8
1 Cucaah atu cu Khrih Jesuh chungah a ummi hna caah cun sualphawtnak a um ti lo.
2 Khrih Jesuh chung i Thlarau nunnak phung nih cun sualnak le thihnak phung cun an luatter cang hna.
3 Thisa nih a derthawmtermi phung nih a tuah khawh lomi cu Pathian nih a tuah; sual pumsa he aa loin amah Fapa cu sualnak thawngthanhtu ah a run thlah. A pumsa in sualnak cu a hlawt.
4 Cu ti a run thlahnak cu pumsa duhnak in a nung ti lomi, Thlarau duhnak in a nung cangmi kanmah chungah phung nih a fialmi cu a tlin khawh nakhnga caah a si.
5 Thisa ningin a nungmi hna nih cun an lung cu thisa thil ah an bunh, sihmanhsehlaw Thlarau ningin a nungmi hna nih cun Thlarau thil ah an lung cu an bunh ve.
6 Thisa ah lung bunh cu thihnak a si, sihmanhsehlaw Thlarau ah lung bunh cu nunnak le remnak a si.
7 Zeicahtiah thisa ah lungthin bunh cu Pathian he aa ralchan; Pathian phung cu a zul lo, a zulh zong a zul kho taktak lo;
8 cun thisa ah a ummi hna nih cun Pathian lung an lawmhter kho lo.
9 Sihmanhsehlaw Pathian Thlarau cu nan sinah a um ahcun nannih cu thisa ah nan um ti lo i Thlarau ah nan um cang. Khrih Thlarau a ngei lomi hna paoh cu Khrih he an i tlai lo.
10 Sihmanhsehlaw nan chungah Khrih a um ahcun nan pumsa cu sual ruangah thi ko hmanh seh law dinnak ruangah Thlarau cu nan caah nunnak a si.
11 Jesuh kha thihnak in a thawhtertu Pathian Thlarau nan chung i a um ahcun Khrih Jesuh thihnak in a thawhtertu Pathian nih nan chungah a chiahmi a Thlarau thawngin thih hmangmi nan pumsa cu nunnak a pek lai.
12 Cuti a si caah cun u le nau hna, kannih cu lei kan ba, thisa duhning in nun awkah thisa ah kan ba lo;
13 zeitintiah thisa duhning in nan nun ahcun nan thi lai, sihmanhsehlaw thisa tuahmi kha Thlarau in nan thah ahcun nan nung lai.
14 Zeitintiah Pathian Thlarau nih a hruaimi vialte hna cu Pathian fa an si.
15 Zeitintiah Thlarau nan hmuhmi hi sal thinlung ngei in òihnak chung i nan kir òhan nakhnga caah a si lo, fa nan si nakhnga tu ah a si deuh. “Abba! Ka pa!” tiah kan au tikah
16 Pathian fa kan sinak kha kan thlarau le amah Thlarau an i pehtlaihnak a hngalhpitu a si;
17 fa kan si ahcun rocotu, Khrih he ro aa hrawmmi, Pathian rocotu kan hung si i amah he thangòhat kan si nakhnga a temhinnak zongah kan tem ing ve.
18 Atu lio caan temhinnak hi cu kan sinah phuan a si te laimi sunparnak he cun tahchunh awktlak ah ka ruat lo.
19 Zeitintiah sermi nih Pathian fale hna phuan an si te lainak cu ngangngan ngaiin a hngah.
20 Sermi cu amah duhning si loin Pathian duhning in a loral dingin ser an si, asinain ruahchannak a um rih.
21 Zeitintiah sermi thil cu thutmannak sal cun luatter a si lai i Pathian fale hna zalonnak a sunglawimi cu an co lai.
22 Sermi thil cu a ningpi in nau nganfah bantukin atu tiang a hrumai rih ko ti kan hngalh.
23 Sermi thil lawng a si lo. Thlarau tlai ter a hmumi kanmah zong Pathian fa siter ding le pumsa in tlanh kan si nakhnga kan hngak i kan chungin kan hrumai ve.
24 Zeicahtiah cu ruahchannak ah cun khamh kan si. Hmuh khawhmi ruahchannak cu ruahchannak a si lo. Aho nih dah a hmuhmi cu aa ruahchan tawn?
25 Sihmanhsehlaw kan hmuh rih lomi kha kan i ruahchan ahcun cucu lungsaunak in kan hngak.
26 Cu bantuk cun Thlarau nih kan derthawmnak ah a kan bawmh; zeitindah thla kan cam lai ti hmanh kan hngalh lo lioah cu Thlarau nih cun chim khawh lomi aihramnak in a kan nawlpiak.
27 Minung lungthin a hngal dihtu Pathian nih cun Thlarau lungput cu a hngalh; zeicahtiah Pathian duhning in Thlarau nih cun mithiang mi hna caah a halpiak hna.
28 Pathian a dawmi le aa ruah ningin a auhmi hna caah cun zeizong te ah an òhat nakhnga a tuahpiak hna ti kan hngalh;
29 a hngalhciami hna cu amah Fapa mui pu dingin a khaukhih hna; cucu a Fapa cu unau rual tampi lakah fater a si nakhnga caah a si.
30 Cun a khaukhihmi hna cu a auh hna i a auhmi hna cu thiam a coh hna; thiam a cohmi hna cu a sunlawiter hna.
31 Cuti a si ahcun zeidah kan chim ti lai? Pathian cu kanmah lei i a òan ahcun ahodah a kan ralchan kho lai?
32 A Fapa hmanh zuah loin kannih vialte caah a pemi nih cun zeizong vialte man loin a kan pekchih hnga lo maw?
33 Pathian nih a thimmi hna cu aho nih dah sual an puh hna lai? Thiamcohtu cu Pathian a si;
34 Ahodah a kan hlaw ti lai? Jesuh Khrih nih maw? Kan ca i a thih lawng hmanh si loin thihnak in a tho òhan i Pathian orhlei ah òhu in a kan nawlpiaktu dahkaw a si.
35 Khrih dawtnak he cun ahodah a kan òhen lai? Harnak, lungsivanghnak, hremnak, mangòam, òehòiamnak, òihnak, vainam, zeital nih a kan òhen kho lai maw?
36 “Nangmah ruangah chun nitlak
thah hrulh lengmang kan si;
Thah awk tuu ah an kan rel,”
tiah rak òialmi bang khan a si.
37 Òhen kho hlah, hi thil vialte ah hin a kan dawtu thawngin teitu hna nakin kan sang deuh.
38 Zeitintiah thihnak siseh, nunnak siseh, vanmi si hna seh, uktu le nawlngeitu khuachia vanghru si hna seh, thil um liomi si hna seh, a um laimi si hna seh, nawlngeihnak si hna seh;
39 sannak siseh, thuhnak siseh, sermi thil dang vialte zeihmanh zong nih kan Bawipa Jesuh Khrih ah a ummi Pathian dawtnak he cun a kan òhen kho lai lo ti cu fiang tein ka hngalh.