13
1 Ahopaoh nih uktu nawlngai ko hna seh, zeitintiah Pathian sin dah ti loin nawlngeihnak a um lo i nawlngeitu ah chiahmi hna zong hi Pathian nih a hranhmi hna an si.
2 Cucaah nawlngeitu a dodaltu hna cu Pathian nih a chiahmi hna dodaltu an si caah biaceih an i huah lai.
3 Zeitintiah ziaza òhami hna caah uktu hna cu òihnung an si lo i ziaza chiami hna ca lawngah òihnung an si. Nawlngeitu cu òih loin um na duh maw? Cuti a si ahcun a òhami kha tuah law a lung na ton ko lai.
4 Zeitintiah nangmah òhatnak caah Pathian rianòuantu a si. Sihmanhsehlaw palhnak na tuah ahcun òih ko; zeitintiah vainam cu a sawhsawh in aa put lo, palhnak a tuahtu cungah a thinhunnak tluntertu Pathian rianòuantu a si.
5 Cucaah Pathian thinhunnak hrial awk lawngah si loin na chiaòha thleidannak zongin an nawl na ngaih awk a si.
6 Cucaah pei ngunkhuai zong an pek cu, zeitintiah nawlngeitu hna cu mah cu a òuantu hrim ahcun Pathian lalang an si.
7 Pek hnga a simi cu pe dih ko hna u, ngunkhuai pek awk a simi cu pe law thilri ngunkhuai nan pek awk a simi cu pe ko u, upat awktlak upat hna u law hmaizah awktlak hmaizah ko hna u.
8 Pakhat le pakhat dawtnak dah ti lo ah cun ahohmanh zei lei hmanh va ba hna hlah u; zeitintiah a innpa a dawmi nih phung a tlinh.
9 Nawlbia ah, òangdangpom hlah, lainawng hlah, fir hlah, hngar hlah, ti le nawlbia dang vialte zong a fun dih tu cu, “Nangmah naa dawt bangin na innpa va daw hna,” timi hi a si.
10 Dawtnak nih a innpa cungah òhat lonak a tuah lo; cucaah dawtnak cu phung tlinhnak a si.
11 Hi hleiah atu hi zei caan dah a si ti le nan ihnak in i hlauh caan a phan cang ti kha nan hngalh. Zeitintiah kan zumh ka nakkhan khamhnak nih cun atu ah a kan naih deuh;
12 zan a dih dengmang cang i khua a dei dengmang cang. Muihnak rian cu hlonh u sih law ceunak ralthuam cun i thuam u sih.
13 Chun ceu he aa tlakmi nunning in nung u sih law rihai lo le aukhuang cercur loin um u sih; hornak le nu le pa sualnak tuah lo le sikòhiatnak le nahchuahnak tuah hlah u sih.
14 Bawipa Jesuh Khrih in i thuam deuh u si law taksa duhnak diriamhter awk ruat hlah u sih.