14
1 Zumhnak ah a derthawmmi pa cu a ruahnak kha alhnial loin rak lawm deuh u.
2 Mi cheu nih cun zeipaoh ei a thiang ko hnga tiah an zum lai nain mi derthawm nih cun anhringso lawng a ei.
3 A eimi nih aa summi cu nautat hlah seh, a ei lomi zong nih a eimi kong ceih hlah seh, zeicahtiah Pathian nih a lawmh ko hna.
4 Mi sinum kong aa ceihmi cu ahodah na si? A dir le a tluk cu a bawipa nawl a si ko. A dir kamh ko lai, zeitintiah a Bawipa nih cun a dirter khawh ko.
5 Mi pakhat nih ni khat cu ni dang nakin a òha deuh tiah a sunhsak nain midang pakhat nih cun ni vialte cu aa lo dih tiin a ruah dih ko hna.
6 Ahopaoh mah le ruahning cio ah an i fian awk a si. Ni khatkhat a ulmi pa nih Bawipa upatnak ah a ulh. A eimi zong nih Bawipa sinah lawmhnak a chim caah Bawipa upatnak in a ei; aa summi zong nih Bawipa upat nakin aa sum i lawmhnak cu Pathian sinah a chim.
7 Ahohmanh kanmah lawng caah kan nung lo i ahohmanh kanmah lawng caah kan thi lo.
8 Kan nun ahcun Bawipa caah kan nung, cun kan thih zongah Bawipa caah kan thi; cucaah kan thih a si zongah kan nun a si zongah Bawipa ta kan si.
9 Cu ruangah cun mithi le minung caah Bawipa a si khawh nakhnga Khrih cu a thi i a nung òhan.
10 Zeicahdah na unau pa kong na ceih; asiloah, nang zeicahdah na unau pa cu na serhsat? Zeitintiah kan dihlak in Pathian biaceihnak òhutdan hmaiah kan dir cio lai;
11 Zeitintiah,
“A nungmi ka si bantukin mi kip nih ka hmaiah
an khuk an i bil lai,
Mi kip nih Pathian cu an hmurka in an thangòhat lai,”
tiah Bawipa nih a ti,
tiah rak òial a si.
12 Cucaah ahopaoh nih Pathian hmaiah kanmah le kan kong cio kan chim te lai.
13 Cucaah ahohmanh pakhat le pakhat kan kong i ceih ti hlah u sih, sihmanhsehlaw ahopaoh nih kan unau tlukrilhnak le dawnhkhanhnak tuah lo ding tu i tim ko u sih.
14 Kei nih cun thil paoh hi anmah cio ah cun a thurhnawmmi a um lo tiah Bawipa Jesuh thawngin ka hngalh i ka zumh; sihmanhsehlaw a thurhnawm tiah a ruatmi paoh caah cun a thurhnawm ko.
15 Na eimi nih na unau a lung a fahter ahcun dawtnak lam na zul ti lo. A caah Khrih nih a thihpiakmi pa cu na eimi nih a rawhnak chuahter hlah seh.
16 Nan òhatnak cu a chiakha i chim awkah cang hlah seh.
17 Zeitintiah Pathian pennak cu ei le din a si lo, Thiang Thlarau thawngin daihnak le dinnak le lawmhnak tu a si deuh.
18 Cuti i Khrih rian a òuanmi cu Pathian caah duhnung a si i minung zong nih an thangòhat.
19 Cucaah daihnak le pakhat le pakhat i òhanchoter cionak a chuahtermi thil cu zuldawi hna u sih.
20 Rawl ruangah Pathian rianòuannak hrawk hlah u. Zei thil paoh hi a thiang taktak ko, sihmanhsehlaw ahopaoh nih a eimi in midang a tlukter ahcun palh a si.
21 Na unau tlukternak ah sa ei le zudin le thil dang tuah lo cu a òha.
22 Zumhnak na ngeihmi cu nangmah le Pathian karlakah chia ko. A dik timi tuah ruangah phuhrunnak a ngei lomi cu mi lunglawm a si.
23 Sihmanhsehlaw a ei i lung awòawm in a ummi pa cu hlawt a si ko, a zumhning in a tuah lo caah a si; zeicahtiah zumhnak in a chuak lomi paoh cu sual a si.