9
(Gen 25:19-23)
1 Khrih ah biatak ka chim, ka lih lo; ka chiaòha thleidannak nih Thiang Thlarau thawngin a ka hngalhpi ko;
2 Ka ngaih a chia tuk hringhran i lungthin fak in ka um camcin ko.
3 Ka miphun hawi, ka unau hna ruangah chiatserh in Khrih he i òhen hmanh ka duh.
4 Israel mi an si ko i fa sinak, sunparnak, biahren, phung, biaknak, biakam hna siseh anmah ta a si ko.
5 Hringsortu hna hrinthlak an si i thisa lei phunhram in ti ahcun Khrih hi an phun hawi a si; zeizong vialte uktu Pathian cu zungzal in thangòhat si ko seh! Amen.
6 Asinain Pathian bia cu a pelh tinak a si lo; Israel hrinthlak paoh hi Israel taktak an si lem lo.
7 Cun Abraham hrinsor an si dih ko nain an dihlak in a fale taktak an si dih fawn lo. Sihmanhsehlaw, “Isak thawk in na hrinsor cu rel an si lai,” ti a rak si.
8 A sullam cu Pathian fale cu thisa fale theng kha an si lo tinak a si. Asinain biakam fale cu hrinsor ah rel an si.
9 Zeitintiah biakam nih a chimmi cu, “Atu caan bantuk ah hin ka ra kir òhan lai i Sarah nih fapa a hrin lai,” ti a rak si.
10 Cu lawng hmanh cu a si lo; Rebekka nih cun mipa pakhat kan pupa Isak sinah fapa a ngeih hna;
11 an chuah hlan, a chia zong a òha zong an tuah rih hlan hmanh khan, Pathian nih amah timhmi thimnak kha pehzulh peng a si nakhnga,
12 Òuannak ruangah si loin auhnak ruangah Rebekka cu, “Upa deuh nih ngakchia deuh a rianh lai,” a rak ti.
13 “Jakob cu ka dawt, Esau cu ka huat,” tiah òial a rak si bantuk khan a si.
14 Zeidah kan chim kun lai? Pathian lei in din lonak a um hnga maw? Um naisai hlah!
15 Zeitintiah Pathian nih Moses sinah,
“Ka zaangfahmi hna cu ka zaangfah ko hna lai,
Ka zawnruahmi hna cu ka zawnruah ko hna lai,”
a rak ti.
16 Cucaah minung duhnak si loin, asiloah, tuah khawhnak zongah si loin, zaang a fahtu Pathian ah aa hngatmi a si.
17 Cathiang nih Faro sinah, “Vawlei cung khua zakip ah ka min cu thanh a si khawh nakhnga caah nangmah cung i ka huham langhter ding hrimhrim in kan tunmermi na si,” a rak ti.
18 Cu a si caah Pathian nih a duhmi paoh a zaangfah hna i a duhmi paoh an lungthin a hahter hna.
19 “Zeicahdah ka sual a ka kawl ko rih? Zeitintiah a duhnak cu ahodah a dawn kho?” nan ka ti lai.
20 Asinain Pathian bia a let ngamtu cu ahodah na si? Sermi nih sertu, “Zeicahdah hitihin na ka ser?” a ti hnga maw?
21 Um sertu nih tlak hlum khat in um dawhte le a dang um hmanlek sernak nawl a ngei lo maw?
22 Pathian cu a thinhunnak le a nawlngeihnak langhternak dingah hrawh awkin a sermi thinhunnak a ing hngatu cung hmanh ah khan lungsau tein a ing hramhram lo maw?
23 Sunparter awkah a timhciami a zaangfahnak kan cungah hin sunparnak liannganmi co dingtu kan cungah hin a langh khawh nakhnga caah
24 Judah mi chung lawngah si loin, Jentail mi chung zongin kanmah hmanh hi a kan auh.
25 Hosea cauk chungah,
“Ka mi a si lomi hna kha
‘ka mi’ ka ti hna lai,
Dawt bal lomi nu cu
‘dawtmi nu’ ka ti lai.
26 ‘Ka mi nan si lo’ an ti hnanak hmun hrimhrim ah khan
A nungmi Pathian fale hna ti an si lai,” tiah a rak chim.
27 Cun Israel hna kong ah Isaiah cu, “Israel fale hna cu rili thetse zat si hmanh hna seh law a tangmi lawng khamh an si lai;
28 zeitintiah Bawipa nih vawlei cung i a biaceihnak cu khulrang te le lungawòawm loin fak piin a khiah lai,” tiah a rak au.
29 Cun, Isaiah nih a chimchungmi cu:
“Mi vialte Bawipa nih tefa hna rak kan zuah hlah seh law,
Sodom kan lo hnga i Gomorrah bantukin tuah kan si hnga,”
ti a rak si.
30 Zeitindah kan ti kun lai? Dinnak a zuldawi lomi Jentail hna nih zumhnak in dinnak cu an tlinh cang,
31 sihmanhsehlaw phung cherhchan in, dinnak a kawlmi Israel hna nih cun cu phung cu an tlinh kho lo.
32 Zeicaah? Zumhnak in an kawl lo, òuannak ah aa cherhchan rua tiah an ruah. Chuihpah awk lung ah an i chuihpah.
33 “Ngai hmanh, Zion ah mi chuihpah ding lung pakhat ka chiah, a tluktertu hna lungtum a si; Amah a zummi hna cu ningzahter an si lai lo,” tiah rak òial a si.