loral ve.
12 Ningzak loin an din an einak nih khan nan dawtnak rawldum òinak kha zoh an chiatter. Anmah zawn lawng an i ruat. Thli nih a choihmi ruah um lo vanrang, fur hmanh ah a tlai lomi thingkung, a hram in bongh i voi hnih thih in a thimi thingkung bantuk an si.
13 Rili tilet a thomi buanbara, mah le mah mual aa phohmi, muipadap chungah thlak dingin zuahmi arfi zuang bantuk an si.
14 Mah hna kong cu Adam in chan sarihnak ah Enok nih khan hitihin a rak chimchung: “Zohhmanh u, Bawipa cu mithiang relcawklo he a ra lai,
15 Pathian zeirel lo misual hna kha amah ralchan in biachia an chim ruang le Pathian zeirel lo i sualnak an tuahmi vialte ruangah a hlawt hna lai,”.
16 Mah hna cu mi phunzai le mi soisel hmang an si, anmah taksa duhning paoh in an nung, porhlawtnak hmurka he an khat i miak duh lawngah mi an chimthiam.
17 Sihmanhsehlaw ka dawtle hna, kan Bawipa Jesuh Khrih hnuzul hna nih an rak chim chungmi kha i cinken ko u.
18 “Caan hmanung ah cun Pathian zeirel loin an taksa duhnak a zulmi hlenthiam an chuak lai,” an rak ti.
19 Mah hna kha òhenhmalnak chuahtertu, anmah pumsa duhning a zulmi le Thlarau ngei lomi an si.
20 Sihmanhsehlaw, ka dawtle hna, nannih tu cu a thiangmi nan zumhnak ah khan i chap chinchin u law Thiang Thlarau hruainak in thlacam u.
21 Pathian dawtnak ah him in um ko u law kan Bawipa Jesuh Khrih nih a zaangfahnak in an pek hna laimi nuncanghmunhnak cu hngak ko u.
22 Lungawòawm in a ummi hna kha zaangfah ko hna u;
23 mei chung khan chuah hna u law chanh hna u. Taksa duhnak nih a thurhnawmhmi an hnipuan kha cu hua ko u law, òih pah buin anmah tu kha cu zaangfah ko hna u.
24 Tlu loin an veng khotu hna le lunglawmhnak in a sunparnak hmaiah dotla in an chan khotu hna le
25 Pathian pakhat lawng le Jesuh Khrih Bawipa thawngin kan khamhtu cungah cun sunparnak le lianhngannak le uknak le nawlngeihnak vialte cu a lan cia le atu lio le a zungzal ca in hmun zungzal ko seh! Amen.